Donald Trump: ડોનાલ્ડ ટ્રમ્પે વેનેઝુએલા ઉપર કબ્જો કર્યા બાદ દુનિયાભરમાં ધમકીઓ આપવાનું શરૂ કરતાં હાહાકાર મચી ગયો છે અને આ બધા વચ્ચે તેઓએ નોર્વેના વડાપ્રધાનને એક પત્ર લખીને પોતાની નારાજગી વ્યક્ત કરી છે, જે પત્ર સોશિયલ મીડિયા પર લીક થઈ ગયો છે ટ્રમ્પે પત્રમાં સ્પષ્ટ જણાવ્યું છે કે, ‘8 જેટલા યુદ્ધો અટકાવ્યા હોવા છતાં મને નોબેલ શાંતિ પુરસ્કાર આપવામાં આવ્યો નથી, તેથી હવે હું શાંતિ જાળવી રાખવાની કોઈ જવાબદારી લેતો નથી.’
આ સાથે જ તેમણે સ્પષ્ટ સંકેત આપ્યા છે કે તેઓ કઈ પણ કરી શકે છે પહેલા વેનેઝુએલા અને હવે ગ્રીનલેન્ડ પર કબજો કરવાની દિશામાં આગળ વધી શકે છે અને યુરોપિયન દેશો સામે પણ બાંયો ચડાવી છે મતલબ કે જો તેઓને શાંતિ પુરસ્કાર મળ્યો હોત તો કદાચ આ સ્થિત ન હોત.
●AI નકશો અને સોશિયલ મીડિયા પર આક્રમક પોસ્ટ
ટ્રમ્પે તેમના સોશિયલ મીડિયા પ્લેટફોર્મ ‘ટ્રુથ સોશિયલ’ પર AI દ્વારા બનાવવામાં આવેલો એક નવો નકશો પોસ્ટ કર્યો છે, જેમાં ગ્રીનલેન્ડ, કેનેડા અને વેનેઝુએલાને અમેરિકાના ભાગ તરીકે દર્શાવવામાં આવ્યા છે ટ્રમ્પે ઈરાનની વળતા ” યુદ્ધ” ની ધમકી બાદ કહ્યું,”જો કંઈ થશે, તો અમે તેમને નકશા પરથી ભૂંસી નાખીશું.”
મહત્વનું છે કે ટ્રમ્પ પહેલાથી જ ઈરાનમાં શાસન પરિવર્તન વિશે વાત કરી ચૂક્યા છે અને હવે તેઓ જંગ છેડવાની વાત કરી રહયા છે અને જે હુમલો થશે તે વિનાશક હશે જેની કોઈએ કલ્પના નહિ કરી હોય તેને પૃથ્વીના નકશા પરથી ગાયબ કરી દઈશું એવી ધમકી આપી છે આમ, ટ્રમ્પની સીધી ધમકી બાદ ઈરાનના સુપ્રીમ લીડર અયાતુલ્લા અલી ખામેનેઈ તેહરાન નજીકના એક સુરક્ષિત બંકરમાં છુપાઈ ગયા હોવાના અહેવાલ છે.
મહત્વનું છે કે છેલ્લા સાત મહિનામાં તેઓ બીજી વખત બંકરમાં છૂપાયા છે બીજી તરફ ગ્રીનલેન્ડ મુદે ફ્રાન્સે વલણ કડક અપનાવી ટ્રમ્પનો વિરોધ કરતા ટ્રમ્પની ટેરીફની ધમકી બાદ સ્વિટ્ઝરલેન્ડના દાવોસમાં આયોજિત વર્લ્ડ ઇકોનોમિક ફોરમમાં ફ્રાંસના પ્રમુખ ઇમેન્યુઅલ મેક્રોનએ પોતાના નિવેદનમાં કહ્યુ કે ‘કોઈપણ દેશની જમીન, આઝાદી કે સાર્વભૌમત્વ પર દબાણ લાવવા માટે ટેક્સ અને આર્થિક પાબંદીઓનો હથિયાર તરીકે ઉપયોગ કરવો બિલકુલ સ્વીકાર્ય નથી.’
આમ,ટ્રમ્પ હવે બેબાકળા થયા છે અને યુરોપિયન દેશો સામે પણ બાખડી પડતાં મામલો ગરમાયો છે અને ટ્રેડવોરને લઈ શેર બજારમાં ઉથલ પાથલ મચી છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
