● વેનેઝુએલા બાદ હવે ટ્રમ્પ ગ્રીનલેન્ડ લેવા ઉભા થયા ત્યારે યુરોપિયન દેશોએ રોક્યા તો તે બધા સામે ટેરીફ લગાવવાની ધમકી આપી તો સામે યુરોપિયન દેશોએ પણ અમેરિકા ઉપર 107.71 અબજ ડોલર સુધીના જવાબી ટેરિફ લગાવવાની તૈયારીઓ શરૂ કરી કરતા ‘ટ્રેડ વોર’ ફાટી નીકળશે
Donald Trump: ડોનાલ્ડ ટ્રમ્પને જાણે ટેરીફ લાગાવવાની રીતભાત માફક આવી ગઈ છે અને જ્યાં હોય ત્યાં ટેરીફ લગાવી દે છે અને સતત ધમકીઓ આપતા ફરે છે પરિણામે દુનિયાભરના એસ્ટીમેન્ટ ખોરવાઈ ગયા છે અને એક તરફી દાદાગીરી કરીને પોતે જગત જમાદારની ભૂમિકા ભજવ્યા કરે છે તાજેતરમાં વેનેઝુએલના તેલ ભંડાર ગમી ગયા અને દાનત બગડી એટલે નાનકડા વેનેઝુએલા ઉપર હુમલો કરી કબ્જો જમાવી દીધો અને ત્યાંના રાષ્ટ્રપતિ માદુરોને જેલમાં નાખી દીધા હવે તેમને ગ્રીનલેન્ડ પસંદ આવી ગયુ એટલે ત્યાં પણ કબ્જો કરવા નીકળી પડ્યા પણ યુરોપિયન દેશોએ વિરોધ કર્યો એટલે ટ્રમ્પ ભડકી ઉઠ્યા કે હું દુનિયાનો શક્તિશાળી માણસ છું હું ગમેતે કરી શકું મારો વિરોધ કરનારા કોણ? પરિણામે અમેરિકન પ્રમુખ ડોનાલ્ડ ટ્રમ્પે ગ્રીનલેન્ડને સાથ આપનારા 8 યુરોપિયન દેશો પર ભારે ટેરિફ લગાવવાની ધમકી આપી છે,પણ અહીં ટ્રમ્પની ધમકી કામ ન આવી અને ટ્રમ્પને તેની જ ભાષામાં જવાબ આપવાનું યુરોપિયન યુનિયન (EU)એ નક્કી કર્યું છે અને વળતા જવાબમાં લગભગ 107.71 અબજ ડોલર સુધીના જવાબી ટેરિફ લગાવવાની તૈયારીઓ શરૂ કરી છે.
ગ્રીનલેન્ડને સાથ આપનાર યુરોપિયન દેશોમાંથી આવતા સામાન પર પ્રથમ તબક્કામાં તા.1 ફેબ્રુઆરીથી 10% ટેરિફ અને ત્યારબાદ બીજા તબક્કામાં તા. 1 જૂનથી વધારીને 25% કરી દેવાની ટ્રમ્પની જાહેરાત બાદ EU સતર્ક થઈ ગયું છે અને ટ્રમ્પને પાઠ ભણાવવાનું નક્કી કર્યું છે જે અંતર્ગત બેલ્જિયમની રાજધાની બ્રસેલ્સમાં EUના રાજદૂતોની યોજાયેલી એક ઈમરજન્સી બેઠકમાં જર્મની અને ફ્રાન્સ સહિતના ઘણા દેશોએ ટ્રમ્પના આ પગલાંને વખોડી કાઢી અને સૌએ ટ્રમ્પની આ રીતને ‘બ્લેકમેઇલ’ સમાન ગણાવી હતી.
ટ્રમ્પને પાઠ ભણાવવા ફ્રાન્સે કડક પગલાં લેવાનો પ્રસ્તાવ મૂક્યો છે. યુરોપિયન દેશો અમેરિકા પર 93 અબજ યુરો (લગભગ 107.71 અબજ ડોલર) સુધીના જવાબી ટેરિફ લગાવવા અથવા તો અમેરિકન કંપનીઓને યુરોપિયન બજારમાંથી બહાર કરવા જેવા આકરા પગલાં લેવા પર વિચાર કરી રહ્યા છે સ્વિટ્ઝર્લેન્ડના દાવોસમાં આ સપ્તાહમાં યોજાનાર વર્લ્ડ ઇકોનોમિક ફોરમ દરમિયાન યુરોપિયન દેશો અમેરિકા સામે વળતા કડક પગલાં ભરવા પર વિચાર કરી રહ્યા છે.
વિગતો મુજબ EUના એક રાજદૂતે કહ્યું છે કે ટ્રમ્પના ટેરિફના વળતા પ્રહારમાં જવાબી ટેરિફ 6 ફેબ્રુઆરીથી લાગુ થઈ શકે છે. જોકે, એક અન્ય રાજદ્વારીએ જણાવ્યું કે, અમે રાજદ્વારી માર્ગો શોધી રહ્યા છીએ. જો 1 ફેબ્રુઆરીએ ટ્રમ્પ ટેરિફ લાગુ કરશે, તો જ જવાબી ટેરિફ પર વિચાર કરવામાં આવશે,આ સમગ્ર વિવાદનું કેન્દ્રબિંદુ ડોનાલ્ડ ટ્રમ્પની ગ્રીનલેન્ડને અમેરિકામાં ભેળવવાની ઝુંબેશ છે. જે 8 દેશો ટ્રમ્પના નિશાના પર છે તેમાં ડેનમાર્ક, સ્વીડન, ફ્રાન્સ, જર્મની, નેધરલેન્ડ, ફિનલેન્ડ, બ્રિટન અને નોર્વેનો સમાવેશ થાય છે.
આ દેશોએ ડેનમાર્કના સમર્થનમાં આર્કટિક ક્ષેત્રમાં પોતાના સૈનિકોની તૈનાતી પણ કરી દીધી છે, દરમિયાન કેનેડાના વડાપ્રધાન માર્ક કાર્નીએ પણ આ અંગે ચિંતા વ્યક્ત કરી છે. તેમણે કહ્યું કે કેનેડા હંમેશા પ્રાદેશિક અખંડિતતાના સમર્થનમાં રહ્યું છે અને ગ્રીનલેન્ડનું ભવિષ્ય ગ્રીનલેન્ડ અને ડેનમાર્કે જ નક્કી કરવું જોઈએ તેમાં બીજાએ હસ્તક્ષેપ કરવો ન જોઈએ આમ,યુરોપિયન દેશો સામે ટેરીફ વધારવાની ટ્રમ્પની ધમકી સામે યુરોપિયન દેશોએ પણ વળતો ટેરીફ લગાડવાની તૈયારી કરતા ટ્રમ્પ હવે 1 ફેબ્રુઆરીએ આ દેશો સામે ટેરીફ લગાવશે કે કેમ તેતો આવનારો સમય જ કહેશે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
