Donald trump: ઈરાનમાં સર્જાયેલી આર્થિક કટોકટીને કારણે થયેલા વિરોધ પ્રદર્શનો દરમિયાન અત્યાર સુધીમાં 5000 લોકોના મોત થઈ ચૂક્યા છે.સરકારી દાવા મુજબ, આ વિરોધ પ્રદર્શનોમાં અત્યાર સુધીમાં 5,000 લોકો માર્યા ગયા છે, જેમાં 500 સુરક્ષા કર્મચારીઓનો પણ સમાવેશ થાય છે.સરકારે હિંસા માટે આતંકવાદીઓ અને વિદેશી કાવતરાઓને જવાબદાર ઠેરવ્યા છે.
ઈરાની અધિકારીઓના જણાવ્યા મુજબ દેશમાં સર્જાયેલી આર્થિક કટોકટી અને બેરોજગારીના વિરોધમાં ગત તા.28 ડિસેમ્બરથી વિરોધ પ્રદર્શન શરૂ થયા હતા જોકે,શરૂઆતમાં લોકો રોજિંદી સમસ્યાઓનો વિરોધ કરવા માટે રસ્તાઓ પર ઉતર્યા હતા પણ બે અઠવાડિયા બાદ પરિસ્થિતિ ઝડપથી વણસી ગઈ અને આંદોલન રાજકીય પ્રેરિત બની ગયું હતું.
દેશમાં સરકાર વિરોધી સૂત્રોચ્ચાર અને ધાર્મિક શાસન નાબૂદ કરવાની માંગણીઓ સાથે આંદોલન ઉગ્ર બની ગયું હતું.
અધિકારીઓનું કહેવું છે કે ઘણા વિસ્તારોમાં હિંસા એટલી બધી વધી ગઈ કે પરિસ્થિતિ નિયંત્રણ બહાર થઈ ગઈ, જેના કારણે સુરક્ષા દળોને કડક પગલાં લેવા પડ્યા.
◆ તેહરાન શા માટે વિદેશી ષડયંત્રનો આરોપ લગાવી રહ્યું છે?
● તેહરાન ઈરાનમાં હિંસા માટે વિદેશી ષડયંત્રનો આરોપ લગાવી રહ્યું છે.
● ઈરાની નેતૃત્વ કહે છે કે વિરોધ પ્રદર્શન સ્વયંભૂ નહોતા.
● સુપ્રીમ લીડર ખામેનીએ યુનાઇટેડ સ્ટેટ્સ અને ઇઝરાયલ પર અશાંતિ ભડકાવવાનો આરોપ લગાવ્યો.
● ખામેનીએ સ્વીકાર્યું કે વિરોધ પ્રદર્શનોમાં હજારો લોકો માર્યા ગયા.
● સરકારના મતે, બાહ્ય દળોએ દેશની અંદરના અસંતોષનો ફાયદો ઉઠાવ્યો.
● તેહરાનનો દાવો છે કે પરિસ્થિતિને વધુ ખરાબ કરવામાં વિદેશી એજન્સીઓ સક્રિય હતી.
◆ ૧૯૭૯ની ક્રાંતિ પછીનો સૌથી ઘાતક ઉથલપાથલ
ઈરાની અધિકારીઓના મતે, આ હિંસા ૧૯૭૯ની ઇસ્લામિક ક્રાંતિ પછીનો સૌથી ઘાતક માનવામાં આવે છે અત્યાર સુધીમાં દેશમાં અનેક વિરોધ પ્રદર્શનો થયા છે, પરંતુ આટલી મોટી સંખ્યામાં મૃત્યુ પહેલા ક્યારેય થયા નથી. હાલમાં અધિકારીઓએ સુરક્ષા વધારી દીધી છે અને કાયદો અને વ્યવસ્થા જાળવવા માટે કડક પગલાં લીધા છે.
સરકારે સ્પષ્ટ કર્યું છે કે દેશમાં શાંતિ પુનઃસ્થાપિત કરવી એ તેમની ટોચની પ્રથમ પ્રાથમિકતા છે અને હિંસામાં સામેલ લોકો સામે કડક કાર્યવાહી કરવામાં આવી રહી છે,વધુ હિંસા ન વધે તે માટે સુરક્ષા દળોને હાઇ એલર્ટ પર રાખવામાં આવ્યા છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
