Donald Trump: પાકિસ્તાન અને અફઘાનિસ્તાન વચ્ચે ચાલી રહેલા સંઘર્ષ અંગે અમેરિકાના રાષ્ટ્રપતિ ડોનાલ્ડ ટ્રમ્પે એક મહત્વપૂર્ણ નિવેદન આપ્યું છે. ટ્રમ્પે પાકિસ્તાની વડા પ્રધાન અને આર્મી ચીફની પ્રશંસા કરી છે અને કહ્યું કે પાકિસ્તાન હાલમાં ખૂબ સારું પ્રદર્શન કરી રહ્યું છે,પાકિસ્તાન અને અફઘાનિસ્તાન વચ્ચે વધી રહેલા તણાવ અંગે અમેરિકાના રાષ્ટ્રપતિ ડોનાલ્ડ ટ્રમ્પે એક મોટું નિવેદન આપ્યું છે. તેમણે કહ્યું કે જો જરૂર પડે તો અમેરિકા આ મામલે હસ્તક્ષેપ કરવા તૈયાર છે. જોકે, તેમણે એ પણ સ્પષ્ટ કર્યું કે પાકિસ્તાન સાથે તેમના ખૂબ સારા સંબંધો છે, ટ્રમ્પે કહ્યું કે પાકિસ્તાનના પ્રધાનમંત્રી અને આર્મી ચીફ બંને શાનદાર નેતાઓ છે અને મને તે બંને માટે ખૂબ માન છે. પાકિસ્તાન હાલમાં ખૂબ સારું કરી રહ્યું છે,આમ,પ્રાદેશિક રાજકારણની દ્રષ્ટિએ અમેરિકન રાષ્ટ્રપતિના આ નિવેદનને ખૂબ જ મહત્વપૂર્ણ માનવામાં આવી રહ્યું છે.
#WATCH | On Pakistan-Afghanistan conflict, US President Donald Trump says, “I would (intervene). But I get along with Pakistan very very well. They have a great Prime Minister, a great General. They have a great leader. Two of the people that I really respect a lot. Pakistan is… pic.twitter.com/LjPXCVmdJs
— ANI (@ANI) February 27, 2026
તાજેતરના દિવસોમાં પાકિસ્તાન અને અફઘાનિસ્તાન વચ્ચેની સરહદ પર તણાવ વધ્યો છે. બંને દેશો વચ્ચે સરહદ પર અથડામણ ચાલુ છે ત્યારે ટ્રમ્પના નિવેદનથી સંકેત મળે છે કે અમેરિકા પરિસ્થિતિ પર નજર રાખી રહ્યું છે અને જરૂર પડ્યે મધ્યસ્થી કરી શકે છે,ટ્રમ્પે પાકિસ્તાનની આર્થિક અને રાજકીય પરિસ્થિતિ વિશે પણ સકારાત્મક ટિપ્પણીઓ કરી હતી. રાજકીય નિષ્ણાતો માને છે કે ટ્રમ્પનું નિવેદન એક સંતુલિત સંદેશ છે. એક તરફ, તેમણે હસ્તક્ષેપની શક્યતા ઉભી કરી, તો બીજી તરફ, તેમણે પાકિસ્તાન સાથેના તેમના મજબૂત સંબંધો પર પણ પ્રકાશ પાડ્યો. આવનારા દિવસોમાં આ પ્રાદેશિક વિવાદમાં અમેરિકા કેટલું સક્રિય ભૂમિકા ભજવે છે તે જોવું રસપ્રદ રહેશે.
