Rajkot: રાજકોટ જિલ્લાના જેતપુર પંથકમાં 11 જેટલા ભૂકંપના આંચકા આવતા લોકોમાં ભારે ગભરાટનો માહોલ જોવા મળ્યો હતો.ઈન્સ્ટીટયુટ ઓફ સિસ્મોલૉજિકલ રિસર્ચના જાહેર કરાયેલા ડેટા મુજબ આજે શુક્રવારે 9 જાન્યુઆરીના રોજ સવારથી એક બાદ એક 11 વખત ભૂકંપના આંચકા નોંધાયા હતા જેમાં સૌથી મોટો આંચકો સવારે 6.19 વાગ્યે અનુભવાયો હતો જેની તીવ્રતા રિક્ટર સ્કેલ પર 3.8 નોંધાઈ હતી ત્યારબાદ લગભગ એક કલાક બાદ સતત ભૂકંપના આંચકા ચાલુજ હતા અને બપોરે પોણા 12 વાગ્યા સુધી ભૂકંપના આંચકા ચાલુ હતા.
આમ આજ સવારે 6થી 12 વાગ્યા સુધીના 6 કલાકમાં 11 વખત ભૂકંપના આંચકા અનુભવાયા છે.જેતપુર પંથકમાં આંચકા આવતા લોકો પોતાના ઘર બહાર નીકળી ગયા હતા.જેતપુર સહિત આસપાસના જેતલસર,પેઢલા અને સરધારપુર સહિતના ગ્રામ્ય વિસ્તારોમાં આંચકા આવતા લોકોમાં ગભરાટ ફેલાયો હતો સદનસીબે કોઈ જાનહાનીના અહેવાલ નથી.
ભૂકંપના આંચકા આવતા તંત્ર દ્વારા રજા જાહેર કરાતા ધોરાજી-જેતપુરની તમામ શાળાઓમાં બાળકોને રજા આપી દેવાઈ હતી.ભૂકંપના આંચકા આવતા સલામતીના કારણોસર ધોરાજી અને જેતપુરની તમામ રજા જાહેર કરવામાં આવી હતી.વિદ્યાર્થીઓ રોજના સમય મુજબ શાળાએ પહોંચ્યા હતા, પરંતુ સલામતીના કારણોસર રાજકોટ જિલ્લા પ્રાથમિક શિક્ષણ અધિકારી દ્વારા વિદ્યાર્થીઓને તેમના ઘરે પરત મોકલવા શાળાના આચર્યોને જાણ કરતા બાળકોને પરત મોકલાયા હતા.
વિગતો મુજબ ધોરાજી તાલુકાની 48 શાળાઓ અને જેતપુર તાલુકાની 70 શાળાઓમાં રજા જાહેર કરવામાં આવી છે.સીસમોલોજી વિભાગ દ્વારા જેતપુર, ઉપલેટા અને ધોરાજીના મામલતદાર પાસે ભૂકંપ સબંધી રિપોર્ટ માંગવામાં આવ્યો હતો.ભૂકંપનું કેન્દ્ર બિંદુ ઉપલેટાથી લગભગ 30 કિલોમીટરના અંતરે નોંધાયુ છે અને ભૂકંપની તીવ્રતા 3.5 થી 3.8ની હોવાનું જાણવા મળ્યું છે.
ઉલ્લેખનીય છે કે અગાઉ તા. 24 ઓક્ટોમ્બર 2025ના રોજ પણ રાજકોટ જિલ્લાના વિરપુર અને જેતપુર શહેર તેમજ આસપાસના ગ્રામ્ય વિસ્તારોમાં 3.6ની તીવ્રતાનો ભૂકંપનો આંચકો અનુભવાયો હતો અને તે સમયે પણ ભૂકંપનું કેન્દ્રબિંદુ ગોંડલથી લગભગ 24 કિલોમીટર દૂર પશ્ચિમ-દક્ષિણ-પશ્ચિમ દિશામાં નોંધાયું હતું.
ત્યારબાદ ફરી આજે ઉપરા ઉપરી 11 જેટલા આંચકા આવતા લોકોમાં ભયની લાગણી ફેલાઇ ગઇ છે.
તંત્ર દ્વારા લોકોને સાવધાની રાખવા સૂચના અપાઈ છે અને સરપંચથી લઈ તાલુકા અને જિલ્લા કક્ષાએ અધિકારીઓ સતત એકબીજાના સંપર્કમાં રહેવા જણાવાયું છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
