Election: પશ્ચિમ બંગાળ અને તમિલનાડુમાં આજે મતદાન ચાલુ થઈ ગયું છે. બંગાળમાં ફર્સ્ટ ફેઝની 152 બેઠકો પર મતદાન શરૂ થયું છે,તમિલનાડુમાં તમામ 234 બેઠકો પર ચૂંટણી થવાની છે, પ.બંગાળમાં રાજ્યના ૧૬ જિલ્લાઓમાં ૧૫૨ મતવિસ્તારોમાં મતદાન ચાલી રહ્યું છે. મતદાન આજે સવારે ૭ વાગ્યે શરૂ થયું હતું અને સાંજે ૬ વાગ્યા સુધી ચાલુ રહેશે બંગાળમાં TMC અને BJP વચ્ચે મુખ્ય જંગ છે. અહીંના તમામ બૂથો પર વેબકાસ્ટિંગ (લાઈવ મોનિટરિંગ) થશે રાજ્યની બાકીની 142 બેઠકો પર બીજા ફેઝમાં 29 એપ્રિલે વોટિંગ થશે અને મત ગણના તા. 4 મેના રોજ થશે તમિલનાડુમાં DMK+ કોંગ્રેસ અને AIADMK+ BJP વચ્ચે મુકાબલો છે. તમિલ એક્ટર થલાપતિ વિજયની નવી પાર્ટી TVK આ જંગમાં સામેલ થતાં ત્રિપાખીઓ જંગ છે.
પશ્ચિમ બંગાળમાં કુલ 294 બેઠકો છે. જેમાં 210 જનરલ બેઠકો છે. જ્યારે 68 બેઠકો SC અને 10 બેઠકો ST માટે અનામત છે. રાજ્યમાં કુલ 6.8 કરોડ વોટર્સ છે. પાંચ લાખથી વધુ લોકો પ્રથમ વખત વોટ આપશે. તેમજ 3.79 લાખ વોટર્સ 85થી વધુ ઉંમરના છે. ફર્સ્ટ ફેઝમાં 16 જિલ્લાની 152 બેઠકો પર વોટિંગ થશે. 44,376 પોલિંગ બૂથ બનાવવામાં આવ્યા છે.
મહત્વનું છે કે બંગાળમાં 14 વર્ષથી CM મમતાની સરકાર છે જેઓ સામે આ જંગમાં BJPનો સીધો પડકાર છે જ્યારે જયલલિતા પાંચ વખત તમિલનાડુના મુખ્યમંત્રી બનતા તેઓના નામે રેકોર્ડ છે. જોકે, તેઓ 1991થી 2016 સુધી અલગ-અલગ કાર્યકાળમાં મુખ્યમંત્રી પદે રહ્યા હતા.
જ્યારે મહારાષ્ટ્રના પુણે જિલ્લાની બારામતી વિધાનસભા બેઠક પર પણ આજે, 23 એપ્રિલ 2026 ના રોજ પેટાચૂંટણી માટે મતદાન થઈ રહ્યું છે.
આ બેઠક મહારાષ્ટ્રના પૂર્વ નાયબ મુખ્યમંત્રી અજિત પવારનું 28 જાન્યુઆરી, 2026 ના રોજ બારામતી એરપોર્ટ પાસે થયેલા એક કમનસીબ વિમાન અકસ્માતમાં નિધન થવાથી ખાલી પડી હતી અજિત પવારના પત્ની અને વર્તમાન નાયબ મુખ્યમંત્રી સુનેત્રા પવાર આ બેઠક પરથી ચૂંટણી લડી રહ્યા છે આમ,દેશમાં લોકશાહી પર્વની ઉજવણી થઈ રહી છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
