State Health Data: ગુજરાતમાં સરકારી યોજનાઓના નામે કરોડોનો ખર્ચ છતાં યોજનાઓ માત્ર કાગળ ઉપર રહી હોવાનું ચિત્ર સામે આવી રહ્યું છે શિક્ષણમાં ગુજરાતની સ્થિતિ અન્ય રાજ્યોની સરખામણીમાં બેહદ ખરાબ હોવાનું સામે આવ્યા બાદ હવે બાળ મૃત્યુદરમાં ગુજરાત અન્ય રાજ્યોની સરખામણીમાં આગળ હોવાનું સપાટી ઉપર આવ્યું છે.
આ માટે પણ યોજનાઓ છે તેમાં લાખ્ખોનો ખર્ચ છતાં પરિણામો મળી શકતા નથી.બાળ મૃત્યુ ન થાય તે માટે સરકારે બાળ સખા યોજના, જનની સુરક્ષા અભિયાન સહિત ઘણી સરકારી યોજનાઓ અમલમાં મૂકી છે તે સિવાય કુપોષણમુક્ત ગુજરાત બનાવવા સરકાર લાખો રૂપિયા ખર્ચ કરી રહી છે અને ખાસ દર વર્ષે બજેટમાં નાણાંકીય જોગવાઈઓ છે, તેમ છતાંય હજારો નવજાત દમ તોડી રહયા છે.
ગુજરાતમાં જે રીતે આંકડા સામે આવી રહયા છે તેમાં પાંચ વર્ષ કરતાં ઓછી વયના બાળકોના મૃત્યુ દરમાં ગુજરાત અન્ય રાજ્યોની સરખામણીમાં આગળ છે અને ગુજરાતમાં દર એક હજાર બાળકોએ 23 નવજાત મોત થઈ રહ્યા છે, જ્યારે કેરળમાં એક હજાર દીઠ 8, કાશ્મીરમાં 15, ૫.બંગાળમાં 18, કર્ણાટકમાં 17, મહારાષ્ટ્રમાં 16 અને તામિલનાડુમાં 13 શિશુના મૃત્યુ થતા હોવાનું નોંધાયું છે આમ અન્ય રાજ્યો કરતા ગુજરાતમાં નવજાત શિશુનો મૃત્યુદર ઊંચો છે.
આમ,ગુજરાતમાં સરકારી યોજનાઓ બિનઅસરકારક જણાઈ રહી છે અને સરકારી યોજનાઓમાં મળતિયાઓને ફાયદો થઈ રહ્યાનું ચિત્ર જોવા મળી રહ્યું છે કારણકે આટલા ખર્ચ અને યોજનાઓ છતાં ગુજરાતમાં મૃત્યુદર કેમ ઊંચો છે તેનો જવાબ કોઈને મળતો નથી.ત્યારે મનોમંથન કરવાનો સમય હવે પાકી ગયો છે.
આ પણ વાંચો:
H3N2 Virus: બ્રિટનથી પાકિસ્તાન પહોંચ્યો H3N2 ‘સુપર ફ્લૂ’નો ખતરનાક સ્ટ્રેન, ભારત માટે કેટલો ખતરો?
