Gujarat weather forecast: ગુજરાતમાં વરસાદી માહોલ બરાબરનો જામ્યો છે અને ઘણા વિસ્તારોમાં રાતભર ઝરમર વરસાદ પડયાના અહેવાલ છે અરબી સમુદ્રમાં સર્જાયેલું ડિપ્રેશન ગુજરાતના દરિયાકાંઠા નજીક આવતા ગુજરાતમાં મોટાભાગના વિસ્તારોમાં વાદળછાયા વાતવારણ સાથે હળવોથી મધ્યમ વરસાદ વરસી રહ્યો છે.
આજે તા.1 નવેમ્બરના રોજ અમરેલી, ભાવનગર, ભરૂચ અને સુરતમાં ભારે વરસાદની આગાહી સાથે યલો એલર્ટ આપવામાં આવ્યું છે.
આ સાથે રાજ્યના ઘણા વિસ્તારોમાં આગામી ત્રણ દિવસ ભારે પવન ફૂંકાવા સાથે વરસાદ પડવાની આગાહી સાથે ચેતવણી પણ આપવામાં આવી છે.ડિપ્રેશન પૂર્વ-મધ્ય અરબી સમુદ્ર પર છેલ્લા 6 કલાક દરમિયાન 12 કિમી પ્રતિ કલાકની ઝડપે પૂર્વ-ઉત્તરપૂર્વ તરફ આગળ વધ્યું અને ગુજરાતના દરિયાકાંઠાથી વધારે નજીક આવ્યું છે.
વડોદરા શહેરમાં રાતભર ઝરમર વરસાદ પડતાં સર્વત્ર બર્ફીલી ઠંડક પ્રસરી ગઈ છે અને આજે વરસાદી માહોલ યથાવત રહ્યો છે.અમદાવાદ શહેરમાં પણ હળવાથી મધ્યમ વરસાદ રહેશે અને ઠંડો પવન ફૂંકાશે. જોકે વહેલી સવારથી વાતાવરણ ધુમ્મસભર્યું જોવા મળ્યું હતું. અને વિઝિબિલિટી ઘટી જતા વાહનચાલકો પણ મુશ્કેલીમાં મુકાયા હતા. શહેરમાં વહેલી સવારથી ઠંડા પવનો ફૂંકાતા વાતાવરણમાં ઠંડક પ્રસરી હતી. આગામી દિવસોમાં રાજ્યમાં 30થી 40 કિમી પ્રતિ કલાકની ઝડપે પવન ફૂંકાશે.
ડિપ્રેશન પૂર્વ-મધ્ય અરબી સમુદ્ર પર છેલ્લા 6 કલાક દરમિયાન 12 કિમી પ્રતિ કલાકની ઝડપે પૂર્વ-ઉત્તરપૂર્વ તરફ આગળ વધ્યું અને ગઈકાલે, 31 ઓક્ટોબર 2025 ના રોજ 23.30 કલાકે, વેરાવળ (ગુજરાત) થી લગભગ 190 કિમી દક્ષિણ-પશ્ચિમ, દીવથી 200 કિમી દક્ષિણપશ્ચિમ, મુંબઈ (મહારાષ્ટ્ર) થી 340 કિમી પશ્ચિમ અને પણજી (ગોવા) થી 620 કિમી ઉત્તરપશ્ચિમમાં સ્થિત હતું. આ ડિપ્રેશન પૂર્વ-ઉત્તરપૂર્વ તરફ ઉત્તરપૂર્વ અરબી સમુદ્રમાં ગુજરાતના કિનારા તરફ આગળ વધી રહ્યું છે’તે આગામી 12 કલાક દરમિયાન નબળું પડીને વેલ માર્ક લો પ્રેશરમાં ફેરવાઈ જવાની સંભાવના વ્યક્ત કરવામાં આવી છે.
આજે રાજ્યના આ 4 જિલ્લામાં ભારે વરસાદની પડવાની હવામાન વિભાગે આગાહી કરી છે. આજે તા.1 નવેમ્બર, 2025ના રોજ અમરેલી, ભાવનગર, ભરૂચ અને સુરતમાં ભારે વરસાદની શક્યતા છે. જ્યારે કચ્છ, મોરબી, જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ, રાજકોટ, બોટાદ, સુરેન્દ્રનગર, પાટણ, બનાસકાંઠા, મહેસાણા, ગાંધીનગર, અમદાવાદ, આણંદ, ખેડા, સાબરકાંઠા, અરવલ્લી, મહીસાગર, પંચમહાલ, દાહોદ, વડોદરા, નર્મદા, તાપી, ડાંગ, નવસારી, વલસાડ જિલ્લામાં હળવોથી મધ્યમ વરસાદ પડવાની આગાહી કરવામાં આવી છે.
દરમિયાન,ગુજરાતમાં આગામી છ નવેમ્બર સુધી રાજ્યમાં વરસાદ પડવાની આગાહી વચ્ચે માછીમારોને બે દિવસ દરિયો ન ખેડવાની સૂચના આપવામાં આવી છે.
આ પણ વાંચો:
Gujarat: વરસાદી માહોલ વચ્ચે ડિપ્રેશન ગુજરાત તરફ ફંટાતા ફરી ભારે વરસાદની આગાહી
Gujarat: 60 ગામડાઓ શહેરમાં ભળી ગયા, સવલતો મળતી નથી
Col Rohit Chaudhary: સરકારનો દેશના યુવાનો સાથે વિશ્વાસઘાત!, સરકારી નોકરીના વચનથી ફરી ગઈ!
