‘તમે સુપરસ્ટાર હોઈ શકો, પણ લાગણીઓને ઠેસ પહોંચાડી શકતા નથી’: Kamal Haasan ને કોર્ટની લપડાક

Kamal Haasan: કન્નડ ભાષા પર વિવાદાસ્પદ નિવેદન આપવું દક્ષિણના સુપરસ્ટાર કમલ હાસનને ભારે પડ્યું છે. કર્ણાટક હાઈકોર્ટે ખખડાવી કહ્યું કહ્યું, “તમે કમલ હાસન હોઈ શકો છો, પરંતુ તમને કોઈની લાગણીઓને ઠેસ પહોંચાડવાનો કોઈ અધિકાર નથી.”

કમલ હાસનની આગામી ફિલ્મ ‘ઠગ લાઈફ’ ની સુનાવણી દરમિયાન મામલો ગરમાયો હતો. વાસ્તવમાં ફિલ્મના પ્રમોશન દરમિયાન, તેમણે કહ્યું હતું કે ‘કન્નડ ભાષા તમિલ ભાષામાંથી ઉદ્ભવી છે’. આ નિવેદનથી કર્ણાટકમાં હોબાળો મચી ગયો.

ન્યાયાધીશ એમ. નાગપ્રસન્નાએ નારાજગી વ્યક્ત કરતા કહ્યું કે કોઈને પણ લોકોની લાગણીઓને ઠેસ પહોંચાડવાનો અધિકાર નથી. તેમણે હસનને પૂછ્યું કે તેમના દાવાનો ઐતિહાસિક પુરાવો શું છે. કોર્ટે કહ્યું કે જો હસન માફી માંગી લેત તો મામલો સમાપ્ત થઈ ગયો હોત.

કમલ હાસનના વકીલે કહ્યું કે આ નિવેદન ઇરાદાપૂર્વકનું નહોતું, પરંતુ કોર્ટે તેને ફગાવી દીધું. કોર્ટે પૂછ્યું, “જો તમે માફી નહીં માગો તો ફિલ્મ કર્ણાટકમાં કેમ રિલીઝ થવી જોઈએ? શું તમે ફક્ત પૈસા કમાવવા આવ્યા છો?” કોર્ટે યાદ અપાવ્યું કે અભિવ્યક્તિની સ્વતંત્રતાનો અર્થ એ નથી કે તમે કોઈની લાગણીઓને ઠેસ પહોંચાડો.

કોર્ટે હજુ સુધી પોતાનો અંતિમ ચુકાદો આપ્યો નથી, પરંતુ કમલ હાસનને માફી માંગવાનું વિચારવાની સલાહ આપી છે.

જોકે હજુ સુધી કમલ હાસન તરફથી કોઈ ઔપચારિક માફીનું નિવેદન સામે આવ્યું નથી, જેના કારણે વિવાદ ચાલુ છે.

કમલ હાસન એ ભારતીય ફિલ્મ ઉદ્યોગના એક પ્રતિભાશાળી અને બહુમુખી કલાકાર છે, જેઓ અભિનેતા, દિગ્દર્શક, નિર્માતા, લેખક, ગાયક અને નૃત્યકાર તરીકે જાણીતા છે. તેમનું યોગદાન મુખ્યત્વે તમિળ ફિલ્મ ઉદ્યોગ (કોલીવુડ)માં છે, પરંતુ તેમણે હિન્દી, તેલુગુ, મલયાલમ અને કન્નડ ફિલ્મોમાં પણ કામ કર્યું છે. તેમની કલાત્મક શૈલી, નવીન અભિગમ અને સામાજિક મુદ્દાઓ પર ધ્યાન કેન્દ્રિત કરતી ફિલ્મોએ તેમને ભારતીય સિનેમાના દિગ્ગજોમાં સ્થાન અપાવ્યું છે.

બાળ કલાકાર તરીકે શરૂઆત

કમલ હાસને માત્ર છ વર્ષની ઉંમરે ફિલ્મોમાં પ્રવેશ કર્યો હતો. તેમની પ્રથમ ફિલ્મ “કલાથુર કન્નમ્મા” (1960) હતી, જેમાં તેમણે બાળ કલાકાર તરીકે કામ કર્યું અને રાષ્ટ્રપતિનું સુવર્ણ ચંદ્રક જીત્યું હતું. આ ફિલ્મે તેમની પ્રતિભાને વહેલી તકે ઓળખાવી.

અભિનેતા તરીકે

કમલ હાસનની અભિનય કારકિર્દી 1970ના દાયકામાં ખીલવા લાગી. તેમણે વિવિધ પ્રકારની ભૂમિકાઓ ભજવી, જેમાં રોમેન્ટિક હીરો, નેગેટિવ રોલ્સ, કોમેડી અને ગંભીર નાટકીય પાત્રોનો સમાવેશ થાય છે. તેમણે 200થી વધુ ફિલ્મોમાં કામ કર્યું છે.

કમલ હાસનની મખ્ય ફિલ્મોનું લિસ્ટ