ભુજના કંડેરાઈ ગામના વાડી વિસ્તારમાં 18 વર્ષીય યુવતી સવારના સમયે 500 ફૂટ ઊંડા બોરવેલમાં પડી ગઈ હોવાની ઘટના પ્રકાશમાં આવી છે. જેને રેસ્ક્યુ કરવા માટેના પ્રયાસો હજુ પણ ચાલુ છે. ત્યારે યુવતી 490 ફૂટ ઊંડે યુવતી હોવાનું કેમેરામાં કેદ થયું છે. યુવતી જીવિત છે કે નહી તે અંગે તપાસ ચાલુ છે.
સવારથી જ બોરવેલમાં યુવતીને ઓક્સિજન મોકલવા માટે કામગીરી ચાલી રહી છે. NDRF, BSF, 108, ફાયર વિભાગ સહિતની ટીમો યુવતીને બચાવવા ઘટનાસ્થળે પહોંચી છે. કલેકટર અમિત અરોરા ઘટનાસ્થળે પહોંચ્યા છે. કલેકટરે સ્થિતિ અંગે માહિતી મેળવી છે.
ઘટનાસ્થળે ગ્રામજનોના ટોળેટોળા
જો કે હજુ સુધી દિકરીનું રેસ્કયૂ ન થતાં પરિવારજનો આઘાતમાં ડૂબ્યા છે. એક બાજુ ગ્રામજનોના ટોળેટોળા યુવતી બહાર નીકળે તેની રાહ જોઈને બેઠાં છે. બીજી બાજું આ ઘટનાને લઈ અનેક તર્ક વિતર્ક થઈ રહ્યા છે. કે પુક્ત વયની દિકરી બોરવેલમાં કેવી રીતે પડી ગઈ. જેથી પોલીસ યુવતીના પિતરાઈ ભાઈને પૂછપરછ માટે લઈ છે.
આપઘાત કે હત્યાનો પ્રયાસ?
સૂત્રો પાસેથી માહિતી મળી રહી છે કે પરિવારજનો સાથે યુવતીને રાત્રે ઝઘડો થયો હતો. ત્યારબાદ સવારે પરિવારને બચાવ બચાવનો અવાજ આવતાં બોરવેલ તરફ તોડ્યા હતા. ત્યારે ખબર પડી હતી કે દિકરી બોરવેલમાં ખાબકી છે. જેથી હવે આ ઘટના પેચીદી બની છે. યુવતીએ આપઘા કર્યો છે ક પછી હત્યા કરવાના ઈરાદે દીકરીને બોરવેલમાં ફેકી દીધી છે. આ તમામ પાસાઓની તપાસ પોલીસે હાથ ધરી છે.
આ સમાચાર પણ વાંચોઃ HMPV વાયરસની ટેસ્ટ કીટ તમામ હોસ્પિટલમાં ઉપલબ્ધ કરાવાશે: આરોગ્ય મંત્રી ઋષિકેશ પટેલ
