Kheda, Matar  Murder: ખેડા જીલ્લાના માતર તાલુકામાંથી કલેજું કંપાનારી ઘટના સામે આવી છે. નિર્દય દિકરાએ પોતાની 85 વર્ષિય માતાને મોતના મુખમાં ધકેલી દીધી છે. દિકરાએ માતાને ધારિયાના ઘા ઝીંકી મારી નાખી છે. માત્ર વિધવા પુત્રવધૂને તેડી લાવવાની અને વિમા ક્લેમની તકરારમાં હત્યાને અંજામ આપ્યો છે. આ ઘટનાથી સમગ્ર પંથકમાં ચકચાર મચી ગઈ છે. પેટ પર પાટા બાંધી સંતાનોનો ઉછેર કરનાર માતાની આ રીતે કોઈ દિકરો હત્યા કરે સૌ કોઈના કાળજા કંપી ઉઠે. પણ આ નિર્દય દિકરાને માતાની હત્યા કરવા કેવી રીતે જીવ ચાલ્યો હશે. હાલ તો માતર પોલીસે આ દિકરા ભૂપત ચૂનારાની ધરપકડ કરી વધુ કાર્યવાહી હાથ ધરી છે.

મળતી જાણકારી અનુસાર માતર તાલુકાના વણસર ગામે પટેલ ફળિયામાં 31 વર્ષીય વિક્રમ ચુનારા રહે છે. તેમના કાકા ભૂપત ચુનારા પોતાની 85 વર્ષિય વૃદ્ધ માતા બાલુબેન સાથે આ વિસ્તારમાં જ રહે છે. આ ભૂપતને ત્રણ સંતાન છે. જેમાં વચેટ પુત્ર ચંદ્રકાંતનું અકસ્માતમાં મોત થઈ ગયું હતુ. જેથી આ ચંદ્રકાંતની પત્ની અને તેનો 5 વર્ષનો પુત્ર આ ભૂપત સાથે રહેતાં હતાં. પરંતુ લાંબા સમયથી વિધવા બનેલી પુત્રવધૂને તેના સસરો ભૂપત હેરાન કરતો હતો. કરતા હતા. જેથી તે બાળકને સાસરે મૂકી પોતાના પિયરમાં જતી રહી હતી.

માતા સાથે ભૂપત અવાર-નવાર ઝઘડા કરતો

ચંદ્રકાંત અકસ્માતમાં ગુજરી જતાં વિમો પાક્યો હતો, જે વિમાના રૂપિયા બાબતે ભૂપત અવારનવાર પોતાની વૃદ્ધ માતા બાલુબેન સાથે બોલાચાલી કરતો હતો. તેમજ પોતાની વિધવા પુત્રવધૂને તેડી લાવવા જીદ કરતો હતો. 15 એપ્રિલની રાત્રે આ બાબતે ભૂપત અને માતા બાલુબેને વચ્ચે ઝઘડો થયો હતો. જેથી આક્રોશમાં આવેલા ભૂપતે માતા પર ધારિયાથી હુમલો કર્યો હતો. જેમાં માતાને માથાના ભાગે ધારિયાના ઘા વાગી ગયા હતા. ગાલ, કાન ચીરાઈ ગયા હતા. જેથી વૃધ્ધ માતા ઢળી પડી હતી. જેથી માતા બાલુબેનને સારવાર મળે તે પહેલા જ મોત થઈ ગયું હતુ.

હત્યારા પુત્રની પોલીસે કરી ધરપકડ

બનાવમાં વિક્રમ પોતાના ઘરની ગેલેરીમાં હતો અને પોતાના કાકાએ આ રીતે દાદીને ધારીયું મારતા તે દોડી આવ્યો હતો. પરંતુ કાકા ભૂપતે ભત્રીજાને પણ પતાવી દેવાની ધમકી આપી હતી. આથી વિક્રમે પોતાના પિતા તેમજ ફોઈને જાણ કરી હતી. જે બાદ માતર પોલીસને જાણ કરવામાં આવતા પોલીસ બનાવ સ્થળે દોડી આવી હતી અને હત્યારા ભૂપત ચુનારાની ધરપકડ કરી છે. આ બનાવમાં માતર પોલીસે વિક્રમ ચુનારાની ફરિયાદના આધારે કાકા ભૂપત ચુનારા સામે કાર્યવાહી હાથ ધરી છે.

આ પણ વાંચો:

Rajkot માં ગમખ્વાર અકસ્માત, 4ના કરુણ મોત, 2 ગંભીર, પરિવારોનો હોબાળો

Vadodara: જામનગરમાં જતાં સસલા, ઉંદરને વડોદરા રેલવે સ્ટેશનથી બચાવ્યા, વનતારામાં શું ઉપયોગ?

Urdu: ઉર્દૂ ભાષાનો ઉપયોગ લોકોને વિભાજિત કરવા માટે ન કરવો જોઈએ, ઉર્દૂ સંસ્કૃતિનો હિસ્સો: કોર્ટ

Gujarat: રાહુલ ગાંધીની ગુજરાતમાં બીજી મુલાકાત? શું કોંગ્રેસ મોદીનો ગઢ જીતશે?