Maharashtra Pune, Indrayani river bridge Collapsed: મહારાષ્ટ્રના પૂણેમાં આવેલા પિંપરી ચિંચવાડમાં ઈન્દ્રાયણી નદી પરનો પુલ તૂટી પડ્યો. ઘટના સમયે ઘટનાસ્થળે ભારે ભીડ હતી અને પ્રારંભિક માહિતી મુજબ 20 થી 25 લોકો ગુમ છે અને એવી આશંકા છે કે તેઓ નદીમાં તણાઈ ગયા છે. સત્તાવાર રીતે ઘટનામાં પાંચ લોકોના મોતની પુષ્ટિ થઈ છે. જ્યારે ઘણા લોકો તણાઈ ગયા હોવાની આશંકા છે.

બચાવ ટીમે પાંચથી છ લોકોને બચાવ્યા છે. એવું કહેવાય છે કે આ ઘટના આજે રવિવારે ( 15 જૂન, 2925) બપોરે 3:40 વાગ્યાની બની છે.

પુલનો એક ભાગ તૂટી પડતાં કેટલાક લોકો નદીમાં પડ્યા. જેમાં કેટલાક લોકોને પથ્થરો વાગતાં ગંભીર રીતે ઈજાગ્રસ્ત થયા છે.  ઘણા નદીના તીવ્ર પ્રવાહમાં ઘણા લોકો સીધા વહી ગયા. નદીમાં ઝડપી પ્રવાહને કારણે રાહત કાર્યમાં પણ મુશ્કેલીઓ આવી રહી છે. NDRFનું કહેવું છે કે 38 લોકોને સુરક્ષિત રીતે બહાર કાઢવામાં આવ્યા છે.

સ્થાનિક ધારાસભ્ય સુનિલ શેલ્કેએ જણાવ્યું હતું કે આ લોખંડનો પુલ લગભગ 30 વર્ષ જૂનો હતો. અકસ્માત સમયે પુલ પર લગભગ 100 લોકો હાજર હતા. જોકે પુલ તૂટી પડ્યા પછી પણ કેટલાક લોકો તરીને કિનારે પહોંચી ગયા હતા. મુખ્યમંત્રી દેવેન્દ્ર ફડણવીસે  કહ્યું છે કે NDRF ટીમે બચાવ કાર્ય શરૂ કરી દીધું છે. જોકે, મૃત્યુઆંક વિશે કહેવું હજુ વહેલું ગણાશે. તેમણે કહ્યું કે ઘણા લોકો નદીમાં તણાઈ ગયા હોવાની આશંકા છે.

પુલ હતો જર્જિરિત

પ્રાથમિક માહિતી અનુસાર આ પુલ પહેલાથી જ ખૂબ જ ખરાબ અને જર્જરિત હાલતમાં હતો. અકસ્માત સમયે પુલ પર તેની ક્ષમતા કરતા વધુ પ્રવાસીઓ હતા. લોકો ટુ-વ્હીલર અને મોટરસાયકલ લઈ જઈ રહ્યા હતા. આ કારણે, પુલ ભાર સહન કરી શક્યો નહીં.

Ahmedabad Plane Crash: તુર્કીએ કહ્યું વિમાનનું મેન્ટેનન્સ કઈ કંપનીએ કર્યું તે અમે જાણીએ છીએ પણ….