Mahesana: ગુજરાતમાં બિહાર જેવી ઘટનાઓ બનતી જઈ રહી છે અને ચુંટણીઓ દરમિયાન ધમકીઓ,અપહરણ, ઝપાઝપી વગરે આ વખતે જોવા મળી રહ્યું છે ગુજરાતમાં પોલીસ તંત્રની કામગીરી સામે પણ સવાલો ઉઠી રહયા છે ત્યારે ચૂંટણી અગાઉ જ ભાજપના ઉમેદવારના ભાણાની હત્યા થતા ભારે સનસનાટી મચી ગઇ છે.
વિગતો મુજબ મહેસાણામાં વોર્ડ નં. 4 માં તાવડિયા રોડ પર ભાજપ અને કોંગ્રેસના સમર્થકો વચ્ચે થયેલી અથડામણમાં ભાજપના ઉમેદવારના ભાણા મિતેન ચૌધરી પર કેટલાક અજાણ્યા ઈસમોએ કરેલા જીવલેણ હુમલા બાદ ગંભીર ઇજાઓને કારણે તેમનું સારવાર દરમિયાન મોત થયું છે. આ હુમલામાં અન્ય એક યુવક ધીમંત ચૌધરી પણ ઘાયલ થયા છે, જ્યારે સામે પક્ષે કોંગ્રેસ ઉમેદવારના પતિને પણ ઇજાઓ પહોંચી હોવાના અહેવાલ છે. આ ચકચારી ઘટનાને પગલે એ ડિવિઝન પોલીસ અને LCB દ્વારા CCTV અને CDRના આધારે તપાસ શરૂ કરી છે.
પ્રાપ્ત થતી વિગતો મુજબ મહેસાણાના માનવઆશ્રમ ચોકડીથી તાવડિયા તરફ જતા રસ્તા ઉપર મિતેન ચૌધરી તથા તેના મિત્ર ધીમંત ચૌધરી તેના અન્ય બીજા બે મિત્રો ગાડી લઈ જઈ રહયા હતા ત્યાં રસ્તામાં તેની ગાડીને રોકી અને અન્ય ચારથી પાંચ ઈસમોએએ ગાડી રોકી તેમના ઉપર તીક્ષ્ણ હથિયાર વડે હુમલો કરતા મિતેન ચૌધરીને ગંભીર ઇજાઓ થતાં તેમનું સારવાર દરમિયાન મૃત્યુ થયું છે જ્યારે ધીમંત ચૌધરીને પણ ઇજા થતાં તે હાલ કેટલાસારવાર હેઠળ છે.
વિગતો મુજબ ભારે તંગદિલીના માહોલ વચ્ચે મૃતક મિતેન ચૌધરીના મૃતદેહને મહેસાણાના તાવડીયા ગામે લાવવામાં આવ્યો હતો. તાવડીયા ગામે Dysp સહિત પોલીસનો ચુસ્ત બંદોબસ્ત ગોઠવી દેવામાં આવ્યો છે. પોલીસ બંદોબસ્ત વચ્ચે મૃતકની અંતિમ યાત્રા નીકળી હતી જેમાં મોટી સંખ્યામાં લોકો જોડાયા હતા.
આ ઘટનાને પગલે સમગ્ર વિસ્તારમાં ભારે તંગદિલીનો માહોલ સર્જાયો છે.
આ ઘટનાને પગલે સમગ્ર મહેસાણામાં ભારે તણાવનો માહોલ સર્જાયો છે. પોલીસ દ્વારા પરિસ્થિતિને નિયંત્રણમાં લેવા માટે ચુસ્ત બંદોબસ્ત ગોઠવી દેવામાં આવ્યો છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
