Meerut News: આજકાલ યુવાનો અને બાળકોમાં ઓન લાઈન ગેમનું દુષણ વઘ્યુ છે ત્યારે તેના ગંભીર પરિણામો પણ સામે આવી રહયા છે, મેરઠના દિલ્હી ગેટ પોલીસ સ્ટેશન હદ વિસ્તારમાંથી એક દુ:ખદ ઘટના સામે આવી છે, જ્યાં 22 વર્ષીય એક યુવકનું ઓનલાઈન ગેમ રમતા રમતા તેનું બ્લડ પ્રેશર અચાનક વધી ગયું હતુ અને મગજનો એટેક આવતા તેની મગજની નસ ફાટી જતા તેનું કરુણ મોત થઈ ગયુ હતુ.
મૃતકની ઓળખ મોહમ્મદ કૈફ તરીકે થઈ છે, જે ખૈરનગર ગુલર વાલીનો રહેવાસી છે. એવું કહેવાય છે કે કૈફ ઘણો સમય ઓનલાઈન ગેમિંગમાં વધારે વિતાવતો હતો, ઘટનાના દિવસે તે કાનમાં ઈયરફોન લગાવીને મોબાઈલ ફોન પર ગેમ રમી રહ્યો હતો ત્યારે તેને અચાનક માથામાં ભારે દુખાવો અને બેચેનીની ફરિયાદ કરી હતી. થોડી વાર પછી તે ઢળી પડયો હતો.
આ જોઈ તેના પરિવારજનો તેને તાત્કાલિક સ્થાનિક હોસ્પિટલમાં લઈ ગયા, જ્યાં તેની હાલત વધુ ખરાબ થઈ અને તેને દિલ્હીની સફદરજંગ હોસ્પિટલમાં રિફર કરવામાં આવ્યો. ત્યાં બે દિવસ સુધી તેની સારવાર કરવામાં આવી, પરંતુ ડોકટરોના ઘણા પ્રયાસો છતાં તેનો જીવ બચાવી શકાયો નહીં.
હોસ્પિટલના સૂત્રોના જણાવ્યા અનુસાર, દાખલ થવા સમયે તેનું બ્લડ પ્રેશર 300 થી વધુ પહોંચી ગયું હતું, જે ખૂબ જ ખતરનાક સ્થિતિ માનવામાં આવે છે, ગેમ રમતી વખતે તેને મગજનો એટેક આવ્યો હતો જેમાં યુવાનની મગજની નસ ફાટી ગઈ હતી જે તેના મોતનું કારણ બની હતી.
પરિવારના સભ્યો કહે છે કે તેઓ તેના ગેમિંગ વ્યસન વિશે સંપૂર્ણપણે જાણતા ન હતા. તેઓ આ બાબતે બોલવાનું ટાળી રહ્યા છે. સ્થાનિકોના મતે, કૈફ ઘણીવાર કલાકો સુધી મોબાઇલ ગેમ્સ રમતો રહેતો હતો. અગાઉ, ગાઝિયાબાદમાં ત્રણ બહેનોએ ગેમિંગ વ્યસનને કારણે આત્મહત્યા કરી હતી. આ બધા કિસ્સાઓ અંગે, ડોકટરો કહે છે કે વધુ પડતો તણાવ, ઉત્તેજના અને લાંબા સમય સુધી સ્ક્રીન ટાઇમ યુવાનો પર ગંભીર સ્વાસ્થ્ય અસરો કરી શકે છે, આમ,તમામ વાલીઓ માટે આ લાલબત્તી સમાન કિસ્સો છે અને બાળકો કે યુવાઓને ગેમનું વ્યસન હોયતો તાત્કાલિક ચેતી જવાની જરૂર છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
