Iran War Update: ઈરાન યુદ્ધ હવે વધુ વકર્યું છે જેનાથી વિશ્વમાં હાલની જે સ્થિતિ છે તેનાથી પણ વધુ ખરાબ સ્થિતિ ઉભી થવાની દહેશત ઉભી થઇ છે ડોનાલ્ડ ટ્રમ્પ હવે “બોલે છે કઈક અને થઈ રહ્યું છે કઈક” જેવો ઘાટ ઘડાયો છે તેઓના “બોલ” ઉપર કોઈ ભરોસો કરતું નથી! હજુ ગઈકાલે તો ટ્રમ્પ એમ કહેતા હતા કે “ઈરાન ઉપર 6 એપ્રિલ સુધી કોઈ હુમલા કરશું નહિ અને યુદ્ધ વિરામ માટેના પ્રયાસો ચાલુ છે!’ પણ આ બોલની કોઈ કિમત ન હોય તેમ ઈઝરાયેલે ઈરાન ઉપર હુમલો કરી દીધો છે,જેનાથી ટ્રમ્પની દુનિયાભરમાં ફજેતી થઇ રહી છે, કારણ કે જગત જમાદારનું ‘અભી બોલા અભી ફોક’ જેવી નીતિથી જેને કોઈ લેવા દેવા નથી તેવા વિશ્વભરના અન્ય દેશો મંદીના વમળમાં ફસાઈ ગયા છે.
ઈરાન ઉપર 6 એપ્રિલ સુધી 10 દિવસ હુમલો નહિ કરીએ તે વાત જાહેર કર્યા બાદ ઇઝરાયલ દ્વારા ઈરાન ઉપર મોટો હુમલો કરવામાં આવ્યો છે.ઈરાનના અત્યંત સંવેદનશીલ ગણાતા ખૌંદાબ ન્યુક્લિયર પાવર પ્લાન્ટ પર હુમલો કરાયો છે. આ હુમલામાં હેવી-વોટર રિએક્ટર અને યલોકેક (Yellowcake) પ્રોડક્શન પ્લાન્ટને નિશાન બનાવાયું છે.
BREAKING: ATTACK REPORTED ON A POWER PLANT IN KHONDAB IRAN pic.twitter.com/24IVVKhRVN
— Sulaiman Ahmed (@ShaykhSulaiman) March 27, 2026
ઈઝરાયેલના આ હુમલા બાદ હવે ઈરાને પણ ‘ભયાનક પરિણામો જોવા તૈયાર રહેજો’ની વળતી ચીમકી આપતા હવે મધ્ય પૂર્વમાં ગમે ત્યારે મોટું યુદ્ધ ફાટી નીકળે તેવી સ્થિતિ ઉભી થઈ છે ઈરાને ઔદ્યોગિક વિસ્તાર નજીક રહેતા નાગરિકોને ઘર ખાલી કરી સલામત જગ્યાએ જતા રહેવા સૂચના આપી છે.
અમેરિકન પ્રમુખ ડોનાલ્ડ ટ્રમ્પે અગાઉ 10 દિવસ માટે હુમલા રોકવાની (સીઝફાયર) વાત કરી હતી, પરંતુ આ જાહેરાત વચ્ચે જ પરમાણુ પ્લાન્ટ પર થયેલા હુમલાએ સમગ્ર વિશ્વમાં આશ્ચર્ય ફેલાયું છે હવે ઈઝરાયેલ પણ જાણે ટ્રમ્પની ઈજ્જત નહિ કરતું હોવાની વાત સ્પષ્ટ થઈ રહી છે અને ટ્રમ્પનું અહીં કંઈ ઉપજતું નહિ હોવાનું સપાટી ઉપર આવી રહ્યું છે.
ઇરાનના વિદેશ મંત્રી અબ્બાસ અરાઘચીએ ચેતવણી આપી છે કે આ હુમલાઓ માટે ઇઝરાયલને ભારે કિંમત ચૂકવવી પડશે. તેમણે જણાવ્યું કે ખોન્ડાબ હેવી વોટર ફેસિલિટી અને અરદાકન યલોકેક પ્રોડક્શન પ્લાન્ટ પર પણ હુમલા કરવામાં આવ્યા છે, જે ઇરાનના પરમાણુ કાર્યક્રમ માટે મહત્વપૂર્ણ છે.
આંતરરાષ્ટ્રીય પરમાણુ ઊર્જા એજન્સી (IAEA) એ કહ્યું છે કે આ હુમલા પછી આસપાસના વિસ્તારોમાં રેડિયેશન સ્તરમાં કોઈ વધારો થયો નથી. એજન્સીએ કહ્યું કે તે આ ઘટનાની તપાસ કરી રહી છે અને પરિસ્થિતિ પર સતત નજર રાખી રહી છે.
બીજી તરફ ઈરાને પણ આજે શનિવારે સવારે ઈઝરાયલની રાજધાની તેલ અવીવ પર અનેક મિસાઈલથી હુમલો કર્યો હતો જે પૈકીની એક મિસાઈલ તેલ અવીવના માર્કેટમાં પડતા એક વ્યક્તિનું મૃત્યુ થયું અને અનેક લોકો ઘાયલ થયાના અહેવાલ છે આમ,ટ્રમ્પના નિવેદન હાસ્યાસ્પદ બની ગયા છે અને આ યુદ્ધ સમગ્ર વિશ્વ માટે માથાનો દુઃખાવો બની ગયું છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
