Israel: ઈરાન-ઈઝરાયલ યુદ્ધના 28 દિવસ વીતી ચુક્યા છે અને ટ્રમ્પ કહેતા ફરતા હતા કે હવે અમે 6 એપ્રિલ સુધી હુમલા કરીશું નહિ પણ ઈઝરાયેલે ઈરાનના પરમાણુ સેન્ટર ઉપર હુમલો કર્યો તેથી ટ્રમ્પની આંતરરાષ્ટ્રીય સ્તરે શાખા દાવ ઉપર લાગી છે આ અગાઉ હુતી વિદ્રોહીઓએ ચીમકી આપી હતી કે જો હવે ઈરાન ઉપર હુમલાઓ થશે તો અમે પણ યુદ્ધમાં સામેલ થઈશુ અને ટ્રમ્પના એક તરફી યુદ્ધ વિરામનો ભંગ થતાં તેને દગો સમજવામાં આવી રહ્યો છે અને આખરે હુતી વિદ્રોહીઓ યુદ્ધમાં સામેલ થઈ ગયા છે અને હવે પછીનું યુદ્ધ આખા વિશ્વ માટે ચિંતાનો વિષય બનવાનું છે.
ટાઈમ્સ ઓફ ઈઝરાયલના રિપોર્ટ અનુસાર, યમનમાં હાજર ઈરાન સમર્થિત હુતી વિદ્રોહીઓએ લગભગ 2000 કિલોમીટર દૂર ઈઝરાયલના દક્ષિણી શહેર બેર્શેબા અને આસપાસના વિસ્તારોને નિશાન બનાવી બેલિસ્ટિક મિસાઈલ છોડી હતી.
ઈઝરાયલી સેના અનુસાર, મિસાઈલ લોન્ચની જાણ થતા જ એર ડિફેન્સ સિસ્ટમને સક્રિય કરવામાં આવી અને ખતરાને હવામાં જ નષ્ટ કરી દેવામાં આવ્યો. આ હુમલામાં કોઈના ઘાયલ થવાના સમાચાર નથી. વર્તમાન યુદ્ધ દરમિયાન યમનથી ઈઝરાયલ પર આ પહેલો હુમલો માનવામાં આવી રહ્યો છે.
હુતીએ આ પહેલા ગાઝા યુદ્ધ શરૂ થયા પછી નવેમ્બર 2023માં ઈઝરાયલ અને દરિયાઈ જહાજો પર હુમલા શરૂ કર્યા હતા. તેના જવાબમાં ઈઝરાયલે પણ તેમના પર જવાબી હુમલા કર્યા હતા. જોકે ઓક્ટોબર 2025માં હમાસ અને ઈઝરાયલ વચ્ચે યુદ્ધવિરામ થયા પછી હુતી વિદ્રોહીઓએ ઈઝરાયલ પર હુમલા રોકી દીધા હતા અને ટ્રમ્પના યુદ્ધ રોકવાના દાવા બાદ પહેલી વખત હુતીઓ એ કહ્યું હતું કે જો હવે ઈરાન ઉપર હુમલો થશે તો તેઓ ઈરાનના સમર્થનમાં યુદ્ધમાં ઉતરશે.
દરમિયાન ઈઝરાયેલે ટ્રમ્પના વચનની ઐસી તૈસી કરી ઈરાનના હેવી-વોટર રિએક્ટર અને યલોકેક પ્રોડક્શન પ્લાન્ટ ઉપર હુમલા કરતા હવે હુતી વિદ્રોહીઓ યુદ્ધમાં સામેલ થઈ ગયા છે અને હવે પછીનું યુદ્ધ ખૂબજ ગંભીર માનવામાં આવી રહ્યું છે તેના મુખ્ય કારણમાં જે રીતે ઈરાને હોર્મુઝ સ્ટ્રેટ બંધ કરી દુનિયાની ગેસ-તેલની ચેઇન ખોરવી નાખી તે રીતે હજુ એક ચાલુ રહેલા બીજા વ્યૂહાત્મક માર્ગ બાબ-અલ-મંદેબ સ્ટ્રેટને પણ હુતિઓ બંધ કરી શકે છે.
જો આવું થયું તો હવે વિશ્વમાં મહામારી આવવાની છે જેની ગંભીરતા ટ્રમ્પ કે ઈઝરાયેલના વડાપ્રધાન બેન્જામિન નેતન્યાહુ સમજવા તૈયાર નથી, હૂતી વિદ્રોહીઓની યુદ્ધમાં સીધી એન્ટ્રી અને’હવે યુદ્ધના ગંભીર પરિણામો ભોગવવા તૈયાર રહો’ ની ઈરાનની ધમકીથી યુદ્ધ ભયાનક મોડ ઉપર પહોંચવાનો શંખનાદ સમગ્ર વિશ્વને ઝપેટમાં લેશે તે નક્કી છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
