Iran War: ડોનાલ્ડ ટ્રમ્પ ઘડીએ ઘડીએ પોતાના નિવેદન બદલી રહયા છે અને સોશ્યલ મીડિયામાં વાત કરતા જાય છે અને ભૂલતા જાય છે,અગાઉ કહેતા હતા ‘હવે 10 દિવસ હુમલા નહિ કરીએ,અને બીજા દિવસે ઈઝરાયેલ દ્વારા પરમાણુ સેન્ટર પર મોટો હુમલો થયો. ત્યારબાદ પણ ટ્રમ્પ શાંતિની વાતો કરતા રહયા અને હવે ઈરાનની ધરતી ઉપર લડવા પોતાની ફોજ ઉતારી રહ્યા છે.ખુદ અમેરિકામાં હવે ટ્રમ્પ વિરોધી માહોલ બની રહ્યો હોવાછતાં અમેરિકાના 3500 વધારાના સૈનિકો રવાના કર્યા છે જે મિડલ ઇસ્ટ પહોંચી ગયા છે.
અમેરિકી સેન્ટ્રલ કમાન્ડ (CENTCOM) અનુસાર આ સૈનિકો USS ત્રિપોલી જહાજ દ્વારા આવ્યા છે. આ સૈનિકો 31મી મરીન એક્સપેડિશનરી યુનિટનો ભાગ છે. તેમની સાથે મોટા પાયે લડાકુ વિમાનો અને હથિયારોનો જથ્થો પણ મોકલવામાં આવ્યો છે,અમેરિકી અખબાર વોશિંગ્ટન પોસ્ટે કેટલાક અમેરિકી અધિકારીઓને ટાંકીને જણાવ્યું હતું કે અમેરિકા હવે ઈરાનમાં જમીની ઓપરેશનની તૈયારી કરી રહ્યું છે તેથી ઈરાનમાં મોટાપાયે લશ્કરી કાર્યવાહી થશે જે યુદ્ધ હવે લાંબુ ચાલી શકે છે.
અધિકારીઓના જણાવ્યા અનુસાર, આ ઓપરેશનમાં સ્પેશિયલ ફોર્સના દરોડા અને પાયદળ સૈનિકો (ઇન્ફન્ટ્રી)ની કાર્યવાહી શામેલ હોઈ શકે છે. જોકે, આ અંગે ટ્રમ્પ પ્રશાસને હજુ સુધી કોઈ સત્તાવાર માહિતી આપી નથી પણ સૂત્રો જણાવી રહયા છે કે ઈરાનની ધરતી ઉપર વેનેઝુએલા ટાઈપનું ઓપરેશન થઈ શકે છે.
બીજી તરફ, ઈરાનના અંગ્રેજી અખબાર તેહરાન ટાઈમ્સે અમેરિકી સૈનિકોની તૈનાતી અંગે લખ્યુ છે કે “આ સૈનિકો ઈરાનની ધરતી પરથી શબપેટીમાં પાછા ફરશે” અખબારે તેના ફ્રન્ટ પેજ પર લખ્યું કે નરકમાં તમારુ સ્વાગત છે!આમ ટ્રમ્પના બતાવવાના જુદા અને ચાવવાના જુદા જેવાં વિરોધાભાસી નિવેદનો વચ્ચે યુદ્ધ ખતમ થવાના અણસાર દૂર દૂર સુધી દેખાતા નથી પરિણામે વિશ્વભરમાં આર્થિક મહામારી સર્જાવાની શકયતા ઉભી થઈ છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
