Modi: PM નરેન્દ્રભાઈ મોદીની ઇઝરાયેલ યાત્રા બાદ તરતજ ઇઝરાયેલે ઈરાન ઉપર હુમલો કરી દીધો હજુ આ ચર્ચા ચાલુ હતી ત્યાંજ અજમેરમાં મોદીજીની રેલીમાં નોકરી કરતી મહિલાઓને તેમની મરજી વિરુદ્ધ રેલીમાં લાવવામાં આવી હોવાનો મુદ્દો ચર્ચામાં આવ્યો છે.૨૮ ફેબ્રુઆરી, ૨૦૨૬ ના રોજ અજમેરમાં વડાપ્રધાન નરેન્દ્ર મોદીની રેલીને લઈને એક વિવાદ ઉભો થયો છે, જેમાં ભીડ એકઠી કરવા માટે સરકારી તંત્ર પર દબાણ કરવાના આરોપો લાગ્યા છે
સોશિયલ મીડિયા પર ફરતા અહેવાલો અને વીડિયો અનુસાર, અજમેરમાં પોસ્ટ કરાયેલી કેટલીક મહિલા કર્મચારીઓ અને ઇન્ટર્નનો આરોપ છે કે તેમને રેલીમાં હાજરી આપવા માટે દબાણ કરવામાં આવ્યું હતું. એક ખાસ કિસ્સામાં, એક મહિલા ઇન્ટર્નનો દાવો છે કે અધિકારીઓએ ધમકી આપી હતી કે જો તે રેલીમાં હાજરી નહીં આપે તો તેણીને (Absent)ગેરહાજર જાહેર કરી તેણીનું ભથ્થું રોકી દેવામાં આવશે”.
વિરોધ પક્ષો અને કેટલાક સ્થાનિક મીડિયા અહેવાલો દાવો કરે છે કે રાજ્ય સરકારે રેલીમાં ભીડ એકઠી કરવા અંગે વિવિધ સરકારી વિભાગો ઉપર દબાણ લાવી કડક સૂચનાઓ આપી હતી.આ રેલીનો હેતુ HPV રસીકરણ અભિયાન શરૂ કરવા અને વિકાસ પ્રોજેક્ટ્સનું ઉદ્ઘાટન કરવાનો હતો.સરકારનું કહેવું છે કે સશક્તિકરણ અને આરોગ્ય જાગૃતિના ભાગ રૂપે મહિલાઓની ભાગીદારીને પ્રોત્સાહન આપવામાં આવ્યું હતું.જોકે,રેલીમાં મહિલાઓને બળજબરીથી ત્યાં લાવવામાં આવી હોવાનો દાવો કરતા વીડિયો સામે આવ્યા બાદ આ મુદ્દો વધુ વકર્યો હતો.આ મામલે સિનિયર પત્રકાર મેહુલ વ્યાસે વિસ્તૃત છણાવટ કરી છે જુઓ વિડીયો.
