Mumbai bomb blast threat: મુંબઈ પોલીસે મુંબઈને બોમ્બ વિસ્ફોટથી બરબાદ કરવાની ધમકી આપનાર વ્યક્તિની ધરપકડ કરી છે. આરોપીની ઓળખ અશ્વિન કુમાર સપ્રા (50) તરીકે થઈ છે જેને મુંબઈ ક્રાઈમ બ્રાન્ચે ઉત્તર પ્રદશના નોઈડાથી પકડ્યો હતો. અશ્વિન મૂળ બિહારનો રહેવાસી છે.અને તે એક જયોતિષી છે.

વોટ્સએપ નંબર પર ધમકીભર્યો સંદેશ

મુંબઈ ટ્રાફિક પોલીસના સત્તાવાર વોટ્સએપ નંબર પર ધમકીભર્યો સંદેશ મળ્યો ત્યારે આ મામલો પ્રકાશમાં આવ્યો. સંદેશમાં લખવામાં આવ્યું હતું કે 14 પાકિસ્તાની આતંકવાદીઓ 4000 કિલો આરડીએક્સ અને 34 માનવ બોમ્બ સાથે ભારતમાં ઘૂસી ગયા છે. અને સંદેશમાં એવો પણ દાવો કરવામાં આવ્યો હતો કે લશ્કર-એ-જેહાદી નામના આતંકવાદી સંગઠને ગણેશ વિસર્જન પ્રસંગે મુંબઈ પર હુમલો કરવાની યોજના બનાવી છે.

તપાસ ક્રાઈમ બ્રાન્ચને સોંપવામાં આવી

ધમકીભર્યો સંદેશ મળતાની સાથે જ મુંબઈ પોલીસ તાત્કાલિક કાર્યવાહીમાં લાગી ગઈ. શહેરની સુરક્ષા તાત્કાલિક વધારી દેવામાં આવી. તાજ હોટેલ અને એરપોર્ટ જેવા સંવેદનશીલ સ્થળોએ સુરક્ષા કર્મચારીઓની તૈનાતી વધારી દેવામાં આવી છે. આ કેસની તપાસ ક્રાઈમ બ્રાન્ચને સોંપવામાં આવી હતી અને આતંકવાદ વિરોધી ટુકડી (ATS) એ શહેરમાં સર્ચ ઓપરેશન શરૂ કર્યું હતું.

અધિકારીઓને સુરક્ષા જવાબદારી સોંપવામાં આવી

અનંત ચતુર્દશી અને ગણેશ વિસર્જન માટે 21,000 થી વધુ પોલીસ કર્મચારીઓ અને 150 થી વધુ અધિકારીઓને સુરક્ષા જવાબદારી સોંપવામાં આવી હતી. આ ઉપરાંત, આર્ટિફિશિયલ ઇન્ટેલિજન્સ (AI) નો ઉપયોગ કરીને ટ્રાફિક અને શહેરના માર્ગો પર પણ નજર રાખવામાં આવી રહી છે.

ફોન અને સિમ કાર્ડ પણ મળી આવ્યા

તે જ સમયે, પોલીસે જણાવ્યું હતું કે પ્રાથમિક તપાસમાં ધમકી આપવા માટે વપરાયેલ ફોન અને સિમ કાર્ડ પણ મળી આવ્યા છે. આ ઘટનાએ ફરી એકવાર સાબિત કર્યું છે કે મુંબઈ પોલીસ કોઈપણ આતંકવાદી ધમકીને હળવાશથી લેતી નથી. અને હવે મુંબઈ પોલીસને રાહત મળી, આ વ્યકિતને પકડવા દરેક સંભવ ઉપાય અપનાવવામાં આવ્યા હતા આખરે ક્રાઈમ બ્રાન્ચે તેને ઝડપી પાડ્યો અને હવે તે જેલમાં છે.

અહેવાલ: સુમન ડાભી 

આ પણ વાંચો: 

Britain-China: બ્રિટને કઈ રીતે ચીનની પ્રાચીન સભ્યતાને અફીણના નશામાં ડૂબાડી દીધી?

Love and War controversy: ‘લવ એન્ડ વૉર’ મુશ્કેલીમાં, વિશ્વાસઘાત અને દુર્વ્યવહારની ફરિયાદ

Rajasthan: ધાર્મિક હોવાનો ઢોંગ કરતા મૌલાનાની ખૂલી પોલ, મહિલાઓ સાથેના અશ્લીલ વીડિયો વાયરલ