Trump: અમેરિકી રાષ્ટ્રપતિ ડોનાલ્ડ ટ્રમ્પે દુનિયામાં શાંતિ માટે એક ‘બોર્ડ ઓફ પીસ’ બનાવ્યું અને તેના સભ્ય બનવા માટે ભારતના વડાપ્રધાન નરેન્દ્ર મોદીને આમંત્રણ આપ્યું ત્યારે બધા ખુશ થઈ ગયા અને “જો ટ્રમ્પને જરૂર પડીને એમ કહી..બધા ખુશ થવા લાગ્યા પણ પાછળથી જ્યારે ખબર પડી કે આવું આમંત્રણતો આપણા દુશ્મન દેશો પાકિસ્તાન અને તુર્કીને પણ આપવામાં આવ્યું છે ત્યારે બધા નાખુશ થઈ ગયા.
બીજી મહત્વની વાત એ કે આ બોર્ડમાં સમાવિષ્ટ દેશોને પ્રાથમિક સભ્યપદ મળે અને જો કાયમી સદસ્યતા જોઇતી હોયતો તે દેશોએ 1 અબજ ડોલર એટલે કે અંદાજે 9 હજાર કરોડ રૂપિયા સુધી ખર્ચ કરવા પડે બીજુ કે આ રકમ સભ્ય બન્યાના 1 વર્ષની અંદર જ આપવી પદે ,જોકે તમામ દેશો માટે કાયમી સભ્ય બનવું જરૂરી નથી માનીલો કે જો કોઈ દેશ 9 હજાર કરોડ રૂપિયા નથી આપતો, તો 3 વર્ષ પછી તેની સદસ્યતા આપોઆપ ખતમ થઈ જશે.
જોકે, PM મોદીએ અત્યારસુધી આ બોર્ડમાં સામેલ થવાની પુષ્ટિ કરી નથી તે જુદી વાત છે ટ્રમ્પનું ‘બોર્ડ ઓફ પીસ’ એટલે ટ્રમ્પ પોતે રાજા અને બાકીના દરબારીઓ એટલે કે ટ્રમ્પની હા માં હા મિલાવવાની ઉપરાંત ટ્રમ્પ ઈચ્છે તેજ આગામી પ્રમુખ બની શકે આમ ટ્રમ્પ જ કર્તાહર્તા રહે તે રીતનું આ સંગઠન છે.
આ બોર્ડનો ઉપયોગ યુનાઈટેડ નેશનના વિકલ્પ તરીકે કરી શકાય છે, જેમાં અમેરિકાનું વર્ચસ્વ હોય. ટ્રમ્પ અન્ય દેશોના પ્રતિનિધિઓને પણ આ બોર્ડમાં સામેલ થવા માટે આમંત્રણ મોકલી રહ્યા છે જોકે,UNએ ટ્રમ્પના પીસ પ્લાનને 2 વર્ષ માટે જ મંજૂરી આપી છે અને એને માત્ર ગાઝા સુધી સીમિત રાખવા કહ્યું હતું.
મહત્વનું છે કે અમેરિકાએ સૌ પ્રથમ ગાઝામાં શાંતિ સ્થાપિત કરવા માટે 20 પોઈન્ટનો એક ગાઝા પીસ પ્લાન બનાવ્યો જેને નવેમ્બર 2025માં સંયુક્ત રાષ્ટ્ર સુરક્ષા પરિષદ એટલે કે UNSCએ મંજૂરી આપી હતી પણ હવે કઈક બીજું બન્યું જેમાં અમેરિકી રાષ્ટ્રપતિ ડોનાલ્ડ ટ્રમ્પએ ગાઝામાં શાંતિ સ્થાપિત કરવાનો બીજો ફેઝ શરૂ કરી દીધો છે. આના માટે એક બોર્ડ ઓફ પીસ બનાવવામાં આવ્યું છે આ બોર્ડ એક ઇન્ટરનેશનલ બોડી છે અને ટ્રમ્પ તેના આજીવન ચેરમેન રહેવના છે અને આપણે આ બોર્ડની વાત કરી રહયા છે જેમાં ટ્રમ્પ સર્વેસર્વા છે અને આ બોર્ડના ચાર્ટરમાં ગાઝાનો ઉલ્લેખ જ નથી.
આમ,ટ્રમ્પ દુનિયામાં વધુ અન્ય દેશોને પોતે કહે તે રીતે કરવા તૈયાર કરી રહયા છે જોકે,ચીન અને રશિયા આમાંથી બાકાત છે કારણકે તેઓ પોતાની રીતે મજબૂત છે તેથી અમેરિકા પર કોઈ રીતે નિર્ભર નથી ત્યારે ભારતે ક્યારેક ચીન તો ક્યારેક અમેરિકા તો ક્યારેક રશિયા એમ કરવું પડે છે.
આ મુદ્દા ઉપર સિનિયર પત્રકારો મયુર જાની તેમજ રાજેશ ઠાકર અને મેહુલ વ્યાસ વચ્ચે વિસ્તૃત ચર્ચા થઈ જે વિશ્લેષણ જોવાનું ચૂકશો નહિ પ્રસ્તુત છે વિડીયો.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
