Manipur Violence: મણિપુરના ઇમ્ફાલ પશ્ચિમ જિલ્લામાં એક અનાથ આશ્રમમાં રાત્રે ગોળીબાર કરાયો છે. જેથી બાળકો સહિત વિસ્તારમાં લોકો ફફડી ગયા છે. પોલીસના જણાવ્યા અનુસાર બુધવારે રાત્રે લગભગ 1:40 વાગ્યે સાગોલબંદ મીનો લીરાક ખાતે આવેલા અનાથ આશ્રમ પર સતત સાતથી આઠ રાઉન્ડ ગોળીઓ ચલાવવામાં આવી હતી.
ઘટનાસ્થળના સીસીટીવી ફૂટેજમાં બે માસ્ક પહેરેલા હુમલાખોરો બાળકોના ઘરના પરિસરમાં ઘૂસીને અંધાધૂંધ ગોળીબાર કરતા જોવા મળ્યા છે. આ ઘટનાથી સ્થાનિક લોકોમાં ગભરાટ અને ગુસ્સો ફેલાયો છે. જોકે, આ ઘટનામાં કોઈ બાળકો કે સ્ટાફને ઈજા થઈ નથી અને કોઈ જાનહાનિ થઈ નથી. સમાજ કલ્યાણ વિભાગની સંકલિત બાળ સુરક્ષા યોજના હેઠળ કાર્યરત યુનાઇટેડ સોશિયલ ડેવલપમેન્ટ એસોસિએશન દ્વારા સંચાલિત આ અનાથ આશ્રમમાં લગભગ 30 છોકરાઓ રહે છે. આ ગોળીબારની ઘટના બાદ બે ઉગ્રવાદી સહિત 3ની ધરપકડ કરવામાં આવી છે.
અનાથાશ્રમના સંચાલકે શું કહ્યું?
ગોળીબારના વિરોધમાં સ્થાનિક લોકોએ વિરોધ પ્રદર્શન કર્યું હતું. હાથમાં પ્લેકાર્ડ પકડીને, પ્રદર્શનકારીઓએ ગોળીબારની નિંદા કરતા સૂત્રોચ્ચાર કર્યા અને ગુનેગારોની તાત્કાલિક ધરપકડ કરવાની માંગ કરી છે. પોલીસે જણાવ્યું હતું કે બે સશસ્ત્ર બદમાશોએ રાત્રે લગભગ 1.40 વાગ્યે એક આશ્રમમાં છ રાઉન્ડ ગોળીબાર કર્યો હતો જ્યાં અનાથ બાળકો રહેતા હતા. બાળકોના અનાથાશ્રમનું સંચાલન કરતા ખૈદેન ઓંગબી રોમિતાએ જણાવ્યું હતું કે બાળ ગૃહ પર ગોળીબાર થયો તે ખરેખર દુર્ભાગ્યપૂર્ણ છે. ગોળીબારનું કારણ હજુ સુધી જાણી શકાયું નથી. અમે અપીલ કરીએ છીએ કે ભવિષ્યમાં આવી ઘટનાઓ ફરી ન બનવા દેવી જોઈએ. બાળ ગૃહમાં ઘણા અનાથ બાળકો છે.
આ પણ વાંચોઃ
વડોદરામાં ભીષણ આગ: 5થી વધુ દાઝ્યા, 5 દુકાન, 2 મકાન આગના લપેટામાં | vadodara fire
સુરતમાં 70 રત્નકલાકારોની પાણી પીધા બાદ તબિયત બગડી, પાણીમાં ઝેરી દવા હતી? | Surat
સુરેન્દ્રનગરમાં પ્રાંત અધિકારીનો સપાટો, વધુ 2.70 કરોડની ખનીજચોરી પકડી, 6 ડમ્પર જપ્ત | Surendranagar
