Pawan Khera Supreme Court Bail: સુપ્રીમ કોર્ટે કોંગ્રેસના વરિષ્ઠ નેતા પવન ખેડાને મોટી રાહત આપતા તેમના આગોતરા જામીન મંજૂર કર્યા છે. આ મામલો આસામના મુખ્યમંત્રી હિમંતા બિસ્વા સરમાના પત્ની વિરુદ્ધ કરવામાં આવેલી કથિત નિવેદનબાજી સાથે જોડાયેલો હતો. કોર્ટના આ નિર્ણય બાદ પવન ખેડાએ ખુશી વ્યક્ત કરતા જણાવ્યું હતું કે, આ માત્ર કોઈ એક વ્યક્તિની જીત નથી, પરંતુ તેવા લોકો માટે ચેતવણી છે જેઓ પોતાની સત્તાનો દુરુપયોગ કરીને બીજાને દબાવવાનો પ્રયાસ કરે છે. તેમણે ભારપૂર્વક કહ્યું હતું કે ગમે તેટલા અવરોધો આવે, અંતે તો સત્યનો જ વિજય થાય છે.
પવન ખેડાએ એક્સ (X) પોસ્ટ દ્વારા કાયદાના શાસન પર વ્યક્ત કર્યો વિશ્વાસ
શનિવારે સોશિયલ મીડિયા પ્લેટફોર્મ ‘એક્સ’ પર એક વિસ્તૃત પોસ્ટ શેર કરીને પવન ખેડાએ ન્યાયતંત્ર પ્રત્યે આભારની લાગણી વ્યક્ત કરી હતી. તેમણે લખ્યું કે, માનનીય સુપ્રીમ કોર્ટે દેશમાં કાયદાના શાસનને જીવંત રાખ્યું છે તે બદલ તેઓ આભારી છે. આ સાથે જ તેમણે વરિષ્ઠ અધિવક્તા અભિષેક મનુ સિંઘવી અને કોંગ્રેસના કાનૂની વિભાગની મજબૂત કામગીરીના વખાણ કર્યા હતા. ખેડાએ નોંધ્યું હતું કે ડો. સિંઘવી અને તેમની તેજસ્વી ટીમે બીજી વખત તેમને આસામના મુખ્યમંત્રી તરફથી મળી રહેલી ધમકીઓ અને દબાણ સામે કાનૂની રક્ષણ પૂરું પાડ્યું છે.
I thank the Hon’ble Supreme Court for upholding the rule of law, and @DrAMSinghvi along with the AICC Law Department for their timely and steadfast interventions. For the second time, Dr Singhvi & his sharp team – @lawyerkhanmd & Omar Hoda – have defended my liberty amid…
— Pawan Khera 🇮🇳 (@Pawankhera) May 2, 2026
કોંગ્રેસના શીર્ષ નેતૃત્વ અને કાર્યકરોનો માન્યો આભાર
આ કાનૂની લડાઈ દરમિયાન મળેલા સમર્થન બદલ પવન ખેડાએ કોંગ્રેસના તમામ દિગ્ગજ નેતાઓનો હૃદયપૂર્વક આભાર માન્યો હતો. તેમણે પોતાની પોસ્ટમાં સોનિયા ગાંધી, મલ્લિકાર્જુન ખડગે, રાહુલ ગાંધી અને પ્રિયંકા ગાંધીના અટૂટ વિશ્વાસ અને પ્રોત્સાહનનો ખાસ ઉલ્લેખ કર્યો હતો. આ ઉપરાંત કે.સી. વેણુગોપાલ અને જયરામ રમેશ સહિતના નેતાઓ તેમજ પક્ષના લાખો કાર્યકરોનો પણ આભાર માન્યો હતો, જેઓ મુશ્કેલ સમયમાં તેમની પડખે ઊભા રહ્યા હતા અને તેમના માટે પ્રાર્થનાઓ કરી હતી.
“સત્યમેવ જયતે”: સત્તાના દુરુપયોગ સામે લડતા રહેવાનો સંકલ્પ
પવન ખેડાએ આ જામીનને રાજકીય બદલાની ભાવના સામે લોકશાહીની જીત ગણાવી હતી. તેમણે કહ્યું કે આ નિર્ણય એ વાતની યાદ અપાવે છે કે આપણે એક બંધારણીય લોકશાહીમાં રહીએ છીએ અને અહીં રાજકીય અદાવત સાધવા માટે કોઈની અંગત આઝાદી છીનવી શકાય નહીં. તેમના મતે, સરકારી સત્તાનો ખોટો ઉપયોગ કરનારાઓ માટે આ એક મોટો પાઠ છે. પોતાની વાત પૂર્ણ કરતા તેમણે લખ્યું હતું કે, જૂઠાણું ગમે તેટલું શક્તિશાળી કેમ ન હોય, પરંતુ અંતિમ વિજય હંમેશા સત્યનો જ થાય છે.
આ પણ વાંચો:
