Rajkot માં ગમખ્વાર અકસ્માત, 4ના કરુણ મોત, 2 ગંભીર, પરિવારોનો હોબાળો

Rajkot Accident: ગુજરાતમાં રોજે રોજ અકસ્માતનો ઘટનાઓમાં લોકોના જીવ જઈ રહ્યા છે. ત્યારે રાજકોટમાં એક સીટી બસે 6 લોકોને કચડી નાખ્યા છે. જેમાંથી 4 લોકો મોતને ભેટ્યા છે. જ્યારે 2થી વધુને ગંભીર હાલતમાં હોસ્પિટલમાં ખસેડવામાં આવ્યા છે. સિંગ્નલ ખુલતાં જ ઓવરસ્પીડે બસ હંકારવામાં આવી હતી. જેથી આ અકસ્માત થયો છે.

આજે સવારે( 16 એપ્રિલ)ના રોજ રાજકોટના ઇન્દિરા સર્કલ પાસે સીટી બસે કેટલાંક વાહનચાલકોને અડફેટે લીધા હતા. જેમાં 6 લોકોને અડફેટે આવી ગયા હતા. જેમાંથી 4 લોકોના ઘટના સ્થળે જ મોત થયા છે. જ્યારે બેથી વધુ લોકોને ગંભીર હાલતમાં હોસ્પિટલમાં ખસેડવામાં આવ્યા છે. ઘટના બાદ મૃતકોના પરિવજનો અને અન્ય રાહદારીમાં રોષ ફાટી નીકળ્યો છે. ઘટના સ્થળે ભારે હોબાળો મચી ગયો છે. જેથી પોલીસ પણ ઘટના સ્થળે દોડી આવી છે અને મામલો થાળે પાડ્યો છે.

સિગ્નલ ખુલતા જ ઓવર સ્પીડમાં બસ ચલાવી અકસ્માત સર્જ્યો

આ ઘટનાના સીસીટીમાં પણ કેદ થઈ છે. જેમાં ડ્રાઇવરની સ્પષ્ટ બેદરકારી જોવા મળે છે ડ્રાઇવરે પીઘેલી હાલતમાં હોય તેવી પણ આશંકા સેવાઇ રહી છે. સિગ્નલ ખુલતા જ ઓવર સ્પીડમાં બેદરકારીથી બસ ચલાવતા 6 લોકો બસની નીચે કચડાયા હતા, લોકોને કચડતાં બસ આગળ નીકળી ગઇ હતી. જેમાં 4ના મોત અને 2થી વધુ લોકોને સારવાર હેઠળ છે. આ ઘટનામાં બસચાલક શિશુપાલસિંહ રાણાને પણ ગંભીર ઈજાઓ પહોંચતાં હોસ્પિટલમાં ખસેડાયો છે.

ઘટનાની જાણ થતાં ધારાસભ્ય દર્શિતા શાહ સહિત રાજકોટ શહેર પોલીસ કમિશનર બ્રજેશ કુમાર ઝા, જોઈન્ટ પોલીસ કમિશનર મહેન્દ્ર બગડિયા, ડીસીપી ટ્રાફિક પૂજા યાદવ, ડીસીપી ક્રાઇમ પાર્થરાજસિંહ ગોહિલ તેમજ ગાંધીગ્રામ, યુનિવર્સીટી, માલવિયા, ક્રાઇમ બ્રાન્ચ અને SOG પોલીસકર્મીઓ પહોંચ્યા હતા.

મૃતકો અને ઈજાગ્રસ્ત માટે સરકાર સહાય જાહેર કરી શકે છે. જો કે સવાલ એ છે દર વખતે આ રીતે અકસ્માત થતાં હોય છે અને સરકાર માત્ર સહાય જાહેર કરી સંતોષ માને છે. બેફામ બનતાં વાહનચલાકોને ટ્રાફિક નિયમનોનું પાલન કરાવી શકતી નથી. જેથી આવીને આવી ઘટનાઓમાં સતત વધારો થયો છે.

મૃતકના નામ