Attack on Delhi CM Rekha Gupta: દિલ્હીના મુખ્યમંત્રી રેખા ગુપ્તા પર જાહેર સુનાવણી દરમિયાન હુમલો કરાયો છે. તેમના માથામાં ઈજા થઈ છે. દિલ્હી પોલીસે પણ આ ઘટનાની પુષ્ટિ કરી છે અને ગૃહ મંત્રાલયને આ અંગે જાણ કરવામાં આવી છે. આરોપી વ્યક્તિ ગુજરાતના રાજકોટનો રહેવાસી હોવાનું કહેવાય છે. શરૂઆતની માહિતીમાં આરોપીએ પોતાનું નામ 41 વર્ષિય રાજેશ ભાઈ ખીમજી ભાઈ સાકરિયા જણાવ્યું છે. હાલ પોલીસે તેની વધુ પૂછપરછ હાથ ધરી છે.
એવું કહેવામાં આવી રહ્યું છે કે દસ્તાવેજો સોંપ્યા પછી તે વ્યક્તિએ અચાનક મુખ્યમંત્રી પર હુમલો કર્યો. ભાજપના પ્રવક્તા પ્રવીણ શંકરે જણાવ્યું હતું કે આરોપીના કોઈપણ રાજકીય પક્ષ સાથે સીધા જોડાણની પુષ્ટિ થઈ નથી, પરંતુ હુમલા પહેલાના તેના નિવેદનો સૂચવે છે કે તે દિલ્હીમાં તેના પદથી અસંતુષ્ટ કોઈ પક્ષ સાથે સંકળાયેલો હોઈ શકે છે.
દિલ્હી ભાજપ પ્રમુખ વીરેન્દ્ર સચદેવાએ જણાવ્યું હતું કે આરોપીઓએ મુખ્યમંત્રીનો હાથ પકડીને તેમને ખેંચવાનો પ્રયાસ કર્યો હતો, જેના કારણે ઝપાઝપી થઈ હતી અને તેમનું માથું ટેબલના ખૂણા પર વાગ્યું હતું.
આ ઘટના પાછળ રાજકીય ષડયંત્ર: મનજિંદર સિંહ સિરસા
દિલ્હીના મંત્રી મનજિંદર સિંહ સિરસાએ આ ઘટનાને “રાજકીય ષડયંત્ર” ગણાવી. તેમણે કહ્યું, “તેઓ દિવસ-રાત દિલ્હી વિશે વિચારે છે. વિપક્ષ એ સહન કરી શકતું નથી કે મુખ્યમંત્રી કલાકો સુધી જનતા વચ્ચે બેસીને તેમની સાથે સીધો સંપર્ક કરે.” સિરસાએ કહ્યું કે આ ઘટના પાછળ રાજકીય ષડયંત્રની ગંધ છે અને પોલીસ તમામ હકીકતો બહાર લાવશે.
પ્રત્યક્ષદર્શીઓએ થપ્પડ માર્યાનો દાવો કર્યો
આ ઘટનાની પ્રત્યક્ષદર્શી અંજલિએ કહ્યું, “આ ખોટું છે. દરેકને જાહેર સુનાવણીનો અધિકાર છે. હું ત્યાં હાજર હતી. આરોપી વાત કરી રહ્યો હતો અને અચાનક તેણે મને થપ્પડ મારી દીધી. પોલીસ તેને તાત્કાલિક લઈ ગઈ.” દિલ્હી પોલીસના જણાવ્યા અનુસાર, ડીસીપી ઘટનાસ્થળે પહોંચી ગયા છે અને સમગ્ર કેસની તપાસ ચાલી રહી છે.
કોંગ્રેસ-આપના નેતાઓએ હુમલાની નિંદા કરી
આ હુમલા પર રાજકીય પ્રતિક્રિયાઓ પણ તીવ્ર બની. દિલ્હી કોંગ્રેસના વડા દેવેન્દ્ર યાદવે કહ્યું, “આ ખૂબ જ દુર્ભાગ્યપૂર્ણ છે. જો દિલ્હીના મુખ્યમંત્રી સુરક્ષિત નથી, તો સામાન્ય પુરુષ કે મહિલાની સુરક્ષા કેવી રીતે સુનિશ્ચિત થશે?” ર્વ મુખ્યમંત્રી અને AAP ધારાસભ્ય આતિશીએ પણ આ હુમલાની નિંદા કરી અને કહ્યું કે લોકશાહીમાં મતભેદ અને વિરોધ માટે સ્થાન છે, પરંતુ હિંસા માટે કોઈ સ્થાન નથી. તેમણે આશા વ્યક્ત કરી કે પોલીસ આરોપીઓ સામે કડક કાર્યવાહી કરશે અને મુખ્યમંત્રી સંપૂર્ણપણે સુરક્ષિત રહે.
આ પણ વાંચો:
Gujarat: સરકારને કરોડના ખર્ચે પોતાની ભાષા સુધારવાનું ભાન કેમ થયું?
Parrot World Record: પોપટનો વર્લ્ડ રેકોર્ડ, માત્ર 33 સેકન્ડમાં કરી નાખ્યું આ પરાક્રમ, જુઓ!
Surat: અમરોલીમાં 33 વર્ષિય શિક્ષિકાએ કર્યો આપઘાત, કારણ જાણી ચોકી જશો!
UP: પત્નીને પાવડો મારી પતાવી દીધી, બાળકો થયા અનાથ, કારણ જાણી હચમચી જશો!
Delhi: સૌનો સાથ સૌનો વિનાશ ! દિલ્હીમાં CM રેખા ગુપ્તાનું રૌદ્ર રુપ
Asia Cup 2025: એશિયા કપમાં ભારત પાકિસ્તાનને હરાવે, તો તેને પહેલગામનો બદલો ગણવાનો?
