Surat: દુષ્કર્મના આરોપી BJP મહામંત્રી આદિત્ય ઉપાધ્યાય સસ્પેન્ડ, યુવતીને કેવી રીતે જાળમાં ફસાવી ?

Surat: રાજ્યમાં એક બાદ એક દુષ્કર્મની ઘટનાઓમાં ભાજપ નેતાઓના નામ સામે આવી રહ્યા છે જેથી એવું લાગી રહ્યુંછે કે, ભાજપના નેતાઓથી હવે દિકરીઓ સુરક્ષિત નથી રહી ત્યારે સુરતમાં ગેંગરેપની ઘટનામાં ભાજપ નેતાનું નામ ઉછળ્યું છે. જેમાં જહાંગીપુરા પોલીસ સ્ટેશનમાં ભાજપ મહામંત્રી આદિત્ય ઉપાધ્યાય સહિત 2 સામે ગેંગરેપની ફરિયાદ નોંધાઈ હતી આ મામલે કાર્યવાહી કરતા પોલીસે દુષ્કર્મી નેતા અને તેના મિત્રની ધરપકડ કરી હતી ત્યારે ધરપકડ થયાના થોડા સમયમાં જ ભાજપે આ નેતાને પાર્ટીમાંથી હાંકી કાઢ્યો છે.

દુષ્કર્મી નેતાને ભાજપે પાર્ટીમાંથી હાંકી કાઢ્યો

મળતી માહિતી મુજબ દુષ્કર્મના આરોપી આદિત્ય ઉપાધ્યાયને પાર્ટીમાંથી સસ્પેન્ડ કરી દેવામાં આવ્યો છે. આરોપી આદિત્ય ઉપાધ્યાય સ્થાનિક ભાજપમાં વોર્ડ નં. 8ના મહામંત્રી તરીકે કાર્યરત હતો. પરંતુ BJP સુરત શહેર પ્રમુખ પરેશ પટેલે દુષ્કર્મનો મામલો સામે આવતા તાત્કાલિક આ પગલા લીધા છે.

ભાજપ નેતાએ યુવતીને કેવી રીતે જાળમાં ફસાવી ?

યુવતીએ પોલીસ સ્ટેશનમાં નોંધાવેલી ફરિયાદ મુજબ ભાજપના વોર્ડ નંબર 8 નો મહામંત્રી આદિત્ય ઉપાધ્યાય અને ગૌરવસિંહ રાજપૂતે થોડા સમય અગાઉ તેને ઈન્સ્ટાગ્રામ પર મોકલી હતી. આમ આ બંન્ને સાથે યુવતીની મિત્રતા થઈ અને તેઓ ફોન પર વાત કરવા લાગ્યા આ દરિયાન ગૌરવસિંહ અને આદિત્ય ઉપાધ્યાયે તેને ફરવા માટે બીચ પર લઈ જવાની ઓફર કરતા તે તેમની સાથે બીચ પર ગઈ હતી. જોકે, આરોપીઓએ પૂર્વનિયોજિત રીતે તેનો વિશ્વાસ જીતી કોઈ અજાણ્યા બીચ પર લઈ ગયા હતા અને ત્યા તેને નશાકારક કોલ્ડ્રીંક આપ્યું હતુ જેથી યુવતી અશક્ત અને બેભાન જેવી થઈ ગઈ હતી. જે બાદ તેઓ યુવતીને જહાંગીરપુરા કેનાલ રોડ આવેલી ઓયો હોટેલમાં લઈ ગયા હતા. જ્યાં યુવતીની અનુમતિ વગર બન્ને યુવકે વારાફરતી તેના પર દુષ્કર્મ ગુજાર્યું હતું. જે બાદ આ યુવતીને ફરી કારમાં બેસાડીને તેના ઘર નજીક છોડી દીધી હતી. જ્યારે યુવતી ભાનમાં આવી ત્યારે તેને પોલીસમાં આ મામલે ફરિયાદ નોંધાવી હતી.

પોલીસે શું કાર્યવાહી કરી ?

આ મામલે પોલીસે ગેંગરેપનો ગુનો દાખલ કરીને આરોપી ગૌરવસિંહ રાજપૂત અને આદિત્ય ઉપાધ્યાયની ધરપકડ કરી છે. આ સાથે પોલીસે હોટલના સીસીટીવી ફૂટેજ, કારની વિગત, કોલ રેકોર્ડ અને યુવતીનાં નિવેદનોના આધારે વધુ તપાસ હાથ ધરી છે. હવે પોલીસ આરોપીઓના રિમાન્ડ મેળવીને તેમની પૂછપરછ કરશે.