surendranagar: નશાબંધીના કાયદાના લીરેલીરા ઉડાવતા ભાજપ ધારાસભ્ય, શું હવે પોલીસ કરશે કાર્યવાહી ?

surendranagar: રાજ્યમાં નશાબંધીનો કાયદો માત્ર કાગળ પર છે. રાજ્યમાં નશાકારક વસ્તુઓ પર પ્રતિબંધ હોવા છતા તેનું બેફામ વેચાણ થતું હોય છે પરંતુ આપણા ગૃહમંત્રી હર્ષ સંઘવી મોટી મોટી ફાંકા ફોજદારી કરે છે કે, ગુજરાતમાં પોલીસ નશાખોરો અને નશાનો વેપલો ચલાવતા લોકો સામે કડક કાર્યવાહી કરી રહી છે પરંતુ અહીં તો ખુદ ભાજપના ધારાસભ્ય જ નશાબંધીના કાયદાના લીરેલીરા ઉડાવી રહ્યા છે તેઓ નશો કરતા બંધાણીઓને એક થવાની હાંકલ કરી છે અને તે પણ એક ધાર્મિક કાર્યક્રમમાં. એટલું જ નહીં પરંતુ સરકાર “અફીણ” માટે લાયસન્સની વ્યવસ્થા કરી આપે તે માટે સરકાર સાથે બગાવત કરવાની પણ તૈયારી કરી રહ્યા છે ત્યારે શું હવે આ ધારાસભ્ય સામે કોઈ પગલા લેવાશે ખરા તેવા સવાલ થઈ રહ્યા છે.

નશાબંધીના કાયદાના લીરેલીરા ઉડાવતા ભાજપ ધારાસભ્ય

મળતી માહિતી મુજબ સુરેન્દ્રનગરના મુળી તાલુકાના ગઢડા ગામે ધાર્મિક કામ માટે ગયેલા ચોટીલાના ભાજપના ધારાસભ્ય શામજી ચૌહાણએ નશો કરવાની વાત કરવા લાગ્યા હતા. ગુજરાતમાં અફિણની ખેતી પર અને તેનો નશો કરવા પર પ્રતિબંધ છે. છતા તેઓ અફીણનો નશો કરતાં બંધાણીઓને એક બનવા હાકલ કરી હતી. એટલું જ નહીં પરંતુ નશો કરવાનો પરવાનો આપવા ભૂપેન્દ્ર પટેલની સરકાર સામે બગાવત કરવા સંગઠિત બની સરકાર સામે મોરચો માંડવા વાત કહી હતી. તેમણે કહ્યું કે, 500 બંધાણી ભેગા થઈને કહો કે સુરેન્દ્રનગર જિલ્લામાં અફિણનો નશો કરવાનો પરવાનો આપો નહીંતર એક પણ ધારાસભાને જીતાડશું નહીં. તો સરકાર “અફીણ” માટે લાયસન્સની વ્યવસ્થા કરી આપે.

Surendranagar: નશાબંધીના કાયદાના લીરેલીરા ઉડાવતા ભાજપ ધારાસભ્ય#Surendranagar #BJP #Chotila #ShamjiChauhan #Gujarat #thegujaratreport pic.twitter.com/03FMOQ1eX0
— The Gujarat Report (@TGujarat_Report) May 18, 2025

ચોટીલામાં કોલસા કૌભાંડના મજુરોને અપાય છે અફીણ

જો કે, ચોટીલામાં રૂ. 10 હજાર કરોડનો કોલસો ગેરકાયદેસર ખોદવાના કૌભાંડમાં મજૂરોને અફિણ આપી કામ કરાવાય છે. તે અંગે ધારાસભ્ય શામજી કંઈ બોલવા તૈયાર નથી. ત્યારે શું આ ધારાસભ્ય કૌભાંડમાં સામેલ છે જેન કારણે તેઓ કંઈ બોલી નથી રહ્યા ? અફીણનો નશો સ્વાસ્થ્ય માટે હાનીકારક હોવા છતા તેઓ નશો કરવાનો પરવાનો લેવા માટે બંધાણીઓને એક થવા કેમ હાંકલ કરી રહ્યા છે ? આના પાછળ તેમનો અંતગ સ્વાર્થ છે કેમ તેઓ નશાને પ્રોત્સાહન આપી રહયાછે ?

ભાજપ સરકારની નશાબંધીની નીતિ પર સવાલો ઉઠ્યા

ગુજરાતમાં અફીણની ખેતી અને તેના નશા પર કડક પ્રતિબંધ હોવા છતાં, ભાજપના ચોટીલાના ધારાસભ્ય શામજી ચૌહાણે ધાર્મિક કાર્યક્રમમાં અફીણનો નશો કરતા બંધાણીઓને એક થવાની હાકલ કરી છે, જેના કારણે રાજ્યના રાજકારણમાં ખળભળાટ મચી ગયો છે. આ ઘટનાનો વીડિયો સોશિયલ મીડિયા પર વાયરલ થતાં ભાજપ સરકારની નશાબંધીની નીતિ પર સવાલો ઉઠવા લાગ્યા છે. જો ભાજપના ધારાસભ્ય જ નશાની વાતો કરે, તો ગૃહ વિભાગ શું કરી રહ્યું છે?
ગુજરાતમાં અફીણની ખેતી અને વપરાશ પર કડક પ્રતિબંધ હોવા છતાં, ભાજપના ધારાસભ્યની આ હાંકલે ગૃહ વિભાગની કામગીરી પર ગંભીર સવાલો ઉભા કર્યા છે. જો સરકારના જ ધારાસભ્ય ખુલ્લેઆમ નશાને પ્રોત્સાહન આપે, તો સામાન્ય નાગરિકો પાસેથી કાયદાનું પાલન કેવી રીતે અપેક્ષાય? આ ઘટનાએ ગૃહમંત્રી સંઘવીની નશામુક્ત ગુજરાતની બડાઈઓને ખોટી સાબિત કરી દીધી છે.

શું હવે પોલીસ કરશે કાર્યવાહી ?

જો સરકાર સમાન્ય લોકોમાંથી કે વિપક્ષમાંથી કોઈએ આ વાત કરી હોત તો તેની સામે પગલા ચોક્કસથી લેવાયા હોત. ત્યારે શું શામજી ચૌહાણ ભાજપના ધારાસભ્ય છે એટલા માટે તેમના પર કોઈ પગલા નહીં લેવાય ? ગુજરાતમાં અફિણની ખેતી પર અને તેનો નશો કરવા પર પ્રતિબંધ હોવા છતા ખુદ ભાજપ ધારાસભ્ય જ આવી વાત કરી રહ્યા હોય તે કેટલી યોગ્ય? શું નશાબંધી વાળા ગુજરાતમાં નશાની પરવાનગી માટે હાંકલ કરનારા ભાજપના ધારાસભ્યને ગુજરાત પોલીસ કાયદાનું ભાન કરાવશે ખરી? ભાજપ હાઈકમાન્ડ અને ગૃહ વિભાગ આ મામલે શું પગલાં લે છે, તેના પર રાજ્યની જનતાની નજર રહેશે.