Solapur Fire: મહારાષ્ટ્રના સોલાપુરમાં ફેક્ટરીમાં લાગી ભીષણ આગ, 5 થી 6 લોકો ફસાયા

Solapur Fire: સોલાપુરના MIDC સ્થિત સેન્ટ્રલ ઇન્ડસ્ટ્રીમાં ભીષણ આગ લાગી છે. આ આગમાં ત્રણ લોકોના મોત થયા છે જ્યારે ફેક્ટરી માલિકનો પરિવાર અંદર ફસાયેલો છે. કહેવામાં આવી રહ્યું છે કે ફેક્ટરીની અંદર હજુ પણ કુલ 4 લોકો ફસાયેલા છે. દરમિયાન, અગ્નિશામક દળ આગને કાબુમાં લેવા માટે સતત પ્રયાસ કરી રહ્યા છે. હાલમાં આગ પર કાબુ મેળવી શકાયો નથી. આગની જ્વાળાઓ દૂરથી દેખાઈ રહી હતી. ઘટનાની માહિતી મળતા જ ફાયર બ્રિગેડની ગાડીઓ ઘટનાસ્થળે પહોંચી ગઈ હતી અને આગ પર કાબુ મેળવવાનો પ્રયાસ શરૂ કર્યો હતો.

મહારાષ્ટ્રના સોલાપુરમાં ફેક્ટરીમાં લાગી ભીષણ આગ

મહારાષ્ટ્રના સોલાપુર શહેરના અક્કલકોટ રોડ પર MIDC વિસ્તારમાં આવેલી એક ફેક્ટરીમાં ભીષણ આગ લાગી હતી. આજે સવારે લગભગ ૩ વાગ્યે સેન્ટ્રલ ઇન્ડસ્ટ્રીઝ નામની ફેક્ટરીમાં આગ લાગી હતી. બચાવ કામગીરી હાથ ધરતી વખતે, ફેક્ટરીમાંથી 3 કામદારોને બહાર કાઢવામાં આવ્યા હતા જેઓ ખરાબ રીતે દાઝી ગયા હતા. હાલમાં, ફેક્ટરીમાં 5-6 લોકો ફસાયેલા હોવાના સમાચાર છે; તેમને બચાવવા માટે બચાવ કામગીરી ચાલુ છે. ઘટનાસ્થળે મોટી સંખ્યામાં ફાયર બ્રિગેડના વાહનો અને પોલીસ દળ તૈનાત કરવામાં આવ્યા છે.

5-6 લોકો ફસાયા હોવાની માહિતી

ફેક્ટરીમાં 6 મહિનાનું બાળક ફસાયું હોવાની આશંકા છે. તેમજ ગંભીર રીતે ઘાયલ ત્રણ લોકોને બચાવી લેવામાં આવ્યા છે, જ્યારે 5-6 અન્ય લોકો હજુ પણ ફસાયેલા છે. બચાવ કામગીરી ચાલુ છે.