●રેલવેના હાઇ સ્પીડ પ્રોજેક્ટ માટે કામ કરી રહેલી વિશાળ ક્રેઇન બાજુમાંથી પસાર થઈ રહેલી ટ્રેન ઉપર પડતા સર્જાયો ગંભીર અકસ્માત
Thailand: થાઇલેન્ડમાં એક મોટી ટ્રેન દુર્ઘટના બની છે, રાજધાની બેંગકોકથી થાઇલેન્ડના ઉત્તરપશ્ચિમમાં ટ્રેન ઉબોન રત્ચાથાની પ્રાંત તરફ જઈ રહી હતી તે દરમિયાન ત્યાં ચાલી રહેલા હાઇ-સ્પીડ રેલ પ્રોજેક્ટ પર કામ કરી રહેલી એક ક્રેન અચાનક ટ્રેન ઉપર પડી જતા ટ્રેન પાટા પરથી ઉતરી જતા સર્જાયેલી દુર્ઘટનામાં 25 લોકોના મોત થયા છે અને લગભગ 80 લોકો ઘાયલ થયા છે. આ દુર્ઘટના આજે બુધવારે સવારે થાઇલેન્ડના શીખિઓ જિલ્લામાં બની હતી. આ વિસ્તાર રાજધાની બેંગકોકથી લગભગ 230 કિલોમીટર દૂર છે.
એક સ્થાનિક પોલીસ અધિકારીએ AFP ને જણાવ્યું કે અકસ્માતમાં 25 લોકો માર્યા ગયા અને 80 થી વધુ ઘાયલ થયા છે.મીડિયા અહેવાલો અનુસાર, નિર્માણાધીન હાઇ-સ્પીડ રેલ પ્રોજેક્ટ પર કાર્યરત ક્રેન અચાનક નીચેથી પસાર થતી ટ્રેન પર પડતા ટ્રેન પાટા ઉપરથી નીચે ઉતરી ગઈ હતી જેમાં આગ ભભૂકી ઉઠી હતી અકસ્માત બાદ તરતજ બચાવ કાર્ય શરૂ થયું હતું અને ટ્રેનના પતરા કાપી મુસાફરોને બહાર કઢાયા હતા.
#BREAKING: Dozens of people were killed and injured when a construction crane lifting a section of a bridge collapsed onto a passenger train in Sikhio, Thailand.pic.twitter.com/Ff7ioMReJG
— OSINT Spectator (@osint1117) January 14, 2026
ટ્રેનમાં ૧૯૫ મુસાફરો સવાર હતા. જોકે, આ આંકડો ટ્રેનમાં સવાર મુસાફરોની સંખ્યા પર આધારિત છે અને ટ્રેનમાં સવાર મુસાફરોની વાસ્તવિક સંખ્યા અલગ અલગ હોઈ શકે છે થાઈ સરકારે અકસ્માતની તપાસના આદેશ આપ્યા છે આ અકસ્માત આજે બુધવારે સવારે ૯ વાગ્યાની આસપાસ સર્જાયો હતો.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
