Trump: અમેરિકા-ઈઝરાયેલનો ઈરાન ઉપર હુમલો અને ત્યારબાદ સર્જાયેલા મિડલ ઈસ્ટનું યુદ્ધ હવે ખતરનાક મોડ તરફ જઈ રહ્યુ છે અમેરિકા-ઇઝરાયલ-ઇરાન યુદ્ધનો આઠમો દિવસ છે. આ દરમિયાન, યુએસ ટ્રેઝરી સેક્રેટરી સ્કોટ બેસન્ટે શનિવારે ફોક્સ ન્યૂઝ સાથે વાત કરતા કહ્યું કે આજે રાત્રે ઈરાન પર અત્યાર સુધીનો સૌથી મોટો હુમલો કરવામાં આવશે.તેમણે કહ્યું કે આ હુમલાઓનો હેતુ ઈરાનના મિસાઈલ લોન્ચર્સ અને મિસાઈલ બનાવતી ફેક્ટરીઓને નોંધપાત્ર નુકસાન પહોંચાડવાનો છે.મહત્વનું છે કે ઈરાને પણ હવે આક્રમક વલણ અપનાવી અમેરિકાને જોરદાર જવાબ આપ્યો છે.
ઇરાને યુએસની સૌથી સુરક્ષિત મનાતી એર ડિફેન્સ સિસ્ટમ THAAD (થાડ) ને તોડી પાડી અમેરિકાના ગાલ પર કસકસતો તમાચો ઝીકયો છે.જોર્ડન, સાઉદી અરેબિયા અને યુએઈ (UAE) માં આવેલા અમેરિકન રડાર બેઝ પર ઈરાને સચોટ હુમલા કરીને અમેરિકાના ‘સંરક્ષણ કવચ’ને તોડી નાખતા અમેરિકા બરાબરનું ગિન્નાયું છે.
ઈરાનની આઈઆરજીસીએ દુનિયા સમક્ષ જણાવ્યુંકે કુવૈત અને યુએઈમાં અમેરિકાની રડાર સિસ્ટમ, ફ્યુલ સ્ટોરેજ ફેસિલિટી અને રનવે પર મિસાઈલ અને ડ્રોન હુમલા કરી નષ્ટ કરી દીધા છે જેના સેટેલાઈટ પુરાવા આપ્યા છે,IRGC એ કહ્યું કે અમે નવી જનરેશનની મિસાઈલ અને ડ્રોન વડે અમેરિકાના સૈન્ય ઠેકાણાઓને નિશાન બનાવ્યા છે.
ઇરાને સચોટ હુમલા કરતા અમેરિકા ચોંકી ગયું છે અને આ સંદર્ભે વોશિંગ્ટન પોસ્ટના અહેવાલોમાં ત્રણ અમેરિકી અધિકારીઓના હવાલાથી જણાવવામાં આવ્યું છે કે રશિયા ઈરાનને એવી ટાર્ગેટિંગ ઈન્ટેલિજન્સ આપી રહ્યું છે, જેનાથી ઈરાન અમેરિકી સૈન્ય ઠેકાણાઓને નિશાન બનાવી શકે.
આ બધા વચ્ચે અમેરિકાએ ભારતની રિફાઇનરીઓમાં રશિયાનું સસ્તું તેલ લેવાની 30 દિવસની મર્યાદામાં પરમિશન આપી છે, આ મુદ્દે વાત કરતા વરિષ્ઠ પત્રકાર મયુર જાનીએ જણાવ્યું કે ક્યાંક અમેરિકાનો ઈરાદો એવો તો નથી ને કે ભારતની રિફાઇનરીઓમાં રશિયાનું તેલ પ્રોસેસ થાય અને સ્ટોર થાય તેનો અમેરિકા પોતે પાછળથી ઉપયોગ કરી શકે?કારણ કે ટ્રમ્પ પોતાનું હિત પહેલા જુએ છે.આ સમગ્ર મામલે સિનિયર પત્રકારો મયુર જાની, મેહુલ વ્યાસ અને અરુણ દીક્ષિતે વિસ્તૃત છણાવટ કરી છે જે જોવાનું ચૂકશો નહી.પ્રસ્તુત છે વિડીયો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
