ગુજરાતમાં સતત નકલી ડોક્ટરો ઝડપાઈ રહ્યા છે. ગુજરાતના અનેક જીલ્લામાંથી નકલી ડોક્ટરો પકડાવોનો દોર હજુ પણ યથાવત છે. ત્યારે સવાલ થાય છે કે આટલી મોટી સંખ્યામાં કેમ નકલી ડોક્ટરો ઝડપાઈ રહ્યા છે. ત્યારે હવે રાજકોટના ગ્રામ્ય વિસ્તારોમાંથી બે નકલી ડોક્ટરો ઝડપતાં ખળભળાટ મચી ગયો છે. હાલ બંને નકલી ડોક્ટરોની SOG પોલીસે ધરપકડ કરી વધુ કાર્યવાહી હાથ ધરી છે.
મળતી માહિતી અનુસાર રાજકોટના ગ્રામ્ય વિસ્તારમાંથી સ્પેશિયલ ઓપરેશન ગ્રુપે(SOG) દરોડા પાડી બે નકલી ડોક્ટરોને ઝડપ્યા છે. નકલી ડોકટરોની આળખ રાજુ ચૌહાણ અને રાજેશ મારડિયા થઈ છે. તેઓ રાજકોટ જીલ્લાના ઢોલરા અને સડકપીપડીયા ગામે ક્લિનિક ચલાવી દર્દીઓના સ્વાસ્થ્ય સાથે ચેડા કરતાં હતા. રાજેશ મારડીયા માત્ર ધોરણ 10 પાસ જ છે. ઝડપાયેલા શખ્સોની પૂછપરછમાં યોગ્ય જવાબ આપી શક્યા ન હતા. પોલીસે હાલ ઇન્જેક્શન, દવાના જથ્થા સહિતની રુ. 32.33 હજારનો મુદ્દામાલ કબજે કર્યો છે.
આ પણ વાંચોઃ અમદાવાદ એરપોર્ટ પર ફાસ્ટ ટ્રેક ઈમીગ્રેશન ટ્રસ્ટેડ ટ્રાવેલર પ્રોગ્રામનો પ્રારંભ
