–ટ્રમ્પ વારંવાર નરેન્દ્ર મોદીની ‘ફજેતી’ કેમ કરી રહયા છે?જો ટ્રમ્પ ખોટું બોલી રહ્યા છે તો મોદી સાહેબ કેમ ચૂપ છે?
Donald Trump: અમેરિકાના રાષ્ટ્રપતિ ડોનાલ્ડ ટ્રમ્પ વારંવાર મોદીજીની આંતરરાષ્ટ્રીય સ્તરે ફજેતી કરી રહયા છે અને ફરી વધુ એકવાર તેઓએ ગઈકાલે મંગળવારે દાવો કર્યો કે મોદી સામે ચાલીને મારી પાસે આવ્યા અને મારી પરમિશન માંગી અને કહ્યું કે સર શુ હું તમને મળી શકું? અને મે હા પાડી બાદમાં ચર્ચા થઈ હતી.
ન્યૂઝ એજન્સી PTI અનુસાર, ટ્રમ્પે આ વાત મંગળવારે વોશિંગ્ટનમાં હાઉસ રિપબ્લિકન પાર્ટીના સભ્યોની બેઠકમાં કહી હતી, ટ્રમ્પે એમ પણ કહ્યું-પીએમ મોદી પોતે મને મળવા આવ્યા હતા. તેઓ મારી પાસે આવ્યા અને બોલ્યા- “સર, શું હું તમને મળી શકું? અને મેં કહ્યું- હા.”જોકે ટ્રમ્પે એ જણાવ્યું ન હતું કે આ બધી વાતચીત ક્યારે અને ક્યાં થઈ હતી.ટ્રમ્પે કહ્યું હતું કે અપાચે હેલિકોપ્ટરને લઈ ભારત ઘણા વર્ષોથી મારી પાસે આવી રહ્યું હતું. અમે તેને બદલી રહ્યા છીએ. ભારતે 68 અપાચે હેલિકોપ્ટરનો ઓર્ડર આપ્યો છે.
તેઓએ ફરી વાર એકજ વાત દોહરાવી કે “મારા (પીએમ મોદી) સાથે ખૂબ સારા સંબંધો છે”અને મોદીએ હવે રશિયા પાસેથી તેલ ખરીદવાનું મોટાભાગે ઘટાડી દીધું છે.ટ્રમ્પે ભારત પર કુલ 50% ટેરિફ લગાવ્યો છે, જેમાં 25% વધારાનો ટેરિફ રશિયા પાસેથી તેલ ખરીદવાને કારણે લગાવવામાં આવ્યો છે.
ટ્રમ્પે ગઈકાલે પણ ભારત દ્વારા રશિયા પાસેથી તેલની આયાત ઘટાડવા અંગે નિવેદન આપ્યું હતું. ટ્રમ્પે કહ્યું હતું કે ભારતે આ નિર્ણય પોતાને ખુશ કરવા માટે લીધો છે.
આમ,ટ્રમ્પ વારંવાર ફીરકી લઈ રહયા છે પણ મોદી સાહેબ તરફથી કોઈ વળતો ખુલાસો કરવામાં આવતો નહિ હોવાથી હવે નરેન્દ્ર મોદી ઘર આંગણે ઘેરાઈ રહયા છે અને કોંગ્રેસ દ્વારા આ મામલે AI VIDEO શેર કરતા રાજકારણ ગરમાયુ છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
