Tariff: અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર વિશ્વભરના વિવિધ દેશો પર લાદવામાં આવેલા ટેરિફથી થતી આવક પર પોતેજ પોતાની પીઠ થપથપાવી પોતાના જ વખાણ કરવા લાગ્યા છે, ટ્રમ્પે મીડિયા પર આરોપ લગાવ્યો કે મારી આ સફળતાને ઇરાદાપૂર્વક અવગણવામાં આવી રહી છે,ખરેખર મે અમેરિકાને કેટલો મોટો ફાયદો કરાવ્યો છે તેની કોઈ નોંધ લેતું નથી.
તેઓએ જણાવ્યું છે કે ટેરિફથી થતી આવક ટૂંક સમયમાં $600 બિલિયનને વટાવી જશે.ટ્રુથ સોશિયલ પરની એક પોસ્ટમાં, ટ્રમ્પે જણાવ્યું હતું કે “અમે ટેરિફથી $600 બિલિયનથી વધુ કમાણી કરી લીધી છે, અને ટૂંક સમયમાં અમારી પાસે વધુ કમાણી થશે.”ટ્રમ્પે મીડિયા પર ઇરાદાપૂર્વક આ મુદ્દાને અવગણવાનો આરોપ પણ લગાવ્યો.
રાષ્ટ્રપતિ ડોનાલ્ડ ટ્રમ્પે ફરી એકવાર ટેરિફ માટે પોતાની પીઠ થપથપાવી અને કહ્યું કે અમેરિકા તેમની પાસેથી $600 બિલિયનથી વધુ રકમ મેળવી રહ્યું છે.તેમણે ભારપૂર્વક જણાવ્યું કે વિશ્વભરના દેશો પર લાદવામાં આવતા ટેક્સને કારણે અમેરિકા રાષ્ટ્રીય અને આર્થિક રીતે “ઘણું મજબૂત” બની ગયું છે.
વ્હાઇટ હાઉસમાં તેમના બીજા કાર્યકાળના મહિનાઓમાં, ટ્રમ્પે 2025 થી શરૂ થતા વિશ્વભરના દેશોમાંથી આયાત પર શ્રેણીબદ્ધ ટેરિફની જાહેરાત કરી હતીતેમનું હંમેશા માનવું છે કે વિશ્વએ અમેરિકા સાથે અન્યાયી વર્તન કર્યું છે અને અન્ય દેશો અમેરિકન ઉત્પાદનો પર વધુ પડતા ટેરિફ લાદી રહ્યા છે.
યુએસ રાષ્ટ્રપતિએ વારંવાર તેમની ટેરિફ સિસ્ટમ સામેના કાનૂની પડકારની ટીકા કરી છે. તેમણે ચેતવણી આપી છે કે જો યુએસ સુપ્રીમ કોર્ટ દ્વારા ટેરિફ રદ કરવામાં આવે છે, તો તે ઇતિહાસમાં યુએસ રાષ્ટ્રીય સુરક્ષા માટે સૌથી મોટો ખતરો બનશે, આનાથી દેશ “આર્થિક રીતે અસુરક્ષિત” થઈ જશે.
■ સુપ્રીમ કોર્ટમાં ટેરિફ કેસ
ટેરિફ કેસ હાલ યુએસ સુપ્રીમ કોર્ટ દ્વારા તપાસ હેઠળ છે, ટ્રમ્પ દ્વારા લાદવામાં આવેલા ટેરિફને રાષ્ટ્રપતિએ તેમની સત્તાનો ભંગ કર્યો છે કે કેમ તે આધાર પર પડકારવામાં આવી રહ્યો છે.આ કેસની છેલ્લી સુનાવણી નવેમ્બરમાં થઈ હતી,જ્યાં અંતિમ નિર્ણય 2026 સુધી મુલતવી રાખવામાં આવ્યો હતો.
ભારત અમેરિકા તરફથી ભારે ટેરિફનો સામનો કરી રહેલા દેશોમાંનો એક છે.હાલમાં, ભારતીય નિકાસ પર 50% ટેરિફ લાદવામાં આવે છે, જેમાંથી અડધો ભાગ ભારત દ્વારા રશિયન ક્રૂડ ઓઇલની ખરીદી સાથે સંબંધિત છે. ટ્રમ્પે ભારત પર 50% ટેરિફ લાદ્યો છે, જેમાં રશિયન તેલની ખરીદી પર વધારાનો 25% ટેરિફ શામેલ છે.
તાજેતરમાં પણ ટ્રમ્પે ધમકી આપી છે કે જો તે રશિયન તેલની આયાતને નિયંત્રિત નહીં કરે તો ભારત પર વધુ ટેરિફ લાદવામાં આવશે, ટ્રમ્પે કહ્યું, “જો ભારત રશિયન તેલ સાથે વેપાર કરવાનું ચાલુ રાખે છે, તો અમે તેમના પર ખૂબ જ ઝડપથી ટેરિફ વધારી શકીએ છીએ.ઓગસ્ટમાં, યુએસ ફેડરલ અપીલ કોર્ટે આંતરરાષ્ટ્રીય વેપાર અદાલતના નિર્ણયને સમર્થન આપ્યું હતું,જેમાં જાણવા મળ્યું હતું કે ટ્રમ્પ પાસે કોંગ્રેસની સંમતિ વિના ટેરિફ લાદવાની સત્તા નથી.
■જો ટેરિફ હટાવવામાં આવે તો શું?
જો આ કરવેરા યથાવત રહેશે, તો તે રાષ્ટ્રપતિની શક્તિમાં વધારો કરશે અને ટ્રમ્પને તેમના વૈશ્વિક કાર્યસૂચિને અમલમાં મૂકવાના પ્રયાસમાં તેમના વેપાર ભાગીદારો સામે ઉપયોગ કરવા માટે મજબૂત બનશે.બ્લૂમબર્ગના મતે, જો આ કરવેરા રદ કરવામાં આવે તો વર્તમાન સરેરાશ 16.3% યુએસ ટેરિફ દર ઓછામાં ઓછો અડધો થઈ જશે અને વોશિંગ્ટનને અબજો ડોલરની રકમ પરત કરવી પડી શકે તેમ છે.
આનાથી જાપાન, દક્ષિણ કોરિયા અને યુરોપિયન યુનિયન જેવા કેટલાક મુખ્ય દેશો સાથે ટ્રમ્પના પ્રારંભિક વેપાર સોદાઓ પણ અસર થઈ શકે છે.આમ,ટ્રમ્પ ટેરીફથી અમેરિકાને મોટો ફાયદો થઈ રહ્યાનો જશ લઈ પોતાની પીઠ થપથપાવી જાતેજ શાબાશી આપી રહ્યા છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
