Uttar Pradesh: ઉત્તર પ્રદેશના હાપુરમાં, એક પતિ-પત્ની અને પ્રેમિકા વચ્ચે હાઈ વોલ્ટેજ ડ્રામા જોવા મળ્યો હતો. પતિ તેની ગર્લફ્રેન્ડ સાથે એક રેસ્ટોરન્ટમાં બેઠો હતો, જ્યારે તેની પત્ની ત્યાં પહોંચી, જેને જોઈને પતિ ત્યાંથી ભાગી ગયો પરંતુ પત્નીએ ગર્લફ્રેન્ડને પકડી લીધી. પછી એવો હંગામો થયો કે બંને મહિલાઓ હવે પોલીસ કસ્ટડીમાં છે. જેનો વીડિયો સોશિયલ મીડિયા પર ઝડપથી વાયરલ થયો છે.

હોટલમાં પતિ પત્ની અને પ્રેમિકાનો હાઈ વોલ્ટેજ ડ્રામા

આ ઘટના પિલખુવા પોલીસ સ્ટેશન વિસ્તારમાં બની હતી. જ્યાં એક પુરુષ તેની પ્રેમિકા સાથે રેસ્ટોરન્ટમાં ગયો હતો. આ દરમિયાન, તેની પત્નીએ તેમને રંગે હાથ ઝડપી લીધા ત્યારે પત્નીને જોઈને તે પુરુષ તરત જ ત્યાંથી ભાગી ગયો હતો. પરંતુ ગર્લફ્રેન્ડ ત્યાં જ રહી ગઈ. બંને મહિલાઓ વચ્ચે ઝઘડો શરૂ થયો. પત્નીએ પ્રેમિકાને થપ્પડો મારી, વાળ ખેંચ્યા અને કપડાં ખેંચીને માર માર્યો.આખા રેસ્ટોરન્ટમાં હોબાળો મચી ગયો. ત્યાં બેઠેલા લોકો તેમના પરિવાર સાથે ભાગી ગયા. પરંતુ બે મહિલાઓનો હાઇ વોલ્ટેજ ડ્રામા અટકવાનું નામ જ લેતો ન હતો.

આ હોબાળો વધતો જોઈને રેસ્ટોરન્ટના સ્ટાફે પોલીસને ફોન કર્યો. પોલીસે બંને મહિલાઓને શાંત પાડવાનો પ્રયાસ કર્યો, પરંતુ જ્યારે તેઓએ સાંભળ્યું નહીં, ત્યારે પોલીસે શાંતિ ભંગ કરવાના આરોપસર બંને મહિલાઓને કસ્ટડીમાં લીધી. મળતી માહિતી મુજબ, કાનૂની કાર્યવાહી હેઠળ બંને મહિલાઓને કોર્ટમાં રજૂ કરવામાં આવશે.

તેણીને કેવી રીતે ખબર પડી કે તેનો પતિ રેસ્ટોરન્ટમાં છે?

મળતી માહિતી મુજબ, પતિએ ભૂખ નથી એમ કહીને ઘરે જમવાની ના પાડી દીધી હતી, પરંતુ ફોન પર કોઈની સાથે વાત કરતી વખતે તેણે રેસ્ટોરન્ટમાં મળવાનો ઉલ્લેખ કર્યો હતો. પત્ની ઈ-રિક્ષા લઈને તે જ રેસ્ટોરન્ટમાં પહોંચી. જ્યારે તેણીએ તેના પતિની બાઇક રેસ્ટોરન્ટની બહાર પાર્ક કરેલી જોઈ, ત્યારે તેણી સમજી ગઈ કે તેનો પતિ અંદર છે.

આ કેસમાં પિલખુવા કોતવાલીના ઈન્ચાર્જ ઈન્સ્પેક્ટર પટનીશ યાદવ કહે છે કે પોલીસે વાયરલ વીડિયોની નોંધ લીધી છે પરંતુ હજુ સુધી કોઈ પણ પક્ષ તરફથી કોઈ ફરિયાદ મળી નથી. પિલખુવા પોલીસે વીડિયોની તપાસ શરૂ કરી છે,

સોશિયલ મીડિયામાં વીડિયો વાયરલ

આ યુવતીઓને લડતા જોઈને ભેગા થયેલા લોકોમાંથી એક વ્યકિતએ વીડિયો
રેકોર્ડ કર્યો હતો.જે હવે ઓનલાઇન પ્લેટફોર્મ્સ પર ખૂબ શેર થઈ રહ્યો છે આ વીડિયોને લોકો ખૂબ જ શેર કરી રહ્યાં છે.

આ પણ વાંચો:

Madhya Pradesh: 12 વર્ષના બાળકે ઓનલાઈન ગેમમાં રૂપિયા ગુમાવતા માતા-પિતાના ડરથી જીવન ટુંકાવ્યું

Bhavnagar: ઘરેલું ઝઘડામાં પતિએ બોથર્ડ પદાર્થના ઘા ઝીંકી પત્નીને પતાવી દીધી, બે સંતાનોએ માતાની છત્રછાયા ગુમાવી

Junagadh: મોડી રાત્રે ધારાસભ્ય ગોપાલ ઈટાલિયાએ કેમ પોલીસ સ્ટેશન માથે લીધું? કોને બચાવે છે પોલીસ?

Ahmedabad: શહેરમાં મહિલાઓની સુરક્ષાને લઈને શરમજનક બોર્ડ લગાવવા મામલે પોલીસે હાથ ખંખેર્યા, જાણો શું કહ્યું?

Surendranagar: મૂકબધિર પિતાએ સગી દીકરીને જ હવસનો શિકાર બનાવી, સગીરા ગર્ભવતી થતા ફૂંટ્યો ભાંડો