Vadodara: રાજ્યભરમાં કોંગ્રેસ અને ભાજપ સહિતના રાજકીય પક્ષો વચ્ચે દિવસભર ફોર્મ ખેંચવા મામલે તંગદિલી ભર્યો માહોલ રહ્યો અને શામ-દામ-દંડની રીતિનીતિ વચ્ચે આખો દિવસ માહોલ ગરમ રહ્યો ત્યારે વડોદરાના ડભોઈમાં ૧૫ એપ્રિલ ૨૦૨૬ના રોજ સ્થાનિક સ્વરાજની ચૂંટણીના ફોર્મ પરત ખેંચવાના છેલ્લા દિવસે ભાજપ અને કોંગ્રેસના કાર્યકરો વચ્ચે ઉગ્ર બોલાચાલી-ગાળાગાળી અને મારામારી થઈ હતી.ડભોઈ તાલુકા પંચાયતની બાણજ બેઠક પર કોંગ્રેસના ઉમેદવાર અરવિંદ પાટણવાડિયાએ છેલ્લી ઘડીએ ફોર્મ પરત ખેંચતા વિવાદ વકર્યો હતો. કોંગ્રેસે આક્ષેપ કર્યો હતો કે ઉમેદવાર પર ફોર્મ પરત ખેંચવા માટે ભાજપ દ્વારા દબાણ કરવામાં આવ્યું હતું.
ડભોઈ તાલુકા પંચાયત કચેરી ખાતે બન્ને પક્ષના કાર્યકરો વચ્ચે અથડામણ સર્જાઈ હતી. દરમિયાન,ભાજપના ધારાસભ્ય શૈલેષ સોટ્ટા અને કોંગ્રેસના આગેવાનો વચ્ચે સીધી ઝપાઝપી થઈ હોવાના અહેવાલો છે.ડભોઈ તાલુકા પંચાયતની કચેરી નજીક આજે ભારે ગરમ જેવો માહોલ સર્જાયો હતો. ફોર્મ ખેંચવાની પ્રક્રિયા દરમિયાન કોંગ્રેસ તાલુકા પ્રમુખ સુધીર બારોટ અને ભાજપના ધારાસભ્ય શૈલેષ મહેતા વચ્ચે બોલાચાલી બાદ ઝપાઝપીના દ્રશ્યો સામે આવ્યા હતા.સ્થિતિને નિયંત્રણમાં લેવા માટે પોલીસના ઉચ્ચ અધિકારીઓ ઘટનાસ્થળે પહોંચ્યા હતા અને મામલો થાળે પાડ્યો હતો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
