Mehsana: ગુજરાતમાં લાંચિયા અધિકારીઓ બેફામ બન્યા છે. અરજદારોના કામ અટકાવી ગમે તે રીત રુપિયા ખંખેરી રહ્યા છે. ત્યારે મહેસાણામાં એક નાયબ મામલતદાર અને કમ્પ્યૂટર ઓપરેટર લાંચ લેતાં રંગે હાથ ઝડપાઈ જતાં ખળભળાટ મચી ગયો છે. ACB પોલીસે છટકું ગોઠવી બંંને કર્મચારીઓ વિરુધ્ધ કડકમાં કડક કાર્યવાહી હાથ ધરી છે.
મહેસાણાની કડીમાં મહેસૂલ વિભાગની કચેરીમાં ફરજ બજાવતા નાયબ મામલતદાર વિપુલ મનુભાઈ પ્રજાપતિ અને કરાર આધારિત નોકરી કરતો કોમ્પ્યુટર ઓપરેટર પ્રિન્સ મનોજકુમાર ભાવસાર ACBનાં છટકામાં ફસાઈ ગયા છે. આ બંને કર્મીઓએ અરજદાર પાસે મામલતદાર કચેરીમાં નવી-જૂની શરતોમાં ફેરફાર કરવા લાંચની માંગી હતી. અરજદારના કાગળો પર જમીનની કાચી નોંધ પડી ગઈ હતી. જો કે તેની પાકીનો પાડવા લાંચ માગી હતી. જેથી અરજદારે ACBને જાણ કરી દીધી હતી.
જે બાદ ACBએ છટકું ગોઠવી નાયબ મામલતદાર વિપુલ પ્રજાપતિ (ઉ.વ.40)એ રૂ.20,000ની લાંચ સ્વીકારતાં રંગે હાથ ઝડપી લીધો હતો. બીજી બાજુ મામલતદાર કચેરીમાં જ કોમ્પ્યુટર ઓપરેટર પ્રિન્સ ભાવસાર (ઉ.વ.26)ને રૂ. 10000ની લાંચ સ્વીકારતાની સાથે જ ACBના અધિકારીઓ આવી પહોંચ્યા હતા અને બંનેને રંગે હાથ ઝડપી વધુ કાર્યાહી હાથ ધરી છે.
આવા અધિકારીઓ લોકો માટે અભિશાપ સમાન છે. કારણ કે આજે લોકોને રોજગારી મળતી નથી. ગામડાંઓમાં ખેડૂતોને ભાવ મળતાં નથી. જમીનોમાં જરુરિયાત પ્રમાણે પાકતું નથી. લોકો વલખાં મારી જીવન ગુજારો કરે છે. એવામાં આવા લાંચિયા અધિકારીઓ ગરીબોને તોડી ખાય છે. આવા અધિકારીઓ સમાજ માટે એક ખોટું દૂષણ છે. સરકારે આવા અધિકારીઓની તાત્કાલિક છટણી કરવી જોઈએ.
આ પણ વાંચોઃ
Waqf પર સુનાવણી: સરકારને 7 દિવસમાં કોર્ટમાં જવાબ આપવો પડશે, વાંચો હવે શું થશે?
Sabarkantha: વડાલી સામૂહિક આપઘાત કેસમાં આરોપી ઝડપાયો, જાણો આપઘાત પાછળનું કારણ!
Radhanpur accident: રુંવાડા ઉભો કરી દેતો અકસ્માત, 6નાં મોત, બસની ટક્કરે રિક્ષાનો ભૂક્કો
Surendranagar: સોનગઢમાંથી 2800 મેટ્રિક ટન કોલસો ઝડપાયો, 2 કરોડથી વધુનો મુદ્દામાલ જપ્ત
