Hyderabad Fire incident: ચારમીનાર નજીક ભીષણ આગ, 17 લોકોના મોત

Hyderabad Fire incident: તેલંગાણાની રાજધાની હૈદરાબાદથી મોટા સમાચાર સામે આવી રહ્યા છે. અહીંના પ્રખ્યાત ચારમીનાર પાસેના એક ઘરમાં ભીષણ આગ લાગ લાગવાની ઘટના બની છે. આ આગ ગુલઝાર હાઉસની એક ઇમારતમાં લાગી છે. આ ઘટના રવિવારે સવારે 6 વાગ્યે બની હોવાનું કહેવાય છે. હાલ આગને કાબુમાં લેવા માટે 11 ફાયર બ્રિગેડ વાહનો સ્થળ પર તૈનાત કરવામાં આવ્યા છે. આ અકસ્માતમાં 17 લોકોના મોત પણ થયા છે. આ મામલે ફાયર અધિકારીઓનું કહેવું છે કે આગ લાગવાનું કારણ હજુ સુધી જાણી શકાયું નથી.

સીએમ રેડ્ડીએ દુઃખ વ્યક્ત કર્યું

તેલંગાણાના મુખ્યમંત્રી રેવંત રેડ્ડીએ આ ઘટના પર દુઃખ વ્યક્ત કર્યું છે. આ ઉપરાંત, તેમણે વરિષ્ઠ અધિકારીઓને ઇમારતમાં ફસાયેલા લોકોને બચાવવા માટે તમામ જરૂરી પગલાં લેવા નિર્દેશ આપ્યો છે. તેમણે ટ્વિટર પર એક પોસ્ટમાં લખ્યું, “જૂના શહેરના ચારમીનાર ભીષણ આગ લાગી હોવાના અહેવાલ છે. આ અકસ્માતમાં ઘણા લોકોના મોત થયા છે. આ અકસ્માતથી મને ખૂબ જ દુઃખ થયું છે. મેં અધિકારીઓને બચાવ કાર્ય ઝડપી બનાવવા અને ઘાયલોને વધુ સારી તબીબી સુવિધાઓ પૂરી પાડવા સૂચના આપી છે.”

#WATCH | Hyderabad, Telangana | Union Minister and state BJP chief G Kishan Reddy and Telangana Minister Ponnam Prabhakar reach Gulzar House near Charminar, where a massive fire broke out in a building earlier today. Charminar MLA Mir Zulfeqar Ali also present at the spot. pic.twitter.com/GLMSmqazEN
— ANI (@ANI) May 18, 2025

બધા મૃતકોની યાદી જાહેર

તેલંગાણા ફાયર ડિઝાસ્ટર રિસ્પોન્સ ઇમરજન્સી અને સિવિલ ડિફેન્સે 17 લોકોના મોતની પુષ્ટિ કરી છે. તમામ મૃતકોના નામની યાદી પણ જાહેર કરવામાં આવી છે.

Deeply anguished by the loss of lives due to a fire tragedy in Hyderabad, Telangana. Condolences to those who have lost their loved ones. May the injured recover soon.
An ex-gratia of Rs. 2 lakh from PMNRF would be given to the next of kin of each deceased. The injured would be…
— PMO India (@PMOIndia) May 18, 2025

પીએમઓએ વળતરની જાહેરાત કરી

પીએમ મોદીએ પણ આ અકસ્માત પર દુઃખ વ્યક્ત કર્યું છે. પ્રધાનમંત્રી કાર્યાલય દ્વારા જારી કરાયેલા નિવેદન અનુસાર, અકસ્માતમાં માર્યા ગયેલા લોકોના પરિવારજનો માટે 2 લાખ રૂપિયાના વળતરની જાહેરાત કરવામાં આવી છે, જ્યારે ઘાયલો માટે 50 હજાર રૂપિયાની રકમની જાહેરાત કરવામાં આવી છે. પીએમ મોદીએ લખ્યું છે કે,”તેલંગાણાના હૈદરાબાદમાં આગની ઘટનામાં થયેલા જાનહાનિથી ખૂબ દુઃખ થયું. જેમણે પોતાના પ્રિયજનો ગુમાવ્યા છે તેમના પ્રત્યે સંવેદના. ઘાયલોના ઝડપથી સ્વસ્થ થવાની કામના. દરેક મૃતકના પરિવારને પીએમ રાષ્ટ્રીય રાહત ભંડોળમાંથી 2 લાખ રૂપિયાની સહાય આપવામાં આવશે. ઘાયલોને 50,000 રૂપિયા આપવામાં આવશે,”

#WATCH | Hyderabad | Telangana DGP Dr Jitender reaches the Gulzar House near Charminar, to inspect the massive fire that broke out in a building earlier today. pic.twitter.com/EUYk2tJxoB
— ANI (@ANI) May 18, 2025

જી કિશન રેડ્ડી ઘટનાસ્થળે પહોંચ્યા

ફાયર વિભાગના એક અધિકારીએ જણાવ્યું હતું કે સવારે લગભગ 6.30 વાગ્યે આગ લાગવાની માહિતી મળી હતી, ત્યારબાદ ફાયર ફાઇટર ઘટનાસ્થળે પહોંચી ગયા હતા. તેમણે કહ્યું કે ઘણા લોકો બેભાન હાલતમાં મળી આવ્યા હતા અને તેમને હોસ્પિટલોમાં દાખલ કરવામાં આવ્યા હતા. દરમિયાન કેન્દ્રીય મંત્રી જી કિશન રેડ્ડી પણ ઘટનાસ્થળની મુલાકાતે ગયા છે. તેમણે કહ્યું, “પોલીસે માહિતી આપી છે કે આગની ઘટનામાં ઘણા લોકોના મોત થયા છે, પરંતુ આ વાતની પુષ્ટિ ફક્ત સંબંધિત અધિકારીઓ દ્વારા જ કરવામાં આવશે.” તેમણે કહ્યું કે મૃતકોમાં કેટલાક બાળકોનો પણ સમાવેશ થાય છે.