Surendranagar: સુરેન્દ્રનગરમાંથી પોલીસની દાદાગીરી અને ગુંડાગીરીનો વીડિયો વાઈરલ થયો છે. જેમાં પોલીસકર્મીઓ દર્દીના સગાને ઉપરાછાપરી મારતાં જોવા મળી રહ્યા છે. તે પણ મૃતદેહ નજીક જ.

સુરેન્દ્રનગર જિલ્લાના પાટડીમાં આ દુઃખદ ઘટના બની છે.જેમાં સરકારી હોસ્પિટલમાં એક દર્દીનું હાર્ટ એટેકથી મોત નીપજ્યું હતુ. જેથી ઘટનાનને લઈ પિતાના મોત બાદ દવાખાનામાં હોબાળો મચાવ્યો હતો. અને ડોક્ટર ક્યા છે તેવી બૂમો લગાવી હતી. જેથી આખી હોસ્પિટલમાં   અફરાતફરીનો માહોલ સર્જ્યો હતો.

મૃતકના સગાઓએ ડોક્ટરની ગેરહાજરી અને યોગ્ય સારવારના અભાવે મોત થયું હોવાનો આક્ષેપ કરી, ડોક્ટરને હાજર કરવાની માંગ સાથે પોલીસને રજૂઆત કરી. જોકે, આ દરમિયાન પોલીસ અને મૃતકના સગાઓ વચ્ચે ઘર્ષણ થયું હતુ, અને સોશિયલ મીડિયા પર એક વીડિયો વાયરલ થયો, જેમાં પોલીસકર્મીઓ મૃતકના સગાને થપ્પડ અને લાતો મારતા જોવા મળી રહ્યા છે.