લોકસભાના વિપક્ષના નેતા રાહુલ ગાંધી( Rahul Gandhi )એ આજે શુક્રવારે બોલ્યા કે વડા પ્રધાન નરેન્દ્ર મોદીને ઘણી વખત મળ્યા છે, તેમના કંઈ જ દમ નથી. તેમણે આ પ્રહારો કોંગ્રેસના ‘ઓબીસી પાર્ટીસિપેશન જસ્ટિસ કોન્ફરન્સ’માં આ કર્યા. જ્યારે રાહુલ ગાંધીએ પૂછ્યું કે દેશની સૌથી મોટી સમસ્યા શું છે, ત્યારે કોઈએ વડા પ્રધાનનું નામ લીધું. આના પર રાહુલ ગાંધીએ કહ્યું, “નરેન્દ્ર મોદી કોઈ મોટી સમસ્યા નથી. મીડિયાના લોકોએ તેમને માથે ચઢાવ્યા. હું તેમને મળ્યો છું, તેમની સાથે એક રૂમમાં બેઠો છું. તે ફક્ત એક શોબાજી છે, કોઈ દમ નથી.”
View this post on Instagram
રાહુલ ગાંધીએ કોન્ફરન્સ દરમિયાન એમ પણ કહ્યું હતું કે તેમની પાર્ટી સત્તામાં હતી ત્યારે જાતિ વસ્તી ગણતરી ન કરી એ તેમની ભૂલ હતી પરંતુ હવે તેમણે આ ભૂલ સુધારવા માટે પગલાં લીધાં છે. તેમણે એમ પણ કહ્યું કે જાતિ વસ્તી ગણતરીનો મુદ્દો એક ‘રાજકીય ભૂકંપ’ છે જેણે દેશની રાજકીય જમીનને હચમચાવી નાખી છે.
રાહુલ ગાંધીએ પોતાની ભૂલો સ્વીકારી
मैंने ठान लिया है कि देश की उत्पादक शक्ति को सम्मान और हिस्सेदारी दिलाकर रहूंगा। जो काम OBC वर्ग के लिए अबतक नहीं कर पाया, उसे दोगुनी स्पीड से करूंगा। pic.twitter.com/qoNlG2k5As
— Rahul Gandhi (@RahulGandhi) July 25, 2025
‘ઓબીસી ભાગીદારી ન્યાય સંમેલન’ ને સંબોધતા રાહુલે કહ્યું, “હું 2004 થી રાજકારણમાં છું. જ્યારે હું મારું મૂલ્યાંકન કરું છું, ત્યારે મને લાગે છે કે મેં ક્યાંક સારું કામ કર્યું છે અને ક્યાંક ખામીઓ રહી છે. આદિવાસી, દલિતો અને લઘુમતીઓની વાત આવે ત્યારે મને સારા ગુણ મળવા જોઈએ. મહિલાઓના મુદ્દા પર મને સારા ગુણ મળવા જોઈએ, પરંતુ જ્યારે હું પાછળ ફરીને જોઉં છું, ત્યારે એક વાત સ્પષ્ટ થાય છે કે એક વસ્તુનો અભાવ હતો. આ એક ભૂલ છે જે મેં કરી છે, એટલે કે, મેં ઓબીસી વર્ગના હિતોનું રક્ષણ તે રીતે કર્યું નથી જે રીતે તે હોવું જોઈએ. તેનું કારણ એ છે કે હું તે સમયે તમારા મુદ્દાઓને ઊંડાણપૂર્વક સમજી શક્યો ન હતો.”
રાહુલ ગાંધીએ કહ્યું, “દલિતોની મુશ્કેલીઓ સમજવી સરળ છે, આદિવાસીઓના મુદ્દાઓ પણ સરળતાથી સમજી શકાય છે પરંતુ OBC ની મુશ્કેલીઓ કે મુદ્દાઓ સરળતાથી દેખાતા નથી. મને દુઃખ છે કે જો મને તમારા ઇતિહાસ અને મુદ્દાઓ વિશે વધુ ખબર હોત, તો મેં તે સમયે (જ્યારે કોંગ્રેસ સત્તામાં હતી) જાતિ વસ્તી ગણતરી કરાવી હોત. તે સમય વીતી ગયો છે પણ તે મારી ભૂલ છે. આ કોંગ્રેસની ભૂલ નથી, તે મારી ભૂલ છે.”
જાતિગત વસ્તી ગણતરી માટે રાહુલ અડગ
જાતિગત વસ્તી ગણતરીના મુદ્દાનો ઉલ્લેખ કરતા રાહુલ ગાંધીએ કહ્યું, “આ એક રાજકીય ભૂકંપ છે જેણે ભારતના રાજકીય મેદાનને હચમચાવી નાખ્યું છે. તમને તેનો આંચકો લાગ્યો નથી પણ કામ થઈ ગયું છે. તમે મારી બહેન (પ્રિયંકા ગાંધી) ને પૂછો કે જ્યારે હું કોઈ બાબત વિશે મારું મન મનાવી લઉં છું ત્યારે હું તેમાંથી પીછેહઠ કરતો નથી. હું જાતિગત વસ્તી ગણતરીમાંથી પીછેહઠ કરવાનો નથી.
આ પણ વાંચો:
મહેસાણા-પાટણના ખેડૂતોની જમીન પર 40 વર્ષથી ONGC નો કબજો, ઓછું વળતર આપી ખેડૂતોનું શોષણ, જુવો વીડિયો
Modi UK visit: અનુવાદકે અંગ્રેજીનું હિન્દીમાં ભાષાંતર કરવામાં ખાધા ગોથા, તો મોદી કેમ હસ્યા?
