Surat News: સુરત જિલ્લાના મહુવા તાલુકાના ગ્રામ્ય વિસ્તારોમાં 765 KV પાવર ગ્રીડની હાઈટેન્શન વીજ લાઈન નાખવા સામે ખેડૂતોએ વિરોધ કરતા મામલો ગરમાયો છે,પાવર ગ્રીડની હાઈટેન્શન વીજ લાઈન પોતાના ખેતરોમાં નાખવા મુદ્દે ખેડૂતો અને પોલીસ વચ્ચે ઘર્ષણ થયુ હતું,ખેડૂતોએ ‘જમીન નહીં આપીએ’ તેવી ચીમકી સાથે આંદોલન તેજ કર્યું છે.
ખેડૂતોનું કહેવું છે કે તેમની કિંમતી જમીનમાંથી 765 KV ની હાઈટેન્શન લાઈન પસાર થઈ રહી છે, જેના બદલામાં તેમને યોગ્ય વળતર મળી રહ્યું નથી. મહુવાના સણવલ્લામાં કામગીરી અટકાવવા જતા ખેડૂતો અને પોલીસ વચ્ચે ઘર્ષણ થયું હતું, અને પોલીસે ખેડૂતોની અટકાયત કરવાની કાર્યવાહી પણ કરતા મામલો ગરમાયો છે.
ઉલ્લેખનીય છે કે સુરતના ઓલપાડ, કામરેજ, ચોર્યાસી, માંગરોળ, બારડોલી, પલસાણા, મહુવા અને માંડવી સહિતના 8 તાલુકાઓમાં આવેલી ખેતીલાયક જમીનોમાંથી આ વીજ લાઈન પસાર થઈ રહી છે ત્યારે ખેડૂતો જંત્રીના ચાર ગણા ભાવે વળતર ચૂકવવાની અને પ્રોજેક્ટની માહિતી પારદર્શક રાખવાની માગ સાથે વિરોધ કરી રહયા છે પરિણામે આ વિસ્તારમાં મામલો ભારે ગરમાયો છે ત્યારે આવા સમયે ત્યાંની વાસ્તવિક સ્થિતિ જાણવા સિનિયર પત્રકાર દિલીપભાઈ પટેલે સ્થાનિક પત્રકાર ઉમેશ ભાઈ રોહિત અને ત્યાંના ખેડૂત અગ્રણી પરિમલ ભાઈ પટેલ સાથે સીધી વાત કરી હતી જેમાં તેઓએ વાસ્તવિક ચિતાર રજૂ કર્યો હતો,ખેડૂતોનો મુખ્ય આરોપ છે કે, તેઓની ફળદ્રુપ જમીનમાંથી પાવર ગ્રીડની લાઈન પસાર કરવામાં આવી રહી છે,પણ તેના યોગ્ય વળતર મામલે તંત્ર દ્વારા હજુ સુધી કોઈ સ્પષ્ટતા કરવામાં આવી નથી.
કચ્છ થી લઈ ઉત્તર ગુજરાત અને દક્ષિણ ગુજરાતમાં ખેડૂતો પોતાના ખેતરમાં બળજબરીથી લાઈનો નાખવાની પેરવી કરતી કંપનીઓ સામે લડી રહયા છે ત્યારે સુરત ગ્રામ્યમાં પણ વળતરની પ્રક્રિયા પૂર્ણ થયા વિના જ કર્મચારીઓ વીજ લાઈન નાખવા પહોંચતા ખેડૂતો ઉશ્કેરાયા હતા અને મહુવા તાલુકાના સણવલ્લા ગામમાં પોલીસ અને ખેડૂતો વચ્ચે ઘર્ષણ થયું હતું ત્યારે ત્યાં હાલ શુ સ્થિતિ છે તે અંગે જાણવા આ વીડિયો જોવાનું ચૂકશો નહિ પ્રસ્તુત છે વિડીયો.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
