AI IMPACT: દિલ્હીના ભારત મંડપમમાં ચાલી રહેલા ‘ઇન્ડિયા AI ઇમ્પેક્ટ સમિટ 2026’ તેના પ્રથમ દિવસે જ વિવાદમાં આવી ગયો છે અને મોદી સાહેબની અચાનક મુલાકાત ગોઠવાતા સર્જાયેલી અવ્યવસ્થાને લઈ ભારે અફરા તફરી મચ્યા બાદ કેન્દ્ર સરકારે માફી માંગી છે.આ અંગે કેન્દ્રીય IT મંત્રી અશ્વિની વૈષ્ણવે 17 ફેબ્રુઆરીએ જણાવ્યું કે સમિટના પ્રથમ દિવસે અપેક્ષા કરતાં વધુ ભીડ થઈ જતા સર્જાયેલી અવ્યવસ્થા માટે માફી માંગીએ છીએ.
અહીં હજારોની સંખ્યામાં સ્ટાર્ટઅપ ફાઉન્ડર્સ, ટેક એક્સપર્ટ્સ અને વિદેશી પ્રતિનિધિઓ આવતા એન્ટ્રી પોઈન્ટ્સ પર લાંબી લાઈનો લાગી ગઈ અને ગ્લોબલ ટેક કંપનીઓના પ્રતિનિધિઓ અને ડેલીગેટ્સને કલાકો સુધી રાહ જોવી પડી હતી.વડાપ્રધાન મોદીના આગમન પહેલાં સુરક્ષા તપાસના નામે કેટલાકને પોતાનાજ સ્ટોલમાંથી બહાર કાઢી મૂકવામાં આવ્યા હોવાની ફરિયાદો ઉઠી હતી.
સ્ટાર્ટઅપ ‘નિયો સેપિયન’ના CEO ધનંજય યાદવે સોશ્યલ મીડિયા ઉપર ટ્વીટ કરી આક્ષેપ કર્યો કે સુરક્ષા તપાસ માટે જ્યારે તેમને સ્ટોલમાંથી બહાર મોકલવામાં આવ્યા ત્યારે તેમના કિંમતી AI વિયરેબલ્સ ગાયબ થઈ ગયા હતા.સમિટમાં થયેલી અવ્યવસ્થા પર કોંગ્રેસે સોશ્યલ મીડિયા ઉપર પોસ્ટ કરી કે મોદીની ‘રીલ’ના ચક્કરમાં દેશની છબી બરબાદ થઈ રહી છે.દિલ્હીમાં AI સમિટ થઈ રહી છે, સમિટમાં મિસ-મેનેજમેન્ટથી સ્થાપકો અને પ્રદર્શકો ખૂબ જ પરેશાન થઈ ગયા છે.
PM મોદીના આગમન માટે મેઈન હોલ ખાલી કરાવી દેવામાં આવ્યો અને પ્રદર્શકોને તેમના જ પેઈડ સ્ટોલમાંથી કાઢી મૂકવામાં આવ્યા હતા.આમ,આ મુદ્દો ભારે ચર્ચામાં આવ્યો છે અને આ મુદ્દે સિનિયર પત્રકારો મયુર જાની અને મેહુલ વ્યાસે વિસ્તૃત ચર્ચા કરી હતી જે અત્રે પ્રસ્તુત છે જુઓ વિડીયો
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
