Iran War: ઈરાન અને ઈઝરાયલ વચ્ચે ચાલી રહેલા યુદ્ધ દરમિયાન અમેરિકા અને ઈઝરાયલ વચ્ચે પહેલીવાર ગંભીર મતભેદો સામે આવ્યા છે,શનિવારે ઈઝરાયલે એક જ દિવસમાં 30 ઈરાની ઈંધણ ડેપો પર શ્રેણીબદ્ધ હુમલાઓ કર્યા. આ ભયાનક હુમલાઓએ વોશિંગ્ટનને ચોંકાવી દીધું છે અને ચિંતામાં મૂકી દીધું છે. એક અમેરિકન અધિકારીએ કહ્યું કે તેઓ આશ્ચર્યચકિત છે કે આ હુમલાઓ આટલા વ્યાપક હશે. અમેરિકાએ તેને “ભૂલ” ગણાવી છે.
એક્સિઓસના એક અહેવાલ મુજબ ઇઝરાયેલી સૈન્યએ ઇંધણ ડેપો પર હુમલો કરતા પહેલા અમેરિકાને જાણ કરી હતી પરંતુ હુમલાઓનો વિસ્તાર અપેક્ષા કરતા ઘણો મોટો હોવાનું બહાર આવ્યુ છે,એક યુએસ અધિકારીએ જણાવ્યું હતું કે તેઓ હુમલાના પાયે આશ્ચર્યચકિત થયા છે અને આ હુમલાને “ખોટો નિર્ણય” ગણાવ્યો છે,એક ઇઝરાયેલી અધિકારીના જણાવ્યા અનુસાર, વોશિંગ્ટનનો સંદેશ કઠોર હતો, તેને “WTF” તરીકે વર્ણવ્યો હતો.
યુએસ પ્રમુખ ડોનાલ્ડ ટ્રમ્પના એક સલાહકારે કહ્યું, “રાષ્ટ્રપતિને આ હુમલો પસંદ પડ્યો ન હતો,તેઓ તેલ બચાવવા માંગે છે, તેને બાળવા માંગતા નથી,આવા દ્રશ્યો લોકોને વધતી મોંઘવારી અને ગેસોલિનના ભાવની યાદ અપાવે છે.” ઈઝરાયલી સંરક્ષણ દળ (IDF) એ પોતાના વલણનો બચાવ કરતા કહ્યું કે ડેપોનો ઉપયોગ ઇરાની લશ્કરી એકમોને બળતણ પૂરું પાડવા માટે કરવામાં આવતો હતો,ઇઝરાયલે કહ્યું કે આ હુમલો ઇઝરાયલી નાગરિક માળખાને નિશાન બનાવવાનું બંધ કરવા માટેની કમ્મર તોડવાનો ભાગ હતો.
ઇઝરાયલી હવાઈ હુમલા બાદ તેલ ડેપોમાં ભીષણ આગ ફાટી નીકળ્યા પછી ધુમાડો વાદળો સાથે ભળી જતાં તેહરાનમાં “કાળો વરસાદ” પડ્યો હતો, રાજધાનીમાં આરોગ્ય અને પર્યાવરણીય સંકટ સર્જાયુ હતુ જેથી લોકોમાં આક્રોશ જોવા મળ્યો હતો, અમેરિકાને ડર છે કે જાહેર માળખાગત સુવિધાઓનો નાશ કરવાથી ઈરાની જનતા સરકારનો વિરોધ કરવાને બદલે તેને ટેકો આપવા માટે પ્રેરિત થશે,ઈરાનના ડેપો સળગાવવાના વીડિયો વૈશ્વિક બજારને ડરાવી શકે છે અને આવા હુમલાઓ તેલ બજારમાં ગભરાટ પેદા કરી શકે છે જેની અસરો શેર માર્કેટ થી લઈ ક્રૂડના ભાવો ઉપર જોવા મળી રહી છે, નિષ્ણાતોએ ચેતવણી આપી છે કે જો ઈરાન બદલામાં ગલ્ફ તેલ સ્થાપનોને નિશાન બનાવશે, તો કિંમતો પ્રતિ બેરલ $200 સુધી પહોંચી શકે છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
