Trump: ઈરાન ઉપર ઈઝરાયેલ અને અમેરિકા દ્વારા થયેલા હુમલા બાદ ઈરાનના તેલ ડેપો ઉપર ઈઝરાયેલના હુમલા અને ઈરાન દ્વારા વિશ્વના મુખ્ય જળમાર્ગ હોર્મુઝને બંધ કરી દેવાતા તેલ લઈને આવતા જહાજો રસ્તામાં અટવાઈ જતા તેલની શોર્ટજ ઉભી થતાં તેની વિશ્વભરમાં અસર દેખાઈ રહી છે અને ક્રૂડ ઓઈલના ભાવો આસમાને પહોંચી જતા શેર માર્કેટ પણ ક્રેશ થઈ ગયું પણ આ બધા વચ્ચે અમેરિકાના રાષ્ટ્રપતિ ટ્રમ્પના ઈરાન યુદ્ધ ખૂબ જ જલદી સમાપ્ત થઈ જવાના આવેલા નિવેદન બાદ તેલની કિંમતોમાં ઘટાડો જોવા મળ્યો હતો.ટ્રમ્પના આ નિવેદનની ગ્લોબલ માર્કેટ પર સકારાત્મક અસર પડી અને આજે મંગળવારે સવારે એશિયામાં કારોબાર શરૂ થતાં જ તેલની કિંમતોમાં ઘટાડો જોવા મળ્યો હતો.
આંતરરાષ્ટ્રીય બજારમાં ક્રૂડ ઓઇલની કિંમત લગભગ 8.5% ઘટીને 92.50 ડોલર પ્રતિ બેરલ થઈ ગઈ. જ્યારે અમેરિકામાં ટ્રેડ થતું તેલ પણ લગભગ 9% ઘટીને 88.60 ડોલર પ્રતિ બેરલ પર આવી ગયું.જોકે ઘટાડા પછી પણ તેલના ભાવ યુદ્ધ શરૂ થતાં પહેલાંની સરખામણીમાં લગભગ 30% વધારે છે.
તેલ સસ્તું થવાથી એશિયાના શેરબજારોને પણ ફાયદો થયો. જાપાનનો Nikkei 225 ઇન્ડેક્સ લગભગ 2.8% વધ્યો, જ્યારે દક્ષિણ કોરિયાના Kospi માં 5% થી વધુનો ઉછાળો જોવા મળ્યો.ખરેખર, એશિયાના ઘણા દેશો ખાડી દેશો પાસેથી મોટા પ્રમાણમાં તેલ ખરીદે છે. તેથી જ્યારે તેલ મોંઘું થાય છે ત્યારે આ દેશોની અર્થવ્યવસ્થા અને શેરબજાર પર દબાણ વધે છે. હવે કિંમતો ઘટવાથી બજારને થોડી રાહત મળી છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
