Election
■The Gujarat Report ના તંત્રી-માલિક મયુર જાની સાથે અર્થશાસ્ત્રી પરકલા પ્રભાકરે આપેલા EXCLUSIVE ઇન્ટરવ્યૂમાં ચોંકાવનારા ખુલાસા જોવા નીચે આપેલો વિડીયો જરૂર જુઓ.
દેશમાં ચૂંટણી દરમિયાન ભાજપ ઉપર EVMમાં ગરબડીના આરોપ અવારનવાર લાગી રહયા છે પણ આંધ્રમાં જે રીતે આખો મામલો સામે આવ્યો તેમાં ચૂંટણીપંચની વિશ્વનિયતા ઉપર સવાલો ઉઠ્યા હતા.The Gujarat Reportના MD અને સિનિયર પત્રકાર મયુર જાનીએ આ અંગે જાણીતા અર્થશાસ્ત્રી પરકલા પ્રભાકર સાથે વાત કરી તેઓ દ્વારા ઉઠાવવામાં આવેલા EVM ગરબડી મામલે વધુ વિગતો જાણવાનો પ્રયાસ કરાયો હતો જેમાં તેઓએ વિસ્તુત ચોંકાવનારી જાણકારી આપી હતી તેઓએ 2024 ની આંધ્રપ્રદેશ વિધાનસભા ચૂંટણીમાં મતદાન ડેટા અને EVM (Electronic Voting Machines) ની કામગીરી ઉપર ગંભીર પ્રશ્નો ઉઠાવ્યા હતા અને તેમણે તે વખતની ચૂંટણીઓને રહસ્યમય (Mystery in Plain Sight) ગણાવી હતી.પ્રભાકરે ચોંકાવનારો દાવો કર્યો હતો કે કુલ મતદાનના આશરે 4.16% (આશરે 1.7 મિલિયન મત) રાત્રે 11:45 થી 2:00 વાગ્યાની વચ્ચે મતદાન થયું હતું. તેમના મતે, લગભગ 3,500 બૂથ પર મતદાન સવારે 2 વાગ્યા સુધી ચાલુ રહ્યું.
■ EVM ની ગતિ અંગે પ્રશ્નો ઉઠાવ્યા
તેમણે ટેકનિકલ પ્રશ્નો ઉઠાવતા કહ્યું કે EVM ને સામાન્ય રીતે રીસેટ થવામાં 14 સેકન્ડ લાગે છે, પરંતુ ડેટા અનુસાર, ઘણી જગ્યાએ મધ્યરાત્રિ પછી, દર 6 થી 20 સેકન્ડે મતદાન થઈ રહ્યું હતું. તેમણે પૂછ્યું કે શું મતદાર માટે આટલા ઓછા સમયમાં બૂથમાં પ્રવેશ કરવો, મતદાન કરવું અને બહાર નીકળવું શક્ય છે ખરું?
તેમણે ચૂંટણી પંચ દ્વારા જાહેર કરાયેલા ડેટામાં વિસંગતતાઓનો આરોપ લગાવ્યો. તેમના મતે, 13 મે, 2024 ના રોજ રાત્રે 8:00 વાગ્યા સુધીમાં સત્તાવાર મતદાન 68.12% નોંધાયું હતું, જે અચાનક રાત્રે 11:45 વાગ્યા સુધીમાં વધીને 76.50% થયું અને સવાર સુધીમાં કુલ 81.79% થઈ ગયું.પ્રભાકરે આરોપ લગાવ્યો કે રાત્રે 8:00 વાગ્યાથી સવારે 2:00 વાગ્યા સુધી કુલ 5.2 મિલિયન મતદાન થયું, જેને તેમણે “અત્યંત અસામાન્ય” ગણાવ્યું.
તેમની સાથે વરિષ્ઠ વકીલ પ્રશાંત ભૂષણ અને ભૂતપૂર્વ મુખ્ય ચૂંટણી કમિશનર એસ.વાય. કુરેશી પણ હતા, જેમણે તેમના આરોપો દરમિયાન ચૂંટણી ડેટામાં પારદર્શિતાના અભાવ અને ફોર્મ 17C ડેટા જાહેર કરવાની જરૂરિયાત પર ભાર મૂક્યો હતો.આ મુદ્દા ઉપર The Gujarat Report ના તંત્રી-માલિક એવા મયુર જાની સાથેના ઇન્ટરવ્યૂમાં પરકલા પ્રભાકરે જે વાત કરી તેં જરૂર જુઓ,પ્રસ્તુત છે વિડીયો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
