Washington DC: ઈરાન-અમેરિકા વચ્ચે પાકિસ્તાનમાં યોજાયેલી શાંતિ વાર્તા નિષ્ફળ ગયા બાદ બીજા રાઉન્ડની વાતચીત ચાલુ છે આ બધા વચ્ચે ઈરાનની જે શરત હતી તે ઈઝરાયેલે લેબનાન ઉપર હુમલા બંધ કરવા પડશે અને તેના ભાગરૂપે હવે તે દિશામાં પણ પ્રયાસો શરૂ થયા અને અમેરિકામાં આજે ઈઝરાયલ અને લેબનાન વચ્ચે સીઝફાયર (યુદ્ધવિરામ) પર વોશિંગ્ટન ડીસીમાં એક બેઠક મળવા જઈ રહી છે ઈઝરાયેલ અને લેબનાન વચ્ચે ચાલી રહેલા યુદ્ધ મામલે અમેરિકા મધ્યસ્થીની ભૂમિકા ભજવી રહ્યું છે. આ બેઠકનો ઉદ્દેશ્ય લેબનાન સરહદે હિંસા ઓછી કરવાનો અને સ્થાયી યુદ્ધવિરામ તરફ આગળ વધવાનો છે.
આ બેઠક અગાઉ ઈઝરાયલના વડાપ્રધાન બેન્જામિન નેતન્યાહુ સ્પષ્ટ કરી ચૂક્યા છે કે લેબનાનમાં ઈરાન સમર્થિત ઉગ્રવાદી સંગઠન હિઝબુલ્લાહ વિરુદ્ધ તો કાર્યવાહી ચાલુ રહેશે જ્યારે ઈરાનનું કહેવું છે કે ઈઝરાયલે લેબનાનમાં તાત્કાલિક હુમલા રોકવા પડશે, અમેરિકા સાથેની સીઝફાયર સમજૂતીની એક શરત એ છે કે ઈઝરાયેલ લેબનાન પર હુમલા નહિ કરે.
ઇઝરાયલ અને લેબનોન વચ્ચે આજે વોશિંગ્ટનમાં યોજાનારી બેઠક ભારતીય સમય અનુસાર રાત્રે 8:30 વાગ્યે શરૂ થશે. આ બેઠકમાં લેબનોનના રાજદૂત નાદા હમાદેવ અને ઇઝરાયલના રાજદૂત યેચિએલ લિટર ભાગ લેશે. આ માહિતી અમેરિકી વિદેશ વિભાગે આપી છે લેબનોનના સંસ્કૃતિ મંત્રી ઘસ્સાન સલામેએ કહ્યું છે કે ઇઝરાયલ સાથે થનારી વાતચીતનો મુખ્ય હેતુ હુમલાઓને રોકવાનો છે. તેમણે તેને પ્રારંભિક પહેલ ગણાવી છે.
સલામે કહ્યું કે આ રાજદૂત સ્તરની બેઠક હશે, જેનું ધ્યાન લશ્કરી ગતિવિધિઓને રોકવા અને પરિસ્થિતિને શાંત કરવા પર રહેશે તેમણે સ્પષ્ટ કર્યું કે સાચી શાંતિ વાટાઘાટો ત્યારે જ શક્ય છે જ્યારે ઇઝરાયલનો બોમ્બમારો બંધ કરે, અન્યથા તેનો કોઈ મતલબ રહેતો નથી.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
