Pakistan: પાકિસ્તાનમાં ઈરાન-અમેરિકા વચ્ચે બેઠક થવાની વાતો હતી પણ હવે આ બેઠક યોજાય તે પહેલાં જ સુરસુરીયું થઈ ગયું છે અને અમેરિકાથી પ્રતિનિધિ મંડળ પાકિસ્તાન પહોંચે તે પહેલાજ ઈરાનના વિદેશ મંત્રી અબ્બાસ અરાઘચી આજે શનિવાર સાંજે ઈસ્લામાબાદથી અમેરિકી અધિકારીઓને મળ્યા વગર જ ઈરાન પરત જતા રહયા છે, પાકિસ્તાની અધિકારીઓએ તેમને એરપોર્ટ પર વિદાય આપી હતી.
ઈરાનના વિદેશ મંત્રી અબ્બાસ અરાઘછીએ માત્ર પાકિસ્તાનના વડાપ્રધાન શાહબાઝ શરીફ, આર્મી ચીફ અસીમ મુનીર અને અન્ય અધિકારીઓ સાથે જ બેઠક કરી હતી અને પોતાની શરતો મૂકી હતી આ શરતો ઈરાન વતી અમેરિકાને પહોંચાડી દેવા જણાવી તેઓ ઈરાન પરત થઈ જતા અમેરિકન પ્રતિનિધિ મંડળ હવે કોની સાથે વાટાઘાટો કરે તે સ્થિતિમાં તેઓએ પણ ઈરાન આવવાનું માંડી વાળતા બેઠકનું અચ્યુતમ થઈ ગયું છે.
અમેરિકી વિશેષ દૂત સ્ટીવ વિટકોફ અને ટ્રમ્પના જમાઈ જેરેડ કુશનર આજે શનિવારે ઈસ્લામાબાદ પહોંચવાના હતા. પરંતુ અરાઘચી તેમને મળ્યા વગર જ રવાના થઈ ગયા રોયટર્સના અહેવાલ મુજબ, અરાઘચીએ પાકિસ્તાનને ઈરાનની શરતો અને અમેરિકી માંગણીઓ પરના પોતાના વાંધાઓ પણ સોંપી દીધા છે. ઈરાને અમેરિકા સાથે સીધી વાતચીત કરવાનો ઈન્કાર કરી દીધો છે. વિદેશ મંત્રાલયના પ્રવક્તા ઈસ્માઈલ બઘેઈએ જણાવ્યું કે ઈરાન પોતાની વાત પાકિસ્તાન દ્વારા જ અમેરિકા સુધી પહોંચાડશે.
અમેરિકી રાષ્ટ્રપતિ ડોનાલ્ડ ટ્રમ્પે ઈરાન સાથે વાતચીત કરવા માટે પાકિસ્તાન જઈ રહેલા પોતાના અધિકારીઓનો પ્રવાસ રદ કરી દીધો છે ફોક્સ ન્યૂઝ સાથે વાત કરતા ટ્રમ્પે જણાવ્યું હતું કે, તેમણે સ્ટીવ વિટકોફ અને જેરેડ કુશનરની 18 કલાક લાંબી યાત્રા અટકાવી દીધી છે, કારણ કે તેનો કોઈ ફાયદો નહોતો.
તેમણે કહ્યું કે વર્તમાન પરિસ્થિતિમાં અમેરિકા મજબૂત સ્થિતિમાં છે અને અમારી પાસે બધા જ પત્તા છે. ટ્રમ્પના જણાવ્યા અનુસાર, ઈરાન જ્યારે ઈચ્છે ત્યારે અમેરિકાનો સંપર્ક કરી શકે છે. તેમણે એ પણ સ્પષ્ટ કર્યું કે અમેરિકી ટીમ હવે પાકિસ્તાન જઈને કોઈ પણ પરિણામ વગરની વાતચીત માટે રાહ જોશે નહીં આમ,કોઈ પરિણામ વગર જ બેઠક મળે તે પહેલાજ તેનું સુરસુરીયું થઈ જતા તેની તેજ સ્થિતિ રહેતા વિશ્વમાં આર્થિક સંકટ ઠેર નું ઠેર રહેવા પામ્યું છે.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
