ચૂંટણીપંચે આજે મંગળવારે દિલ્હીમાં યોજાનારી વિધાનસભા ચૂંટણીની જાહેરાત કરી છે. આ સાથે જ દિલ્હીમાં આદર્શ આચારસંહિતા લાગુ થઈ ગઈ છે. 70 સભ્યોની વિધાનસભા માટે 5 ફેબ્રુઆરીએ એક જ તબક્કામાં ચૂંટણી યોજાશે, જ્યારે મત ગણતરી 8 ફેબ્રુઆરીએ થશે.

વિધાનસભાની મુદત ક્યારે પૂરી થાય છે?

70 સભ્યોની દિલ્હી વિધાનસભાનો કાર્યકાળ 23 ફેબ્રુઆરીએ સમાપ્ત થઈ રહ્યો છે. વર્ષ 2022માં ચૂંટણી પંચે 6 જાન્યુઆરીએ ચૂંટણીની તારીખો જાહેર કરી હતી. આવી સ્થિતિમાં, 8 ફેબ્રુઆરીએ મતદાન કર્યા પછી, 11 ફેબ્રુઆરીએ મતગણતરી કરવામાં આવી હતી. જેમાં આમ આદમી પાર્ટીએ એકતરફી રીતે 62 બેઠકો જીતી હતી, જ્યારે ભાજપને 8 બેઠકોથી સંતોષ માનવો પડ્યો હતો. તે જ સમયે, કોંગ્રેસનું પ્રદર્શન નિરાશાજનક હતું અને ગ્રાન્ડ ઓલ્ડ પાર્ટી દિલ્હીમાં પોતાનું ખાતું પણ ખોલી શકી ન હતી.

AAPની નજર હેટ્રિક પર છે

સત્તાધારી આમ આદમી પાર્ટીની નજર હેટ્રિક પર છે. તેણે 2015માં 67 અને 2020માં 62 બેઠકો જીતી હતી. છેલ્લી બે વિધાનસભા ચૂંટણીમાં ભાજપ ડબલ આંકડાને સ્પર્શી શક્યું નથી. મુખ્ય ચૂંટણી કમિશનર રાજીવ કુમારના નેતૃત્વમાં કદાચ આ છેલ્લી ચૂંટણી છે. ઉલ્લેખનયી છે કે રાજીવ કુમાર 18 ફેબ્રુઆરીએ નિવૃત્ત થવા જઈ રહ્યા છે.

દિલ્હીમાં કેટલા મતદારો છે?

ચૂંટણી પંચે 6 જાન્યુઆરીએ દિલ્હી વિધાનસભા ચૂંટણી માટે મતદારોની અંતિમ યાદી જાહેર કરી હતી. પંચે કહ્યું કે 1 કરોડ 55 લાખ 24 હજાર 858 મતદારો નોંધાયેલા છે. જેમાં 84 લાખ 49 હજાર 645 પુરુષ મતદારો જ્યારે 71 લાખ 73 હજાર 952 મહિલા મતદારોનો સમાવેશ થાય છે.

આરોપ-પ્રત્યારોપનો દોર ચાલુ છે

દિલ્હી વિધાનસભા ચૂંટણી માટે આમ આદમી પાર્ટી સહિત તમામ રાજકીય પક્ષોએ ચૂંટણીની રણનીતિ બનાવવાનું શરૂ કરી દીધું છે. તેઓ પોતપોતાના વચનો અને દાવાઓ સાથે જનતાની વચ્ચે પણ હાજર છે. સ્લેજિંગ, વિવાદાસ્પદ નિવેદનો અને આક્ષેપો અને પ્રતિ-આક્ષેપોનો મારો ચાલી રહ્યો છે.

આમ આદમી પાર્ટીના રાજ્યસભાના સાંસદો રાઘવ ચઢ્ઢા અને સંજય સિંહ 4 જાન્યુઆરીએ જિલ્લા મેજિસ્ટ્રેટને મળ્યા હતા અને મતદારોના નામ કાઢી નાખવા અંગે ફરિયાદ નોંધાવી હતી, પરંતુ નવી દિલ્હી જિલ્લા ચૂંટણી અધિકારીએ આ ફરિયાદને પાયાવિહોણી ગણાવી હતી. તેમણે કહ્યું હતું કે આ ફરિયાદમાં કોઈ પણ પ્રકારનું સત્ય નથી.

આ સમાચાર પણ વાંચોઃ ભારતની અર્થવ્યવસ્થાને લઈ માઠા સમાચારઃ GDPમાં થઈ શકે છે મોટો ઘટાડો!

દિલ્હીની ચૂંટણી જાહેર થતાં આપ નેતા ઈસુદાન ગઢવીએ શું કહ્યું?