- ઝાલ મુડીના ભવ્ય નજરાણાં બાદ મહાપુરુષે મેદાનમાં ફોટો પડાવ્યાં.
- નરેન્દ્ર મોદી હાલ બે દિવસના સિક્કિમ પ્રવાસ પર છે, પણ પશ્ચિમ બંગાળની ચૂંટણી પર પુરતું ધ્યાન.
PM Modi in Sikkim: છેલ્લાં 12 વર્ષોથી અલગ અલગ પ્રકારના નાટકો કરવામાં પાવરધા એવાં આપણાં દેશના પ્રધાનમંત્રીએ પશ્ચિમ બંગાળના મતદારોને આકર્ષવા માટે સિક્કિમમાં ફૂટબોલ રમવાનો ખેલ માંડ્યો છે. આમ તો, લોકતંત્રને નેસ્તોનાબૂદ કરવાના તમામ કારસા મોદી – શાહે કરી જ નાંખ્યાં છે. તંત્ર પર સંપૂર્ણ કાબૂ ધરાવતાં નરેન્દ્ર દામોદરદાસ મોદી અને અમિત શાહને જાણે ગ્યાનેશ કુમારની તેમના પ્રત્યેની નિષ્ઠા પર પુરતો ભરોસો ના હોય તેમ લાગી રહ્યું છે. એટલે જ એક તરફ ગૃહમંત્રી અમિત શાહ ગુંડા-મવાલી જેવી ભાષામાં ભાષણો કરી રહ્યાં છે તો બીજી તરફ એમના સાહેબ, ક્યારેક ઝાલ મુડી ખાઈને છવાઈ જવાનો પ્રયાસ કરે છે તો ક્યારેક મંદીર બહાર ફૂલ ખરીદીનો તમાશો કરે છે.
પશ્ચિમ બંગાળની ચૂંટણી લૂંટવાની તમામ ગોઠવણ કરી બેઠેલી મોદી – શાહની જોડીને જપીને બેસવું ફાવે તેવું નથી લાગતું અને નાટકાસુર તરીકે ખ્યાતિ પ્રાપ્ત કરવાની ઘેલછા ધરાવતાં દામોદરદાસ મોદીના સુપુત્રએ નિત નવાં ખેલ કરવા પડે છે. એની જ એક નવી કડીમાં દામોદરદાસ મોદીના 75 વર્ષિય પુત્રએ સિક્કિમમાં બાળકો સાથે ફૂટબોલ રમવું પડ્યું. અને ફૂટબોલ રમ્યાનો આનંદ અને પશ્ચિમ બંગાળની ચૂંટણીમાં મતદારોને પોતાનો ફૂટબોલ પ્રેમ દર્શાવવાનો સંતોષ તેમણે જાતે જ એક્સ પર પ્રદર્શિત કર્યો છે.
Nothing like playing some football with my young friends in Sikkim on a lovely Gangtok morning! ⚽️ pic.twitter.com/5xEceWBH1f
— Narendra Modi (@narendramodi) April 28, 2026
દામોદરદાસ મોદીના સુપુત્ર સોમવારે સિક્કિમ પહોંચ્યા હતાં. સિક્કિમની સ્થાપનાના 50 વર્ષ પૂરા થવાના પ્રસંગે વિવિધ કાર્યક્રમોનું આયોજન કરવામાં આવ્યું છે તેમાં તેઓ મુખ્ય અતિથિ પદને શોભાયમાન કરી રહ્યાં છે. ઉલ્લેખનિય છે કે, સિક્કિમના 50 વર્ષ ગયા વર્ષે પૂરા થયાં હતાં અને તેના ઉદ્ઘાટન સમારોહમાં પ્રધાનમંત્રી જવાના હતાં. પરંતુ, ખરાબ વાતાવરણને કારણે તેઓએ ગંગટોક જવાનું રદ કર્યું હતું. અને બાદમાં સિલીગુડીથી વિડીયો કોન્ફરન્સ દ્વારા તેમણે મનની વાત જણાવીને સંતોષ માણ્યો હતો. જોકે, આ વર્ષ પશ્ચિમ બંગાળ અને તામિલનાડુમાં રાજકીય વાતાવરણ અંધાધૂધી વાળું છે છતાં છપ્પન ઇંચની છાતીની ધડકન પર કાબૂ રાખીને તેઓ સિક્કિમ ગયાં છે.
આમ તો, કોઈ રાજ્યમાં ચૂંટણી હોય ત્યારે દામોદરદાસ મોદીના સુપુત્રનો જીવ બીજે ક્યાંય ચોંટે એવી શક્યતા નથી હોતી. ભવ્ય રેલીઓ… જોર જોરથી ભાષણો… નવા નવાં કપડાંઓ પહેરવના… ઢગલાં બંધ રીલો બનાવવાની અને સાથે સાથે તંત્રને સતત એક્ટિવ રાખવાનું.. આ બધું મહત્વનું કામ છોડીને જ્યાં ચૂંટણી ના હોય તેવા રાજ્યમાં જવું પડે તે ખરેખર બ્રહ્માંડ પુરુષ માટે ખુબ જ મુશ્કેલી ભર્યું કાર્ય ગણી શકાય.
છતાંય સોમવારે નોન-બાયોલોજીકલ બ્રહ્માંડ પુરુષ સિક્કિમની રાજધાની ગંગટોક પહોંચ્યાં. ત્યાં તેઓ 4000 કરોડથી વધુના વિવિધ વિકાસ કાર્યોનું અનાવરણ કરશે. શક્ય છે સિક્કિમ સાથે કોઈ જૂનો નાતો પણ અંધભક્તોને જાણવા મળી રહે. જોકે, પશ્ચિમ બંગાળની ચૂંટણીનો બીજો તબક્કો જેમના મનમાં 24 કલાક રમી રહ્યો છે તેવા દામોદરદાસ મોદીના નોન-બાયોલોજીકલ સુપુત્રએ સિક્કિમમાં પણ તેમની નજર પશ્ચિમ બંગાળ તરફ છે એનો પુરતો સાક્ષાત્કાર કરાવી દીધો છે.
આજે પ્રધાનમંત્રી મોદીએ સોશિયલ મિડીયા પર તસવીરો શેર કરતાં લખ્યું છે કે, ગંગટોકની એક સુંદર સવાર, સિક્કિમમાં મારા નાકડા દોસ્તો સાથે ફૂટબોલ રમવાની મઝા જ કંઈક અલગ છે.
Clearly, an energising football session with these youngsters! pic.twitter.com/Xc99oCylqt
— Narendra Modi (@narendramodi) April 28, 2026
ક્રિકેટ રસિયાઓથી છલકાતાં ભારતભરમાં ફૂટબોલ પ્રત્યે અનન્ય લાગણી પશ્ચિમ બંગાળમાં જોવા મળે છે. અને 29 તારીખે બીજા તબક્કાના મતદાન પહેલાં ફૂટબોલ પ્રેમી મતદારોને રિઝવવા માટે સિક્કિમ બેઠાં પ્રચાર થઈ શકતો હોય તો આ તક બ્રહ્માંડ પુરુષ ચૂકે એ વાતમાં તો કોઈ માલ નથી. અને ચૂંટણી પ્રચારના પડઘમ શાંત થઈ ગયા બાદ પણ પ્રધાનમંત્રી આડકતરો પ્રચાર કરી રહ્યા છે એવી ફરિયાદ ચૂંટણી કમિશનને કરવામાં આવે તો… એ તો માત્ર એટલું જ કહેશે… ઐસી બાતેં આપકો કરની ચાહીએ ક્યાં?
અત્રે ખાસ નોંધનિય છે કે, આજથી પહેલાં નરેન્દ્ર દામોદરદાસ મોદીના ફૂટબોલ રમતાં કોઈ ફોટો – વિડીયો જોવા મળ્યાં નથી. આ માત્ર જાણ ખાતર.
આ પણ વાંચો:
Japan: જાપાને હવામાંથી ‘એર પેટ્રોલ’ની શોધ કરી લીધી! છતાં આ ડ્રિમ પ્રોજેક્ટ કેમ પડતો મુકયો ? જાણો
