Rajasthan: ગુજરાતમાં છૂટથી દારૂ મળવા માંડ્યો છે અને ગિફ્ટસિટીમાં તો દારૂ પીવાની પરમિશન મળી જતા ગુજરાતના અન્ય વિસ્તારોમાં પણ હવે દેશી-વિદેશી દારૂની ડિમાન્ડ વધતા વધુ ભાવો લઈ બુટલેગરો ધંધો કરી રહયા છે ત્યારે હવે કેટલાક પોલીસકર્મચારીઓ પણ મલાઈદાર ધંધામાં ઝંપલાવ્યું હોવાનું સામે આવી રહ્યું છે.
દાહોદના ચાકલિયા પોલીસ મથકમાં ફરજ બજાવતા બે હેડ કોન્ટેબલ અને એક કોન્ટેબલ રાજસ્થાનથી દારૂનો જથ્થો ભરી ગુજરાતમાં લાવતા હોવાની બાતમીના આધારે દાહોદ LCB પોલીસે તેઓને રોકતા તેઓએ કાર ભગાવતા કાર સાઈડમાં ઉતરી જતા તેઓ ભાગી છૂટ્યા અને પોલીસે કારમાં તપાસ કરતા દારૂ મળી આવ્યો જે જપ્ત કર્યો હતો આમ,પોલીસવાળા દારૂનો જથ્થો રાજસ્થાનથી ભરી ગુજરાતમાં લાવતા હોવાની વાત ખુલ્લી પડી છે.
વિગતો મુજબ ચાકલિયા પોલીસ મથકમાં જ ફરજ બજાવતા હેડ કોન્ટેબલ અર્જુન ઘનુભાઈ ભૂરિયા, મોહન રમેશભાઇ તાવિયાડ અને કોન્ટેબલ પ્રકાશ સબુરભાઇ હઠીલાએ રાજસ્થાનથી એક પંચ કારમાં વિદેશી દારૂનો જથ્થો ભરી નીકળ્યા ત્યારે તે કાર મોહન તાવિયાડ ચલાવતો હતો. જ્યારે અર્જુન ભૂરિયા અને પ્રકાશ હઠીલા અન્ય બીજી અલ્ટો કારમાં પાયલોટિંગ કરતા હતા.
બીજી તરફ દાહોદ LCBને રાજસ્થાનથી ગુજરાતમાં દારૂનો જથ્થો આવી રહ્યો હોવાની બાતમી મળતાં LCBએ ઝાલોદ અને ચાકલિયા પોલીસ ટીમ સાથે તળાવા ચોકડી પાસે વોંચ ગોઠવી ઉભા હતા તે દરમિયાન બાતમી મુજબના નંબર વાળી બન્ને કાર દેખાતા પોલીસે તેને રોકવાનો ઈશારો કરતા કાર ચાલકોએ ગાડી ધીમી પાડવાને બદલે ઝડપ વધારી લીમડી તરફ કાર હંકારી મુકતા પોલીસે ખાનગી વાહનોમાં પીછો કરતાં દારૂ ભરેલી પંચફોર વ્હીલર ગાડી આશરે 500 મીટર દૂર ગટરમાં ઊતરી ગઈ હતી, જેનો ચાલક ફરાર થઇ ગયો હતો.
જ્યારે પાયલોટિંગ કરતી અલ્ટો પણ અંધારાનો લાભ લઈ ગાયબ થઈ જતા માત્ર ત્યાં સાઈડમાં ઉતરી ગયેલી પંચ કારમાં પોલીસે તપાસ કરતાં તેમાંથી ઇંગ્લિશ દારૂ તથા બિયરની 8 પેટી, 112 બોટલો અને અંદાજે 74 લિટરથી વધુ દારૂનો જથ્થો મળ્યો હતો પોલીસે કાર સહિત કુલ રૂપિયા 5 લાખ 66 હજાર 646ની મત્તાનો મુદ્દામાલ જપ્ત કર્યો હતો પોલીસ તપાસ દરમિયાન દારૂ ભરેલી પંચ (GJ-35-N-8922) હેડ કોન્ટેબલ મોહન તાવિયાડની હોવાનું ખુલ્યું છે,જ્યારે ફરાર અલ્ટો કાર (GJ-20-CA-8956) કોન્ટેબલ પ્રકાશ સબુરભાઈ હડિયાની હોવાનું ખુલવા પામ્યું છે આમ, દારૂના ધંધામાં પ્રોહિબિશન જેવા ગંભીર ગુનામાં પોલીસકર્મચારીઓની સીધી સંડોવણી સામે આવતા અનેક સવાલ ઉઠ્યા છે.
● અગાઉ અરવલ્લીમાં પણ દારૂની હેરાફેરીમાં પોલીસકર્મીઓના નામ સામે આવી ચુક્યા છે.
આ પહેલા પણ તા.29 ડિસેમ્બર 2025ના રોજ અરવલ્લીમાં પોલીસ જવાનો દારૂની હેરાફેરી કરતા પકડાઈ ચુક્યા છે તે વખતે પણ LCB પોલીસે શામળાજી બોર્ડર વિસ્તારમાં રિક્ષામાં લવાયેલા 27 પેટી દારૂને કારમાં મૂકતી વખતે રેડ કરતા પોલીસકર્મી પોપટ ભરવાડ અને એસઆરપી જવાન રાહુલ દેસાઈને દારૂની હેરાફેરી કરતા રંગેહાથ ઝડપી લેવામાં આવ્યા હતા તે સમયે પ્રાથમિક તપાસમાં બંને આરોપી છેલ્લા કેટલાક સમયથી દારૂ કટિંગના ધંધામાં સંડોવાયેલા હોવાનું ખુલ્યું હતું આમ,ગુજરાતમાં હવે પોલીસવાળાઓ પણ દારૂના ધંધામાં હાથ અજમાવી રહયા હોવાનું સપાટી ઉપર આવ્યું છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
