Masoud Pezeshkian Resignation: ઈરાન અત્યારે બહારથી ભલે અમેરિકા જેવા શક્તિશાળી દેશ સામે મજબૂતીથી લડતું દેખાતું હોય, પરંતુ દેશની અંદર સત્તાના સર્વોચ્ચ સ્તરે ભયાનક બગાવત અને નારાજગી ફાટી નીકળી છે. ઈરાનની સત્તાવાર લોકશાહી અને કટ્ટરપંથી લશ્કરી તંત્ર વચ્ચેનો આંતરિક ઝઘડો હવે ચરમસીમાએ પહોંચ્યો છે. સમાચાર છે કે ઈરાનના રાષ્ટ્રપતિ મસૂદ પેઝેશ્કિયાને પક્ષપાતી અને આપખુદ લશ્કરી દબાણથી કંટાળીને પોતાના પદ પરથી રાજીનામું ધરી દીધું છે. આ સનસનાટીપૂર્ણ દાવો ‘ઈરાન ઇન્ટરનેશનલ ન્યૂઝ પોર્ટલ’ ના એક ચોંકાવનારા રિપોર્ટમાં કરવામાં આવ્યો છે. અસલી વિવાદ એ વાતનો છે કે દેશના ઉચ્ચ હોદ્દા પર બેઠેલા વહીવટી અધિકારીઓ વિનાશક યુદ્ધને તાત્કાલિક રોકવા માંગે છે, પરંતુ દેશની સેના કોઈ પણ ભોગે નમતું જોખવા તૈયાર નથી. પરિણામે કઠપૂતળી બની ગયેલા રાષ્ટ્રપતિએ પદ છોડવું પડ્યું છે.
રિવોલ્યુશનરી ગાર્ડનો કબજો
ઈરાન ઇન્ટરનેશનલના રિપોર્ટમાં સરકારી તંત્રની લાચારી અને કટ્ટરપંથીઓના આતંકનો પર્દાફાશ કરાયો છે. રાષ્ટ્રપતિ પેઝેશ્કિયાને અત્યંત ઘેરી નારાજગી સાથે સરકાર છોડતા કહ્યું કે, જ્યારે દેશની આખી કમાન અને તમામ નિર્ણયો સેના જ સંભાળી રહી છે, તો પછી ચૂંટાયેલી નાગરિક સરકારનું શું કામ છે? સત્તાવાર સૂત્રોના હવાલાથી રિપોર્ટમાં લખ્યું છે કે, પેઝેશ્કિયાને સ્વીકાર્યું છે કે તેમની સરકારને દેશની સુરક્ષા અને મોટા નીતિવિષયક નિર્ણયો લેવાની પ્રક્રિયામાંથી સદંતર બહાર ફેંકી દેવામાં આવી છે. રિવોલ્યુશનરી ગાર્ડના કટ્ટરપંથી લશ્કરી જૂથોએ આખા દેશની તમામ સત્તાઓ ગેરકાયદેસર રીતે પોતાના કંટ્રોલમાં લઈ લીધી છે. આવી દમનકારી પરિસ્થિતિમાં બંધારણીય અને કાનૂની જવાબદારીઓ નિભાવવી અશક્ય બનતા તેમણે પદત્યાગનો આકરો નિર્ણય લીધો છે.
Pezeshkian’s Resignation Denied
Sources close to the Iranian President’s Office have firmly denied reports claiming the resignation of President Masoud Pezeshkian.
In a video released today by the official website of the Iranian Presidency, President Pezeshkian emphasized his… pic.twitter.com/O8wf8oEH7e— Iran’s Today (@Iran) May 31, 2026
રાજીનામા પર મોટો પેચ
જોકે, પશ્ચિમ એશિયાના આ સૌથી શક્તિશાળી શાસન વ્યવસ્થાની અંદર ચાલી રહેલા આ આંતરિક સત્તાયુદ્ધમાં મોટો પેચ ફસાયો છે. રાષ્ટ્રપતિના રાજીનામાનો દાવો ભલે મીડિયાએ કર્યો હોય, પરંતુ ખુદ પેઝેશ્કિયાને હજુ સુધી જાહેરમાં આવીને આની કોઈ સત્તાવાર પુષ્ટિ કરી નથી. ઇસ્લામિક શાસન બચાવવા મથતી કેટલીક સરકારી સંસ્થાઓ આ વાતને દબાવવાનો પૂરો પ્રયાસ કરી રહી છે. ‘Iran’s Today’ નામની સંસ્થાએ સોશિયલ મીડિયા પ્લેટફોર્મ X પર દાવો કર્યો છે કે રાજીનામાના આ અહેવાલો માત્ર હવામાં વહેતી અફવાઓ છે. સરકારના બચાવમાં કહેવાયું છે કે રાષ્ટ્રપતિ કાર્યાલયના નજીકના સૂત્રો આ સમાચારોને તદ્દન ખોટા અને પાયાવિહોણા ગણાવે છે.
સરકારી પ્રચાર અને વાસ્તવિકતા
જનતાનો આક્રોશ શાંત કરવા માટે ઈરાનના રાષ્ટ્રપતિની સત્તાવાર વેબસાઇટ પર એક વીડિયો અગાઉ શેર કરવામાં આવ્યો હતો, જેમાં પેઝેશ્કિયાન ઈરાનની પ્રગતિ અને સમૃદ્ધિ માટે દ્રઢતાથી કામ ચાલુ રાખવાની ગુલબાંગો ફેંકતા દેખાય છે. સરકારના કેટલાય કઠપૂતળી મંત્રીઓએ પણ રાજીનામાની વાતને નકારી કાઢી છે. પરંતુ ચોંકાવનારી બાબત એ છે કે ખુદ રાષ્ટ્રપતિએ આ વિવાદ પર મૌન સાધી લીધું છે અને જનતા સમક્ષ આવીને સ્પષ્ટતા કરવાની હિંમત બતાવી નથી. આ વહીવટી મૌન જ સાબિત કરે છે કે બંધ દરવાજા પાછળ સેનાના બૂટ નીચે લોકશાહી ચગદાઈ રહી છે.
રાષ્ટ્રપતિની રહસ્યમય પોસ્ટ
આ ભયાનક સત્તાસંગ્રામ વચ્ચે રાષ્ટ્રપતિ પેઝેશ્કિયાને પોતાની છેલ્લી X પોસ્ટમાં જે લખ્યું છે, તે ભારે શંકાઓ જન્માવે છે. તેમની આ પોસ્ટ ભારે કન્ફ્યુઝન, લાચારી અને સેના પ્રત્યેની નારાજગીથી ભરેલી છે. તેમણે લખ્યું, ‘મોટા પડકારોનો સામનો મુશ્કેલીઓ અને યાતનાઓ સહન કર્યા વિના થઈ શકતો નથી. આ ઉતાર-ચઢાવ ભરેલી નરકાગાર પરિસ્થિતિમાંથી બહાર નીકળવા માટે લોકોની જાગૃતિ અને સહકારની જરૂર છે. આપણે દેશની અસલી કંગાળ સ્થિતિ અને સમસ્યાઓ વિશે લોકોને સાચી માહિતી આપવી જ જોઈએ.’ આ નિવેદન સ્પષ્ટ કરે છે કે સેના દેશને યુદ્ધની આગમાં ઝોંકીને બરબાદ કરી રહી છે અને દેશની સાચી સ્થિતિ જનતાથી છુપાવવામાં આવી રહી છે.
رویارویی با چالشهای بزرگ بدون تحمل سختیها شدنی نیست. عبور از این مسیر پر فراز و نشیب تنها با آگاهی و همکاری عمومی ممکن است.
باید واقعیتهای موجود را برای مردم تبیین کنیم تا همه بخشهای جامعه در حل مشکلات مشارکت داشته باشند.
کاین درد مشترک هرگز جدا جدا درمان نمیشود.— Masoud Pezeshkian (@drpezeshkian) May 31, 2026
નકલી મજબૂતીની પોલ ખુલી
અમેરિકા-ઈરાન યુદ્ધમાં ઈરાન ભલે દુનિયા સામે એવો દેખાવ કરતું હોય કે તે ડગલું પણ પાછળ હટશે નહીં અને અમેરિકાને જડબાતોડ ટક્કર આપી રહ્યું છે, પણ સત્ય એ છે કે ઈરાન અંદરથી સંપૂર્ણપણે ખોખલું થઈ ચૂક્યું છે. આંતરરાષ્ટ્રીય મીડિયા રિપોર્ટ્સ મુજબ, જનતા અને દેશના બુદ્ધિજીવી નેતાઓ હવે આ વિનાશક યુદ્ધને તાત્કાલિક રોકી દેવા માંગે છે. પરંતુ બંદૂકના જોરે શાસન ચલાવતી ઈરાનની કટ્ટરપંથી સેના આગળ કોઈનું કશું ચાલતું નથી. દેશ પર અત્યારે જનતાનું નહીં પરંતુ લશ્કરી રાજ ચાલી રહ્યું હોય તેવી ગંભીર કટોકટી સર્જાઈ છે.
સુપ્રીમ લીડર લાચાર
ઈરાનની આ સત્તાવાર અરાજકતા પાછળનું સૌથી મોટું કારણ સુપ્રીમ લીડર મોજતબા ખામેનેઈની લાચારી અને તેમની ખરાબ તબિયત છે. ૨૩ એપ્રિલે અમેરિકાના પ્રતિષ્ઠિત અખબાર ‘ધ ન્યૂયોર્ક ટાઈમ્સ’ એ ઈરાનના કટ્ટરપંથી શાસનની પોલ ખોલતા છાપ્યું હતું કે મોજતબા ખામેનેઈ અત્યંત ગંભીર બીમારીઓથી પીડાઈ રહ્યા છે અને તેમની સારવારને સંપૂર્ણપણે સીક્રેટ રાખવામાં આવી રહી છે. અહેવાલ મુજબ, તેમના એક પગનું અત્યાર સુધીમાં ત્રણ વાર ઓપરેશન થઈ ચૂક્યું છે, એક હાથની સર્જરી થઈ છે અને તેમનો ચહેરો તથા હોઠ ભયાનક રીતે દાઝી ગયેલા હોવાથી તેમને પ્લાસ્ટિક સર્જરીની તાતી જરૂર છે.
સેનાનો જુલમી ભરડો
સુપ્રીમ લીડર જીવતદાન માટે ઝંખતા હોવાથી દેશની આખી કમાન બંધારણને નેવે મૂકીને સેનાના જનરલોએ પોતાના હાથમાં લઈ લીધી છે. સ્થિતિ એટલી ખરાબ છે કે દેશના વડા એવા રાષ્ટ્રપતિને પણ સુપ્રીમ લીડરને મળવા દેવાની સેના મનાઈ કરી રહી છે. લશ્કરી તંત્રના આ જ જુલમ અને સરમુખત્યારશાહીથી નારાજ થઈને આખરે રાષ્ટ્રપતિએ રાજીનામું આપવું પડ્યું હોવાના અહેવાલો સચોટ સાબિત થઈ રહ્યા છે. સરકારી મીડિયા ગમે તેટલો જૂઠો પ્રચાર કરે, પણ ઈરાનની જનતા હવે શાસકોના દમન અને સેનાની જોહુકમી સામે બગાવતના મૂડમાં આવી ગઈ છે.
આ પણ વાંચો:
