‘દેશ કા TATA નમક’ એ દ્વારકાના ખેડૂતોની પથારી ફેરવી,’જેની બાજુ TATA હોય એને ખબર પડે’

Dwarka TATA Chemical Company Pollution: દેશની પહેલી પસંદ ભલે TATA નમક હોય પણ તેનું પ્રદૂષણ દેવભૂમી દ્વારકાવાસીઓ માટે ઝેર સમાન છે. ટાટા કેમિકલે ખેતી,તળાવો, કૂવાઓ અને સ્થાનિક લોકોનું સ્વાસ્થ્ય બગાડ્યું છે.

દ્વારકા જીલ્લાના મીઠાપુરમાં TATA કેમિકલ્સ લિમિટેડ કંપનીના પ્રદૂષિત પાણીથી ખેડૂતોની જમીનો બરબાદ થઈ ગઈ છે. જમીનો ઉપજલાયક રહી નથી. કંપનીના ખારા પાણી ખેડૂતોના ખેતરોમાં ફરી વળ્યા છે. ખેતર નજીક કંપનની માલિકીની જમીન પર પ્રદૂષિત પાણી છોડવામાં આવે છે. જેના કારણે ખેડૂતો કશું બોલી શકતા નથી. આ ગંદા પાણીની ખારાશ તેમના ખેતરો અને કુદરતી ખડકો પર લાગી છે. ખારા પાણીના કારણે ખડકો નાશ પામી રહ્યા છે પછી તો ખેતીલાયક જમીનોની વાત જ શું કરવી!.

અહીંના પાણીના કુદરતી સ્ત્રોતો પણ મૃતઃપાય અવસ્થામાં ફેરવાઈ ગયા છે. તળાવો સહિત કૂવાઓમાં ખારા પાણી થઈ ગયા છે. જેથી તે ખેતીમાં પણ ઉપગોયમાં લઈ શકે તેવી સ્થતિમાં રહ્યા નથી.

સ્થાનિક ખેડૂતો કહે છે તંત્રને અનેકવાર રજૂઆતો કરવા છતાં કોઈ સાંભળતું નથી. વારંવાર લેખિતમાં રજૂઆતો કરાઈ હોવા છતાં તંત્ર આંખ આડા કાન કરે છે. ખેડૂત કહે છે કે ડુંગર દૂરથી રળિયામણા હોય છે. જેની નજીક TATA કેમિકલ કંપની હોય એમને ખબર પડે. TATAનું મીઠું ભલે ઘરે ઘરે વપરાઈ અને સ્વાસ્થય માટે સારુ હોય. પણ તેનું પ્રદૂષણ દ્વારકાના ખેડૂતો માટે ઝેર સમાન છે. જમીન ઝેરી બનાવી છે. કૂવાના પાણી મીઠા રહેવા દીધા નથી. ખેતીલાયક પણ પાણી રહ્યા નથી.

ખેડૂતોનો આક્ષેપ છે કે કંપની સરકારને કરોડનું દાન એમ એમ નથી આપતી, ખેડૂતોને બરબાદ કરીને આપે છે. ખેડૂતોની ખેતી હવે પુરી થઈ ગઈ છે.

ત્યારે આ જ મુદ્દે જુઓ ગ્રાઉન્ડ રિપોર્ટ